کراتی ، کمبوڈیا  (شِنہوا) کمبوڈیا کے وزیر اعظم سمدیچ ٹیکو ہن سین نے کہا ہے  کہ چین کی جانب سے اپنی سرحدوں کو دوبارہ کھولنا اس  مملکت   کی معیشت اور سیاحت میں  نئی جان ڈال دے گا۔

ہن سین نے  کہا ہے کہ دنیا کی دوسری بڑی معیشت نے 8 جنوری سے اپنی سرحدیں دوبارہ کھولنے کا منصوبہ بنایا ہے، اس کے بعد سے کمبوڈیا اور دیگر ممالک  یکساں طور پر چینی سیاحوں کے استقبال کے منتظر ہیں ۔

انہوں نے چین کی مالی معاونت  سے دریا پر  پل کی تعمیر کے لیے سنگ بنیاد  رکھنے کی تقریب کے دوران کہا  کہ کمبوڈیا چینی سیاحوں کے لیے مقبول ترین سیاحتی مقامات میں سے ایک ہے ۔

انہوں نے مزید کہا کہ چینی سیاحوں کی واپسی پر یہ  جنوب مشرقی ایشیائی قوم انہیں  خوش آمدید کہتے ہوئے بہت خوش ہے،اور ان کی موجودگی ملک کی سیاحت اور اقتصادی ترقی کے لیے بہت ضروری ہے۔

ہن سین نے کہاکہ جب چین اپنی سرحدیں دوبارہ کھولے گا تو پروازوں میں کئی گنا اضافہ ہو جائے گا اور اسی لیے ہم  پرامید ہیں کہ 2023 میں تقریباً 20 لاکھ چینی سیاحوں کو دوبارہ خوش آمدید کہا جائے گا۔

کمبوڈیا کے رہنما کے مطابق نوول کرونا وائرس عالمی وبا سے قبل  2019 میں کمبوڈیا نے 23 لاکھ60   ہزار چینی سیاحوں کوخوش آمدید کہا تھا۔

شی آن (شِنہوا) چین کی سب سے بڑی تیل اور گیس فیلڈ چھانگ چھنگ آئل فیلڈ نے 2022 کے دوران 6 کروڑ 50  لاکھ ٹن سے زیادہ خام تیل اور قدرتی گیس کے مساوی تیل (ٹی او ای ) پیدا کیا ، جس سے چین کے ملکی تیل اور گیس کے شعبوں میں پیداوار کا ایک نیا ریکارڈ قائم ہوا ہے ۔

پیٹرو چائنہ چھانگ چھنگ آئل فیلڈ کمپنی کے مطابق چھانگ چھنگ آئل فیلڈ نے 2022 میں 1کروڑ ٹن سے زیادہ تیل اور گیس کی پیداواری صلاحیت حاصل کی  اور سال بھر میں تیل کے 2 ہزار 210 کنویں اور گیس کے 2 ہزار 338 کنویں استعمال میں لائے گئے ہیں ۔

   کمپنی نے کہا کہ سال  2022 کے دوران آئل فیلڈ کی تیل اور گیس کی پیداوار میں 2021  کی نسبت تقریباً  25لاکھ 70ہزار  ٹن کا اضافہ ہوا۔

چین کے   شمال مغربی اورڈوس طاس  میں واقع چھانگ چھنگ آئل فیلڈ نے ملک کی توانائی کے تحفظ  کے لیے اہم کردار ادا کیا ہے۔ 1970 کی دہائی سے اس کے جمع شدہ مصدقہ تیل اور گیس کے ذخائر ملک کے مجموعی ذخائر کا ایک تہائی ہیں۔

اس وقت چھانگ چھنگ آئل فیلڈ نے کامیابی  کے ساتھ  35 آئل فیلڈز اور 13 گیس فیلڈز تیار کی ہیں جس سے ملک میں 89 کروڑ ٹن سے زیادہ تیل کے برابر حصہ فراہم کیا جارہا ہے۔

چین ، شمال مغربی صوبہ گانسو کے شہر ژانگ یی کے ایک آئس رنک میں لوگ لطف اندوز ہو رہے ہیں۔ (شِنہوا)

چین ، شمالی تیان جن کے ضلع جی ژو کے تھیم پارک میں بچے اسکینگ کی مشق کررہے ہیں۔ (شِنہوا)

چین ، وسطی صوبہ ہینان کے جی یوآن کے اسکی ریزوٹ میں ایک خاتون اسکینگ سے لطف اندوز ہورہی ہے ۔(شِنہوا)

چین ، شمالی صوبہ ہیبے کے شہر تانگ شان میں تانگ شان ہائی گانگ اقتصادی ترقیاتی زون میں لوگ برف سے لطف اندوز ہورے ہیں۔ (شِنہوا)

چین ، شمالی تیان جن کے ضلع جی ژو کے تھیم پارک میں بچے برف کی سرگرمیوں سے لطف اندوز ہورہے ہیں۔ (شِنہوا)

میکسیکو سٹی (شِنہوا) میکسیکو کے شمالی صوبے چی ہواہوا کے سرحدی شہر سیوداد جوریز کی ایک جیل پر حملے میں مرنے والوں کی تعداد بڑھ کر 17 ہو گئی ہے جن میں 10 محافظ بھی شامل ہیں۔

ریاستی استغاثہ کے دفتر نے ایک پریس ریلیز میں بتایا کہ واقعے میں 27 قیدی فرار اور 13 افراد زخمی ہوئے جن میں 10 قیدی اور تین افسران شامل ہیں۔

میڈیم سکیورٹی سینٹر فار سوشل ری انسرشن نمبر 3 پر حملہ اتوار کی صبح ہوا۔ بکتر بند گاڑیوں میں سوار مسلح مشتبہ افراد نے جیل میں سکیورٹی گارڈز پر فائرنگ شروع کی جس کے بعد فائرنگ کا تبادلہ ہوا۔

میکسیکو کے وزیر دفاع لوئس کریسن سیو سینڈوول نے کہا کہ جیل ٹوٹنے کے بعد جیل کی تلاشی کے دوران  10 " پرتعیش کمرے  "، ہتھیار، منشیات اور 17 لاکھ پیسوز (تقریباً 87 ہزار امریکی ڈالرز) برآمد ہوئے جو ایک تجوری میں رکھے گئے تھے۔

جیل پر حملہ کرنے والے کا تعلق لاس میکسیکلز گروہ سے ہے جس کے کابورکا کارٹیل سے تعلقات ہیں۔ سینڈوول نے کہا کہ فرار ہونے والوں میں ان کا رہنما ارنسٹو الفریڈو پنن بھی شامل ہے، جسے "ایل نیٹو" کے نام سے پکارا جاتا ہے۔

تازہ اعدادوشمار کے مطابق اس جیل میں 3 ہزار 901  قیدی موجود ہیں۔

ہانگ کانگ (شِنہوا) برطانیہ کو چین کے معاملے میں امریکہ سے الگ ہو جانا چاہئے اور چین کے ساتھ مزید تعمیری تعلقات استوار کرنے چا ہئیں۔

 چین کے اخبار ساؤتھ چائنہ مارننگ پوسٹ (ایس سی ایم پی) کی جانب سے  شائع ہونے والے ایک مضمون میں کہا گیا ہے  کہ برطانوی وزیر اعظم رشی سونک کا گزشتہ سال نومبر میں خارجہ پالیسی کا پہلا بیان ان کی پیشرو لز ٹرس سے مختلف تھاجن سے توقع کی جا رہی تھی کہ وہ چین کو خطرہ قرار دیں گی۔

مضمون کے مطابق سونک نے کہا کہ برطانیہ کو چا ہئے کہ  عالمی معاملات میں چین کے کردار کو تسلیم کرے اور سرد جنگ کے بیانات کی بجائےباہمی معاملات   کی حمایت کرنی چا ہئے۔

مضمون میں دلیل دی گئی کہ سونک ایک بہترین راہ  پر گامزن ہوں گےجبکہ  ان کی پارٹی کے دائیں بازو سے تعلق رکھنے والے لوگ مزید جنگی موقف پر زور د یں گے۔

مضمون میں کہا گیا ہے کہ برطانیہ اور چین کے درمیان تعاون کی راہ تلاش کرنے کی ہر وجہ موجود ہےکیو نکہ  دونوں ملکوں  کے درمیان کاروبار، ثقافت، کھیل، تعلیم اور سیاحت سمیت دیرینہ روابط موجود  ہیں۔

 مضمون میں یہ نتیجہ اخذ کیا گیا ہے کہ  برطانیہ کو اچھی طرح سے مشورہ دیا جائے گا کہ وہ اپنی الگ پالیسی بھی تیار کرے۔سونک  کے لیے چین کے ساتھ بہتر، زیادہ تعمیری تعلقات لانے کی گنجائش ہونی چا ہئے۔

ہانگ کانگ (شِنہوا) برطانیہ کو چین کے معاملے میں امریکہ سے الگ ہو جانا چاہئے اور چین کے ساتھ مزید تعمیری تعلقات استوار کرنے چا ہئیں۔

 چین کے اخبار ساؤتھ چائنہ مارننگ پوسٹ (ایس سی ایم پی) کی جانب سے  شائع ہونے والے ایک مضمون میں کہا گیا ہے  کہ برطانوی وزیر اعظم رشی سونک کا گزشتہ سال نومبر میں خارجہ پالیسی کا پہلا بیان ان کی پیشرو لز ٹرس سے مختلف تھاجن سے توقع کی جا رہی تھی کہ وہ چین کو خطرہ قرار دیں گی۔

مضمون کے مطابق سونک نے کہا کہ برطانیہ کو چا ہئے کہ  عالمی معاملات میں چین کے کردار کو تسلیم کرے اور سرد جنگ کے بیانات کی بجائےباہمی معاملات   کی حمایت کرنی چا ہئے۔

مضمون میں دلیل دی گئی کہ سونک ایک بہترین راہ  پر گامزن ہوں گےجبکہ  ان کی پارٹی کے دائیں بازو سے تعلق رکھنے والے لوگ مزید جنگی موقف پر زور د یں گے۔

مضمون میں کہا گیا ہے کہ برطانیہ اور چین کے درمیان تعاون کی راہ تلاش کرنے کی ہر وجہ موجود ہےکیو نکہ  دونوں ملکوں  کے درمیان کاروبار، ثقافت، کھیل، تعلیم اور سیاحت سمیت دیرینہ روابط موجود  ہیں۔

 مضمون میں یہ نتیجہ اخذ کیا گیا ہے کہ  برطانیہ کو اچھی طرح سے مشورہ دیا جائے گا کہ وہ اپنی الگ پالیسی بھی تیار کرے۔سونک  کے لیے چین کے ساتھ بہتر، زیادہ تعمیری تعلقات لانے کی گنجائش ہونی چا ہئے۔

گوانگ ژو(شِنہوا) چین کے جنوبی صوبہ گوانگ ڈونگ کے گوانگ ژو میں لوگوں نے نئے سال کی تعطیلات سے لطف اندوز ہو نے  کے لئے مختلف سرگرمیوں میں حصہ لیا۔

چین، جنوبی صوبہ گوانگ ڈونگ کے شہر گوانگ ژو کے تیان ہی سڑک کے علاقے میں رات کا نظارہ ۔ (شِنہوا)

چین، جنوبی صوبہ گوانگ ڈونگ کے شہر گوانگ ژو کے گوانگ ژو چھی می لونگ ٹورسٹ ریزورٹ میں سیاح آمدہ سال کا جشن منارہے ہیں۔(شِنہوا)

چین، جنوبی صوبہ گوانگ ڈونگ کے گوانگ ژو میں سیاح ٹیانڈے اسکوائر کا  دورہ کررہے ہیں۔(شِنہوا)

چین، جنوبی صوبہ گوانگ ڈونگ کے شہر گوانگ ژو کے چھی می لونگ بین الاقوامی سرکس میں سیاح آمدہ سال کا جشن منارہے ہیں۔ (شِنہوا)

شنگھائی (شِنہوا) شنگھائی بندرگاہ نوول کرونا وائرس وبا کے باوجود 2022 میں مسلسل 13 ویں برس دنیا کی مصروف ترین کنٹینر بندرگاہ رہی ۔

بندرگاہ کے آپریٹر شنگھائی انٹرنیشنل پورٹ (گروپ) کمپنی لمیٹڈ کے مطابق 2022 کے دوران بندرگاہ پر کنٹینرز کی نقل وحمل کی تعداد  4 کروڑ 73 لاکھ بیس فٹ مساوی یونٹس (ٹی ای یوز) سے زائد رہی۔

وبائی امراض اور گزشتہ برس گرم و سرد لہروں کا مقابلہ کرتے ہوئے  بندرگاہ نے شنگھائی انٹرنیشنل شپنگ سینٹر کے مستحکم آپریشن کی ضمانت فراہم کی اور عالمی صنعتی و سپلائی چینز کو پائیدار تحفظ دیا۔

دوسری سہ ماہی میں وبائی مرض کے بعد بندرگاہ جولائی میں کنٹینر کی نقل وحمل بارے وی طرز میں  تیزی سے بحالی میں کامیاب رہی اور اس نے 43 لاکھ  ٹی ای یوز کا ماہانہ ریکارڈ  قائم کیا۔

جی نان (شِنہوا)  علاقائی جامع اقتصادی شراکت داری ( آر سیپ ) پیر کے روزسےانڈونیشیا کے لیے باضابطہ طور پرقابل عمل  ہوگئی ہے ۔

 اسی دن چین کے ایک مشرقی صوبہ شا ن ڈونگ نے انڈونیشیا کو برآمدات کے لئے  پہلا علاقائی جامع اقتصادی شراکت داری سرٹیفکیٹ جاری کیا۔

 سرٹیفکیٹ چھنگ ڈاؤ سان مو  ایکویٹک پراڈکٹس کمپنی لمیٹڈ کی جانب سے  شان ڈونگ کے چھنگ ڈاؤ  میں تیار کردہ منجمد سالمن کی کھیپ کے لئے ٹیرف کی شرح کو 10 فیصد سے کم کر کے صفر کر دے گا۔

کمپنی کے جنرل منیجر سن جن ژی نے کہا  کہ اس کا مطلب ہے کہ ہمیں انڈونیشیا میں ہر سال  20 لاکھ یوآن (تقریباً2 لاکھ  87 ہزار 170 امریکی ڈالر) کے ٹیرف سے مستثنیٰ کیا جا سکتا ہے ۔

سن نے مزید کہا کہ کم منافع والی ایکویٹک  پروسیسنگ کی صنعت کے لیے اس قسم کی ٹیرف کی رعایتیں خوشی کی خبریں اور مواقع ہیں جو آرڈرز کو مستحکم کرنے اور برآمدات میں اضافے   کو نمایاں طور پر فروغ دینے میں مدد کرتی ہیں ۔

کسٹمز کے اعداد و شمار  کے مطا بق  آسیان اس وقت شان ڈونگ کا سب سے بڑا تجارتی شراکت دارہےجن میں سے  انڈونیشیا ایک اہم برآمدی منزل ہے۔

2022  کے پہلے 11 ما ہ کے دوران  شان ڈونگ کی انڈونیشیا کے لئے بر آ مدات کی قدر 39.01 ارب یو آن ہو گئی جو کہ گز شتہ سال کی نسبت 29.3 فیصد زا ئد ہے۔

یہ نیا اقدام دونوں اطراف کی تجا رتی کمپنیوں کے لئے اچھی خبر ہے۔

تیان جن (شِنہوا) تیان جن نمبر 1 تھرمل پاور پلانٹ 1937 میں قائم کیا گیا تھا جسے  18 نومبر2011 کو بند کردیا گیا ۔

کئی سال کے بعد اسے ایک بڑے تجارتی مرکز میں بدل دیا گیا ہے۔ جس میں جدید خصوصیات شامل کرتے ہوئے پلانٹ کے  اصل ڈھانچے کو برقرار رکھا گیا ہے۔ اسے نئے سال کی تعطیلات سے قبل عوام کے لئے کھول دیا گیا ہے۔

چین، شمالی شہر تیان جن میں پرانے تھرمل پاور پلانٹ سے تبدیل ہونے والےبڑے تجارتی مرکز میں لوگ اشیاء کی خریداری کررہے ہیں۔ (شِنہوا)

چین، شمالی شہر تیان جن میں پرانے تھرمل پاور پلانٹ سے تبدیل ہونے والےبڑے تجارتی مرکز میں اصل صنعتی ڈیزائن کو شیشے کے احاطے میں محفوظ رکھا گیا ہے۔(شِنہوا)

چین، شمالی شہر تیان جن میں پرانے تھرمل پاور پلانٹ سے تبدیل ہونے والےبڑے تجارتی مرکز میں لوگ صنعتی یادگار کی نمائش دیکھ رہے ہیں۔(شِنہوا)

چین، شمالی شہر تیان جن میں پرانے تھرمل پاور پلانٹ سے تبدیل ہونے والےبڑے تجارتی مرکز میں لوگ ایک بوتھ سے گزررہے ہیں۔(شِنہوا)

بیجنگ (شِنہوا) چین کے متعدد علاقوں میں کوویڈ-19 کے کیسز میں اضافے کے پیش نظر مقامی اسپتالوں میں وبا سے شدید متاثرہ مریضوں کو بروقت علاج معالجے کی سہولت فراہم کی جارہی ہے۔

ملک کے متعدد اسپتالوں میں فعال طور پر وسائل مختص  اور بستروں کا اضافہ  کیا جارہا ہے جب کہ طبی کارکن سنگین کیسزکے علاج اور جان بچانے کے لیے چوبیس گھنٹے کام کر رہے ہیں۔

شمال مشرقی صوبے حئی لونگ جیانگ کے دارالحکومت ہاربن میں، ہاربن میڈیکل یونیورسٹی کے فرسٹ ایفیلی ایٹڈ اسپتال میں کوویڈ-19 کے مریضوں میں اضافے سے نمٹنے کے لیے انتہائی نگہداشت کے بستروں اور وینٹی لیٹرز کی تعداد میں اضافہ کیا گیا ہے حالانکہ  اسپتال میں اس سے متعلقہ طبی عملے کی کمی کا سامنا ہے۔اسپتال کے صدر یو کائی جیانگ نے کہا کہ بہت سے ڈاکٹر اپنا کام جاری  رکھتے ہوئے مریضوں کی مسلسل دیکھ بھال کررہے ہیں حالانکہ وہ خود بھی بیمار تھے، ہم ہرشدید متاثرہ مریض کو بچانے کے لیے ہر ممکن کوشش کر رہے ہیں۔

اسپتال میں طبی ماہرین کی ایک ٹیم تشکیل دی ہے تاکہ سنگین کیسز کو مزید  سنگین ہونے سے بچایا جا سکے۔ اسپتال میں حالیہ دنوں میں 140 سے زیادہ کوویڈ کے شدید بیمارداخل ہوئے ہیں۔شمالی صوبے شنشی کے دارالحکومت تائی یوآن میں شنشی بیتھون اسپتال کا آئی سی یو سیکشن پوری صلاحیت سے کام کر رہا ہے۔ اسپتال میں آئی سی یو بیڈز کی تعداد 30 سے بڑھا کر 54 کر دی گئی ہے۔اسپتال کے آئی سی یو ڈیپارٹمنٹ کی ہیڈ نرس وو وین جنگ نے کہا کہ ہم اکیلے نہیں لڑ رہے ہیں، پورے اسپتال کے تعاون سے، ہم مشکل وقت سے ضرور گزرجائیں گے۔

ہانگ کانگ(شِنہوا) ہانگ کانگ خصوصی انتظامی علاقے (ایچ کے ایس اے آر) کے کل 40 امیدواروں نے خلائی مشنز کے پے لوڈ ماہرین کے لیے ابتدائی اسکریننگ پاس کر لی ہے جو ممکنہ طور پر چین کے مستقبل کے خلائی مشنزمیں شامل ہو ں گے۔ایچ کے ایس اے آر  حکومت کے سیکرٹری برائے اختراعات، ٹیکنالوجی اور صنعت سن ڈونگ نے ایک پریس بریفنگ کے دوران بتایا کہ ایچ کے ایس اے آر حکومت نے اہل امیدواروں کی درخواستیں مین لینڈ حکام کوبھجوادی ہیں، جس کے بعد مین لینڈ حکام کے ساتھ مل کر ان امیدواروں کے انتخابی عمل کومکمل کیا جائے گا۔

سن نے کہا کہ 40 امیدواروں، جن میں 20 مرد اور 20 خواتین شامل ہیں، کا انتخاب ملک کے مقررہ معیار کے مطابق  کیا گیا، جس میں جسمانی فٹنس، تعلیمی قابلیت ، پیشہ ورانہ تجربات کے ساتھ ساتھ خلائی مشنز کے لیے ان کے شوق کو بھی مدنظر رکھا گیا تھا۔

سن نے کہا کہ انہوں نے تمام 40 امیدواروں سے ذاتی طور پر ملاقات کی اوران کی شخصیت اور کیریئر کے منصوبوں سے آگاہی حاصل کی، اور یہ کہ وہ خلائی مشنوں کے لیے ان کی پیشہ ورانہ مہارت اور جوش و جذبے سے بہت متاثرہوئے ہیں۔پے لوڈ ماہرین پیشہ ور سائنسی محققین ہیں جو بنیادی طور پر ایرو اسپیس تجربات یا تحقیق کرنے، خلائی لیبارٹری کے آلات کو چلانےاور دوسرے خلابازوں کے ساتھ خلائی اسٹیشنز کے روزمرہ آپریشنز کے انتظام کے ذمہ دار ہیں۔

سڈنی(شِنہوا) آسٹریلیا کی ریاست کوئنز لینڈ کے گولڈ کوسٹ میں 2 ہیلی کاپٹر آپس میں ٹکرانے کے نتیجے میں 4 افراد ہلاک ہو گئے ہیں جبکہ 3 کی حالت تشویشناک ہے۔

کوئنز لینڈ پولیس کے جنوب مشرقی خطے کے ڈیوٹی آفیسر گیری وورل نے پیر کے روز نامہ نگاروں کو بتایا کہ آج سہ پہر تقریباً 2 بجے براڈ واٹر میں سی ورلڈ کے بالکل سامنے 2 ہیلی کاپٹروں کے درمیانی فضائی تصادم کے بعد پولیس اور ایمرجنسی سروسز کو موقع پر بلایا گیا۔ دونوں ہیلی کاپٹر آپس میں ٹکرانے کے بعد سی ورلڈ ریزورٹ کے بالکل باہر ریت کے ٹیلے پر گرئے۔

گیری وورل کی بریفنگ کے مطابق ایک ہیلی کاپٹر کی ونڈ سکرین ٹوٹ گئی اور وہ جزیرے پر بحفاظت لینڈ کر گیا جبکہ دوسرا زمین پر گر کر الٹ گیا۔

اہلکار نے بتایا کہ حادثے میں 4 افراد ہلاک ہو گئے ہیں جبکہ 3 افراد تشویشناک حالت کے باعث ہسپتال میں زیرعلاج ہیں ، مزید کہا کہ واقعے کی تحقیقات جاری ہیں اور پولیس کی جانب سے کورونر(غیر طبعی موت کی تحقیق کرنے والا) کے ذریعے رپورٹ جاری کی جائیگی۔

کوئنز لینڈ ایمبولینس سروس کی سینئر آپریشن سپروائزر جینی شیرمین نے کہا کہ انہوں نے 2 ہیلی کاپٹروں میں موجود 13 افراد کی شناخت کی ہے۔

ان کے مطابق 6 دیگر افراد بھی معمولی زخمی ہوئے ہیں جنہیں بنیادی طور پر شیشے کے ٹکرے لگنے سے چوٹیں آئی ہیں۔

تہران(شِنہوا)ایران نے اعلیٰ ایرانی کمانڈر قاسم سلیمانی کے قتل میں ملوث ہونے پر تقریباً 60 امریکی اہلکاروں کو بلیک لسٹ کر دیا ہے۔

نیم سرکاری خبر رساں مہر کے مطابق  سپاہ پاسداران انقلاب اسلامی کی القدس فورس کے سابق کمانڈر حسین امیر عبداللہیان نے قاسم سلیمانی کی شہادت کی تیسری برسی سے قبل ایک ٹیلی ویژن انٹرویو میں کہا کہ ایران امریکی حملے میں اپنے کمانڈر کے قتل کی تحقیقات کر رہا ہے۔

انہوں نے یہ باور کرایا کہ ایران کی جانب سے ضروری اقدامات کرنے کے باوجود امریکہ اور مغربی ممالک اس مقدمے کو قانونی طور پر آگے بڑھانے کی ایرانی کوششوں میں رکاوٹ ڈال رہے ہیں۔

امیر عبداللہیان کے مطابق 2015ء کے جوہری معاہدے کی بحالی کے بارے میں ویانا مذاکرات کے ایک حالیہ دور کے دوران امریکہ کی جانب سے اپنے سابق عہدیداروں کو ایران کی بلیک لسٹ سے نکالنے کا مطالبہ کیا گیا ہے۔

رم اللہ(شِنہوا)مغربی کنارے کے شہر جینن کے مغربی گاؤں کفردان میں اسرائیلی فوجیوں کے ساتھ تصادم کے دوران 2 فلسطینی شہری جاں بحق ہو گئے ہیں۔

شہر کے ابن سینا ہسپتال کے ڈائریکٹر سمر عطیہ نے پیر کے روز نامہ نگاروں کو بتایا کہ آج صبح سویرے اسرائیلی فوجی دستے کی جانب سے گاؤں پر دھاوے کے دوران اسرائیلی فوجیوں کے ہاتھوں 2 فلسطینی نوجوان جاں بحق اور 8 فلسطینی شہری زخمی ہو گئے ہیں۔

فلسطینی عینی شاہدین نے بتایا کہ اسرائیل کے خلاف حملوں پر اسرائیلی سیکورٹی فورسز کو مطلوب فلسطینیوں کو گرفتار کرنے کیلئے اسرائیلی فوجی دستے نے گاؤں پر دھاوا بولا ۔

انہوں نے یہ بھی کہا کہ گاؤں میں مسلح فلسطینیوں اور اسرائیلی فوجیوں کے مابین فائرنگ کا تبادلہ ہوا ہے۔

اقوام متحدہ(شِنہوا)اقوام متحدہ کے سیکرٹری جنرل انتونیو گوتریس نے کولمبیا کی حکومت اور 5 مسلح گروپوں کے درمیان 6 ماہ کی جنگ بندی کے اعلان کا خیر مقدم کیا ہے۔

کولمبیا کے صدر گسٹاؤ پیٹرو نے سال نو کے موقع پر 5 باغی گروہوں کے ساتھ یکم جنوری سے 30 جون 2023ء تک دوطرفہ جنگ بندی کے معاہدے کا اعلان کرتے ہوئے کہا کہ مذاکرات میں پیش رفت کے لحاظ سے جنگ بندی میں توسیع کی جا سکتی ہے۔

انتونیو گوتریس کے ترجمان اسٹیفن ڈوجارک نے ایک بیان میں کہا کہ جنگ بندی ایک ایسی پیشرفت ہے جو نئے سال کے آغاز کے ساتھ  کولمبیا کے عوام کیلئےجامع امن کی نئی امید لے کر آئی ہے۔ سیکرٹری جنرل کو اس بات کی امید ہے کہ ان وعدوں پر عمل کرنے سے تشدد اور تنازعات سے متاثرہ کمیونٹیز کے مصائب میں کمی آئے گی جبکہ جاری بات چیت میں اعتماد کی فضاء پیدا کرنے میں مدد ملے گی۔

بیان میں کہا گیا کہ سیکرٹری جنرل نے کولمبیا کی جانب سے مکمل اور دیرپا امن کے حصول کی کوششوں کیلئے اقوام متحدہ کی حمایت کا اعادہ کیا ہے۔

دمشق(شِنہوا) دمشق کے بین الاقوامی ہوائی اڈے پر اسرائیلی میزائل حملے کے نتیجے میں 2 فوجی اہلکار ہلاک ہو گئے ہیں۔

شام کی سرکاری خبر رساں ایجنسی سانا نے پیر کے روز فوجی ذرائع کے حوالے سے بتایا کہ مقامی وقت کے مطابق تقریباً 2 بجے قبل از سحر (سحر کے وقت 4 بجے پاکستانی وقت) پر ہونیوالے فضائی حملے کے باعث دمشق کے بین الاقوامی ہوائی اڈے کی سروس بند ہو گئی اور 2 فوجی اہلکار ہلاک ہوئے ہیں۔

رپورٹ میں بتایا گیا کہ حملے میں مزید 2 فوجی زخمی بھی ہوئے ہیں۔

قبل ازیں سانا نے رپورٹ کیا تھا کہ شامی دارالحکومت میں رات کے وقت آسمان پر کئی دھماکوں کی آوازیں سنی گئی ہیں اور شام کے فضائی دفاع نے اسرائیلی حملہ پسپا کر دیا ہے۔

اسرائیل نے 2022ء میں بھی شام پر متعدد میزائل حملے کیے ہیں۔

بیجنگ(شِنہوا) چینی وزیر اعظم لی کھ چھیانگ نے سٹیونی ربوکا کو فجی کے وزیر اعظم کا عہدہ سنبھالنے پر مبارکباد دی ہے۔اپنے پیغام میں لی نے کہا کہ چین اور فجی اچھے دوست، اچھے شراکت دار اور اچھے بھائی ہیں جو ایک دوسرے کا احترام  کرتے ہوئے مشترکہ ترقی کو فروغ دے رہے ہیں۔

لی نے کہا کہ جب سے دونوں ممالک نے 47 سال قبل سفارتی تعلقات قائم کیے ہیں، ان کے تعلقات کے ثمر آورنتائج برآمد ہوئے، جس سے دونوں ممالک کے عوام کو ٹھوس فوائد حاصل ہوئے ہیں۔

وزیر اعظم لی نے کہا کہ چینی حکومت دو طرفہ تعلقات کی ترقی کو بہت اہمیت دیتی ہے، اور یہ کہ  ان کا ملک مختلف شعبوں میں دوستانہ تبادلوں اور باہمی مفاد پر مبنی تعاون کو مسلسل بڑھانے کے لیے فجی کے ساتھ مل کر کام کرنے کے لیے تیار ہے، انہوں نے کہا کہ دونوں ممالک اور ان کے عوام کے مفاد کے لیے  چین دوطرفہ  تزویراتی شراکت داری کو اعلیٰ سطح پر لے جائے گا۔

شی آن(شِنہوا)چین کے شمال مغربی صوبہ شانشی کے دارالحکومت شی آن میں نویں شاہراہ ریشم بین الاقوامی فلم میلے کا آغاز ہو گیا ہے۔

فلم میلے کے منتظمین کے مطابق فیسٹیول میں 90 ممالک اور خطوں سے مجموعی طور پر 1 ہزار 598 فلموں نے سائن اپ کیا اور 19 فلمیں حتمی دوڑ کے مرحلے میں داخل ہوئی ہیں۔

3 جنوری کو فلمی میلے کی اختتامی تقریب میں بہترین فلم، بہترین ہدایت کار، بہترین اداکار اور بہترین اداکارہ سمیت 10 ایوارڈز کا اعلان کیا جائیگا۔

بیلٹ اینڈ روڈ سے منسلک 24 ممالک اور خطوں سمیت 51 ممالک اور خطوں سے تعلق رکھنے والی فلموں کو 30 دسمبر سے 5 دن کیلئے آن لائن اور آف لائن دکھایا جا رہا ہے۔

2014ء میں پہلی بار منعقد ہونیوالے فلم فیسٹیول کی رواں سال میزبانی چائنہ میڈیا گروپ اور شانشی و فوجیان کی صوبائی حکومتیں کر رہی ہیں۔

بیجنگ(شِنہوا) چین کی عوامی سلامتی کی وزارت نے کوویڈ-19 سے متعلق جعلی ادویات کے ساتھ ساتھ متعلقہ ٹیسٹنگ کٹس، آکسی میٹر اور آکسی جنریٹرز جیسے طبی آلات کی تیاری اور فروخت کے خلاف سخت کریک ڈاؤن کا حکم دیا ہے۔ پیر کو جاری ایک بیان کے مطابق، وزارت نے ملک بھر میں متعلقہ پولیس فورسز کو حکم دیا ہے کہ وہ کوویڈ-19 سے متعلقہ طبی سامان کی پیداوار، ہول سیل اور خوردہ فروشی کے ساتھ ساتھ آن لائن پلیٹ فارمز پرہونے والی اس سے متعلقہ ٹریڈنگ پر بھی گہری نظر رکھیں۔ وزارت  نے پولیس سے کہا ہے کہ وہ دیگر اداروں کے ساتھ مل کر عوام  کی طرف سے رپورٹ کی جانے والی ممکنہ خلاف ورزیوں کی تحقیقات کرے۔

وزارت  نے منظم یا سلسلہ وار خلاف ورزیوں اور ایک سے زیادہ علاقوں میں ملوث لوگوں پر خصوصی توجہ دینے کا عزم ظاہر کیا ہے  تاکہ مجرمانہ نیٹ ورکس کو ختم  اور ان کے منافع کے ذرائع  کو کاٹ دیا جائے۔

ووہان (شِنہوا) چین میں دنیا کے سب سے بڑے ہائیڈرو پاورپراجیکٹ تھری گورجز ڈیم سے سامان کی نقل وحمل کا سال 2022 میں نیا ریکارڈقائم ہوا ہے۔

 تھری گورجز نیوی گیشن اتھارٹی نے پیر کو بتایا کہ  2022 میں تھری گورجز ڈیم سے مجموعی طور پر 15کروڑ98لاکھ ٹن کی نقل وحمل کی گئی جو گزشتہ سال کے مقابلے میں 6.12 فیصد زیادہ ہے۔

سال 2022 میں، اس منصوبے سے گزرنے والے کارگو  کا حجم15کروڑ96لاکھ 50ہزار ٹن رہاجو گزشتہ سال کے مقابلے میں6.53 فیصد زیادہ ہے۔ جبکہ ڈیم کے پانچ سطحی شپ لاکس سے 15کروڑ61لاکھ 80ہزار ٹن کارگو کی نقل وحمل کی گئی جو گزشتہ سال کی نسبت 6.65 فیصد زیادہ ہے۔

تھری گورجز پراجیکٹ ایک کثیر العمل  واٹر کنٹرول سسٹم ہے، جس میں 2ہزار309 میٹر لمبا اور 185 میٹر اونچا ڈیم، شمالی اور جنوبی اطراف میں پانچ سطحی شپ لاکس اور 34 ٹربو جنریٹر شامل ہیں جن کی مجموعی پیداواری صلاحیت 2کروڑ25لاکھ کلو واٹ ہے۔

بیجنگ (شِنہوا) چینی صدر شی جن پھنگ نے چین کے اخبار اکنامک ڈیلی کو کہا ہے کہ وہ اقتصادی رپورٹنگ کے فلسفے اور طریقوں میں جدت لائے  اور نئے دور میں چین کی اقتصادی ترقی کی کہانیوں کو بہتر انداز میں پیش کرے۔ کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین،صدر شی نے ان خیالات کا اظہار اخبار کے اجراء کی 40ویں سالگرہ کے موقع پر مبارکباد کے اپنے  خط میں کیا۔

اخبار کے تمام عملے کے ارکان کو مبارکباد پیش کرتے ہوئے، صدر شی نے کہا کہ سی پی سی اور حکومت کے مرکزی کاموں پر توجہ مرکوز کرتے ہوئے، اخبار نے گزشتہ 40 سال کے دوران پارٹی کے نئے نظریات کی ترویج، اقتصادی پالیسیوں کی تشریح اور اقتصادی کامیابیوں کی رپورٹنگ میں اہم کردار ادا کیا ہے۔

صدر شی  نے امید ظاہر کی کہ اکنامک ڈیلی 20ویں سی پی سی نیشنل کانگریس کے رہنما اصولوں کا مطالعہ کرتے ہوئے  ان پر عمل درآمد اور درست سیاسی رجحان کو برقرار رکھے گا اور میڈیا کے تمام ذرائع  میں مواصلات کے نظام کے قیام کو تیز کرے گا تاکہ ملکی معیشت  کی اعلیٰ معیار کی ترقی اور نئے دور میں اس کی اقتصادی ترقی کی کہانیوں کو بہتر انداز میں پیش کرتے ہوئے اس کے فروغ میں زیادہ سے زیادہ کردار ادا کیا جا سکے۔صدر شی کا خط سی پی سی کی مرکزی کمیٹی کے سیاسی بیورو کے رکن اور سی پی سی کی مرکزی کمیٹی کے پبلسٹی ڈیپارٹمنٹ کے سربراہ لی شولئی نے گزشتہ روز بیجنگ میں سالگرہ کے موقع پر ہونے والی تقریب میں پڑھ کر سنایا۔

برازیل کے برازیلیا میں روایتی صدارتی کمربند(سیش) پہنے ہوئے لويز ايناسيو لولا دا سلوا اپنے حامیوں کی جانب ہاتھ ہلا رہے ہیں۔(شِنہوا)

برازیل کے برازیلیا میں لويز ايناسيو لولا دا سلوا (درمیان) پلانالٹو پیلس میں تقریب کے شرکاء سے خطاب کر رہے ہیں۔(شِنہوا)

برازیل کے برازیلیا میں روایتی صدارتی کمربند(سیش) پہنے ہوئے لويز ايناسيو لولا دا سلوا اپنے حامیوں کی جانب اشارہ کر رہے ہیں۔(شِنہوا)

برازیل کے برازیلیا میں لويز ايناسيو لولا دا سلوا اور منتخب نائب صدر گیرالڈو الکمن اپنی اپنی زوجہ کے ہمراہ تقریب حلف برداری میں شرکت کیلئے آ رہے ہیں۔(شِنہوا)