ترجمان ایم کیو ایم پاکستان اور وفاقی وزیر امین الحق نے کہا ہے کہ پی ٹی آئی کے الزامات انتہائی بیوقوفانہ ہیں، عمران خان نے ہمارے ووٹوں پر ساڑھے تین سال حکومت کی، وہ ہمارا شکریہ ادا کریں۔ نجی ٹی وی سے خصوصی گفتگو کرتے ہوئے متحدہ قومی موومنٹ کے ترجمان اور وفاقی وزیر امین الحق کا کہنا تھا کہ پیپلز پارٹی کے مذاکرات چل رہے ہیں، حلقہ بندیوں پر بات ہورہی ہے، ہمارا سب سے بڑا مطالبہ حلقہ بندیاں ہیں، وفاق میں قانون سازی سے حلقہ بندیاں ہوگئیں تو کراچی میں کیوں نہیں۔ امین الحق کا کہنا تھا کہ وفاقی و صوبائی حکومت کو باور کرادیا کہ معاہدے کی پیشرفت کا جائزہ لیں، آصف زرداری نے مسئلہ حل کرنے کے لئے دو دن مانگے ہیں، امید ہے کہ مثبت نتائج سامنے آئیں گے۔ وفاقی وزیر کا کہنا تھا کہ اتحادی حکومت کے ساتھ بھی بہترین تعلقات آگے بڑھ رہے ہیں، چاہتے ہیں وفاق اور صوبے کے سطح پر ہونے والے معاہدوں پر عملدرآمد یقینی بنایا جائے۔ ایم کیو ایم کسی کی ہدایت یا فون کال پر فیصلے نہیں کرتی، اپنے عوامی آرا پر فیصلے کرتی ہے، جمہوری لوگ ہیں سارے آپشنز کھلے ہیں، نو جنوری کو ریلی نکالیں گے۔ رہنما ایم کیو ایم نے پی ٹی آئی کے الزامات کو بے وفوقانہ قرار دیتے ہوئے کہا عمران خان کو متحدہ کا شکریہ ادا کرنا چاہیے، کیونکہ انہوں نے ہمارے ووٹوں سے ساڑھے تین سال حکومت کی۔

کریڈٹ: انڈیپنڈنٹ نیوز پاکستان-آئی این پی

بینکنگ کورٹ نے ممنوعہ فنڈنگ کیس میں عمران خان سے زمان پارک کے گھر میں ہی تفتیش کرنے کی استدعا مسترد کرتے ہوئے انہیں شامل تفتیش ہونے کا حکم دے دیا۔ اسلام آباد کی بینکنگ کورٹ میں ممنوعہ فنڈنگ کیس کی سماعت ہوئی۔ عمران خان کے وکیل نے چیئرمین پی ٹی آئی کی حاضری سے استثنی کی درخواست دائر کرتے ہوئے ان سے زمان پارک لاہور میں تفتیش کرنے کی استدعا کردی۔ اسپیشل پراسیکیوٹر عمران عباسی نے عدالت کے سامنے مقف پیش کیا کہ عمران خان سیاسی معاملات چلارہے مگر عدالت نہیں آتے، وہ عدالت میں پیش ہوئے نہ ہی اب تک شامل تفتیش ہوئے۔ عمران خان کے وکیل نے مقف اختیار کیا کہ ڈاکٹرز جیسے ہی عمران خان کو اجازت دیں گے وہ عدالت میں پیش ہو جائیں گے، ایف آئی اے کو بھی کہا ہے عمران خان سے تفتیش کیلئے زمان پارک آسکتے ہیں۔ اسپیشل پراسیکیوٹر نے مقف اختیار کیا کہ تفتیشی افسر کے لیے ممکن نہیں کہ لاہور جاکر تفتیش کرے، کل کو کوئی دوسرا ملزم کہے گا کوئٹہ آکر تفتیش کرلیں۔

عدالت نے ریمارکس دیئے کہ تفتیش کرنا تفتیشی افسر کا کام ہے،عدالت کوئی ہدایت نہیں دے گی، تفتیشی افسر جیسے اور جہاں چاہے تفتیش کرے، مداخلت نہیں کریں گے۔ بینکنگ کورٹ کی جج رخشندہ شاہین نے محفوظ فیصلہ سنا دیا، اور عدالت نے چیئرمین تحریک انصاف عمران خان کی 31 جنوری تک عبوری ضمانت میں توسیع کردی۔ عدالت نے عمران خان کے وکیل کی عمران خان سے زمان پارک میں تفتیش کرنے کی استدعا مسترد کرتے ہوئے عمران خان کو شامل تفتیش ہونے کا حکم دیتے ہوئے ریمارکس دیئے کہ عمران خان ہر صورت تفتیشی افسر کے سامنے پیش ہوں۔ عدالت نے وکیل سے معاونت طلب کرتے ہوئے ریمارکس دیئے کہ کیوں نہ عدم پیشی پر عبوری ضمانت واپس لی جائے۔

کریڈٹ: انڈیپنڈنٹ نیوز پاکستان-آئی این پی

سابق وزیر اعلی پنجاب سردار عثمان بزدار نے کہا ہے کہ لگتا ہے میرے علاوہ اس شہر میں سب معصوم ہیں، بس گہنگار میں ہی ہوں۔ عثمان بزدار نے نجی ٹی وی سے خصوصی گفتگو کرتے ہوئے کہا کہ اللہ تعالی کی خاص مہربانی ہے کہ کبھی کوئی ناجائز کام نہیں کیا، پہلے بھی کہا تھا عدالتوں سے انصاف ملے گا، کیوں کی کوئی غلط کام نہیں کیا۔ عثمان بزدار سے سوال کیا گیا کہ عمران خان کے علاوہ سب آپ پر کرپشن اور نااہلی کا الزام لگاتے ہیں، اس پر وہ کیا سوچتے ہیں، جس پر ان کا کہنا تھا کہ شہر میں سب معصوم ہیں، بس گہنگار میں ہی ہوں، لگتا ہے میرا علاوہ اس شہر میں سب معصوم ہیں لیکن وقت ثابت کرئے گا، اللہ نے یہاں سرخرو کیا اور آگے بھی کرئے گا۔ نیب میں انکوائری کس کی ایما پر شروع کی گئی کہ سوال پر سابق وزیراعلی پنجاب نے کہا کہ میرے بہت سارے دوست ہیں کسی کا نام نہیں لینا چاہتا۔

کریڈٹ: انڈیپنڈنٹ نیوز پاکستان-آئی این پی

وزیراعظم شہباز شریف نے کہا ہے کہ جنوبی ایشیا میں امن اورترقی مسئلہ کشمیر کے حل سے جڑی ہے۔ سماجی رابطے کی ویب سائٹ ٹویٹر پر اپنی ٹویٹ میں وزیراعظم شہبازشریف کا کہنا تھا کہ جنوبی ایشیا میں امن اورترقی مسئلہ کشمیر کے حل سے جڑی ہے، یوم حق خود ارادیت کے موقع پرعالمی برادری اپنا کردارادا کرے۔ وزیراعظم نے کہا کہ مقبوضہ کشمیر کے کشمیریوں کو ان کی تقدیر کا فیصلہ کرنے کا قانونی حق دلانا ہوگا۔ وزیراعظم نے مطالبہ کیا کہ بھارت 5 اگست کے اپنے اقدامات کو واپس لے۔

کریڈٹ: انڈیپنڈنٹ نیوز پاکستان-آئی این پی

داسو ہائیڈرو پاور پراجیکٹ (ڈی ایچ پی پی) کا ''کریٹیکل ڈائیورژن سسٹم'' مئی 2023 تک مکمل ہو جائے گا، چائنا گیزوبا گروپ کمپنی (سی جی جی سی)، جو کہ مرکزی کام کا ٹھیکیدار ہے، تعمیر کی قیادت کر رہی ہے۔ گوادر پرو کے مطابق پراجیکٹ مینجمنٹ نے چیئرمین واپڈا لیفٹیننٹ جنرل سجاد غنی (ریٹائرڈ) کو ڈی ایچ پی پی کے دورے کے موقع پر بریفنگ دی، جو خیبر پختونخواہ (کے پی) کے اپر کوہستان ضلع میں داسو ٹاؤن کے اوپر دریائے سندھ پر تعمیر کیا جا رہا ہے۔ پراجیکٹ کی 12 مختلف سائٹس پر بیک وقت تعمیراتی کام جاری ہے، اہلکار نے بتایا گی کہ اہم موڑ کا نظام مئی 2023 میں مکمل ہو جائے گا جبکہ منصوبے سے بجلی کی پیداوار 2026 کے آخر تک شروع ہو جائے گی ۔ گوادر پرو کے مطابق چیئرمین نے پراجیکٹ کے مختلف مقامات کا دورہ کیا جن میں ڈائیورژن ٹنل، سٹیٹر ڈیم ایریا اور پراجیکٹ کالونی شامل ہیں۔

پراجیکٹ کالونی کے دورے کے دوران چیئرمین نے پراجیکٹ کی نئی تعمیر شدہ دفتری عمارت کا افتتاح کیا۔ چین کا سی جی آئی سی او پی پراجیکٹ کالونی اور اس پراجیکٹ کے انفراسٹرکچر پیکج کو انجام دے رہا ہے۔ گوادر پرو کے مطابق منصوبے کی تفصیلات کے مطابق سی جی جی سی تعمیراتی کمپنی آر سی سی ڈیم اور منصوبے کے الائیڈ ہائیڈرولک ڈھانچے کو انجام دے ر ہی ہے۔ زیر زمین پاور ہاؤس اور الائیڈ ہائیڈرولک ڈھانچے کی تعمیر؛ ڈیم سائٹ سے اترگاہ تک دائیں کنارے تک رسائی کی سڑک، قراقرم ہائی وے RD 25200 کو آر ڈی 62213 میں منتقل کرنا شامل ہے ۔ گوادر پرو کے مطابق چائنا سول انجینئرنگ کنسٹرکشن کارپوریشن (سی سی ای سی سی) رائٹ بینک ایکسیس روڈ کی تعمیر کے مختلف حصوں پر کام کر رہی ہے۔ اسی طرح دوبئیر سے داسو تک 132 کے وی ٹرانسمیشن لائن کی تعمیر پاور کنسٹرکشن کارپوریشن آف چائنا لمیٹڈ (PCCC) کر رہی ہے۔

چونگ مے انجینئرنگ گروپ لمیٹڈ پروجیکٹ کی دوبارہ آبادکاری کی جگہ پر کام کر رہا ہے۔ گوادر پرو کے مطابق یہ بات قابل ذکر ہے کہ تکمیل پر دا پاکستان میں اوسطاً 21 بلین یونٹ کیساتھ سب سے زیادہ سالانہ توانائی پیدا کرنے والا منصوبہ بن جائے گا ۔ واپڈا پراجیکٹ ایریا میں آبادکاری، ماحولیاتی انتظام اور سماجی ترقی سے متعلق اسکیموں پر 17.34 بلین روپے خرچ کر رہا ہے۔ تقریباً 3722 ملازمتیں جن میں مقامی لوگوں کے لیے 1945 شامل ہیں، اب تک پیدا ہو چکی ہیں، جو منصوبے کی تعمیر کے عروج کے دوران بڑھ کر 8000 تک پہنچ جائیں گی۔

کریڈٹ: انڈیپنڈنٹ نیوز پاکستان-آئی این پی

چین پاکستان اقتصادی راہداری ( سی پیک ) کے متعدد منصوبے 2030 تک فنشنگ لائن کو عبور کر لیں گے، 18.7 بلین ڈالر کی مجموعی سرمایہ کاری کے ساتھ 11 توانائی کے منصوبے اور سات بنیادی ڈھانچے کے منصوبے پہلے ہی مکمل ہو چکے ہیں۔ گوادر پرو کے مطابق 2023کا سورج چین پاکستان اقتصادی راہداری ( سی پیک )کے لیے نئی امیدوں کے ساتھ ابھرا ہے جس کے پس منظر میں مزید چینی سرمایہ کاری کو فروغ دینے، تین نئی سی پیک راہداریوں کے آغاز، ثقافتی تبادلے کے پروگراموں کی بحالی، اور خصوصی اقتصادی سرگرمیوں کو فعال کرنے کرنا شامل ہیں ۔ گوادر پرو کے مطابق 2023 میں سی پیک پاک چین سفارتی تعلقات کے 72 سالوں میں ایک مرکزی مرحلہ لینے کے لیے تیار ہے۔ چائنا تھری گورجز ساؤتھ ایشیا انویسٹمنٹ لمیٹڈ (CSAIL) کی جانب سے جاری کردہ ''پاکستان کے پاور سیکٹر کا جائزہ اور فیوچرآؤٹ لک'' کے عنوان سے جاری کردہ رپورٹ کے مطابق سی پیک کے کل 36 سے زائد منصوبے، جن پر 27.5 بلین ڈالر کے متوقع اخراجات ہیں۔ یہ خیال کیا جاتا ہے کہ ان میں سے بہت سے 2030 تک فنشنگ لائن کو عبور کر لیں گے۔

گوادر پرو کے مطابق سی ایس اے آئی ایل کی رپورٹ میں کہا گیا ہے کہ 18.7 بلین ڈالر کی مجموعی سرمایہ کاری کے ساتھ 11 توانائی کے منصوبے اور سات بنیادی ڈھانچے کے منصوبے پہلے ہی مکمل ہو چکے ہیں، جبکہ دس اضافی منصوبے – توانائی کے شعبے میں چار اور بنیادی ڈھانچے میں – اب عمل میں آ رہے ہیں اور آنے والے سالوں میں ان کے مکمل ہونے کی امید ہے۔ گوادر پرو کے مطابق مزید برآں، پانچ خصوصی اقتصادی زونز 2023 میں 1 بلین ڈالر کی سرمایہ کاری کے ساتھ ٹھوس پیش رفت کریں گے۔ نو شناخت شدہ خصوصی اقتصادی زونز (SEZs) میں سے چار کو 500 ملین ڈالر کی لاگت سے آنے والے سالوں میں مکمل کیا جائے گا۔ گوادر پرو کے مطابق سال 2023 سی پیک ـ کولابوریٹو ریسرچ گرانٹ (CPECـCRG) کو بھی دیکھ رہا ہے جو کہ حال ہی میں شروع کیے گئے ایچ ای سی اقدام یعنی ''یونیورسٹیز کے سی پیک کنسورشیم کے تحت تعلیمی تعاون'' کے کلیدی جز میں سے ایک ہے۔ مذکورہ منصوبے کا مجموعی مقصد تاریخی عالمی جیو اسٹریٹجک اور جیو اکنامک ٹرانزیشن اور خطے پر بالعموم اور پاکستان پر بالخصوص اس کے اثرات کو سمجھنا اور اس کا جواب دینا ہے، وسیع چینی بیلٹ اینڈ روڈ انیشیٹو اور اس کے پیش نظر پاکستان کے لیے مخصوص جزو ـ سی پیک ۔

ابھرتی ہوئی عالمی حرکیات سے پیدا ہونے والے تزویراتی مواقع کا قومی ردعمل سی پیک لانگ ٹرم پلان (LTP) ہے۔ گوادر پرو کے مطابق چینی بہار کے تہوار کی تقریبات کے سلسلے میں پاکستانی میڈیا کو 2023 ہیپی چائنیز نیو ایئر اور آنے والے پروگراموں کے بارے میں بریفنگ دیتے ہوئے، ثقافتی دفتر کے سیکنڈ سیکرٹری زنگ لی جن نے کہا کہ پاکستان اور چین کے درمیان تعلیم اور ثقافتی تعاون اور تبادلوں میں ہر گزرتے دن کے ساتھ ساتھ اضافہ ہوا ہے، کیونکہ اس وقت ہزاروں پاکستانی طلباء چین کی مختلف یونیورسٹیوں میں زیر تعلیم ہیں۔ اسی طرح 2023 میں پاکستان میں نمائشوں اور چینی ثقافتی تقریبات میں مزید اضافہ متوقع ہے۔ پاکستان میں چینی سفارتخانے کے ترجمان نے میڈیا کو بتایا کہ توقع ہے کہ چینی حکومت 2023 میں ثقافتی تبادلے کے پروگرام دوبارہ شروع کرے گی۔ گوادر پرو کے مطابق اسی طرح، دونوں ممالک کے درمیان کرنسی کا معاہدہ نہ صرف ایک معاشی ماسٹر اسٹروک ہے بلکہ اسے ایک اسٹریٹجک اقدام کے طور پر بھی بتایا جاتا ہے۔ امید ہے کہ 2023 میں ڈالر پر پاکستان کا انحصار کم ہو جائے گا، کیونکہ پاکستان اور چین کے مرکزی بینکوں نے آر ایم بی کلیئرنگ میکانزم قائم کرنے کے لیے مفاہمت کی یادداشت پر دستخط کیے ہیں۔

گوادر پرو کے مطابق اقتصادی چیلنجوں کے باوجود چین پاکستان میں براہ راست غیر ملکی سرمایہ کاروں کی فہرست میں سرفہرست رہا۔ کووڈ 19 اور پاکستان کی حکومت میں تبدیلی دونوں سی پیک میں سست روی کا باعث بنے لیکن وہ رکاوٹیں اب موجود نہیں ہیں اور توقع ہے کہ 2023 میں پاکستان میں چین کی ایف ڈی آئی کے لحاظ سے سی پیک پر کام مزید رفتار پکڑے گا۔ سی پیک کے دوسرے مرحلے نے سماجی و اقتصادی ترقی، تعلیم، سیاحت، صنعت، تیل اور گیس، تحقیق اور ٹیکنالوجی سے متعلق منصوبوں پر تعاون کو شامل کرنے کے لیے اپنے دائرہ کار کو وسیع کر دیا ہے۔ گوادر پرو کے مطابق جیسا کہ چین پاکستان آزاد تجارتی معاہدے کا فیز ون اور فیز ٹو مکمل طور پر کام کر رہا ہے، 2023 میں پاک چین تجارتی منظر نامے میں نئی گہرائی نظر آئے گی تاکہ پاکستان اپنے اقتصادی عدم توازن اور ترقی کی رفتار کو دور کرنے کے لیے چین کو اپنی برآمدات میں اضافہ کرے۔ گوادر پرو کے مطابق 2023 میں سی پیک پاکستان کے لوگوں کے لیے روزگار کے بڑے مواقع پیدا کرے گا۔

حال ہی میں پاکستان میں چین کے سفیر نونگ رونگ نے کہا کہ سی پیک نے 6000 میگاواٹ بجلی کی فراہمی، 510 کلومیٹر ہائی وے اور 886 کلومیٹر ٹرانسمیشن لائن کے منصوبوں میں 192,000 ملازمتیں پیدا کی ہیں، جس سے پاکستان کی سماجی و اقتصادی ترقی کو مستحکم کرنے میں مدد ملی ہے۔ گوادر پرو کے مطابق 2023 میں چین پاکستان اقتصادی راہداری ( سی پیک ) کے تحت 2030 تک روزگار کے 700,000 نئے مواقع پیدا ہونے کا تخمینہ لگایا گیا ہے۔ پاکستان کی وزارت منصوبہ بندی، ترقی اور اصلاحات کی سی پیک سینٹر آف ایکسی لینس کی طرف سے کی گئی ایک حالیہ تحقیق سے پتہ چلتا ہے کہ بالواسطہ طور پر، سی پیک اپنے موجودہ متفقہ منصوبوں کے تحت 1.2 ملین ملازمتیں پیدا کرنے میں بھی مدد کر سکتا ہے۔

کریڈٹ: انڈیپنڈنٹ نیوز پاکستان-آئی این پی

سابق وفاقی وزیر فوادچوہدری نے کہا کہ ملک عام انتخابات کی طرف بڑھ رہا ہے ، کارکنان الیکشن کمپیئن کی تیاری کریں ، گزشتہ روز سماجی رابطے کی ویب سائٹ ٹویٹر پر ایک ٹویٹ میں تحریک انصاف کے صدر وسابق وفاقی وزیر اطلاعات فواد چوہدری نے کہا ہے کہ ملک عام انتخابات کی طرف بڑہ رہا ہے، تحریک انصاف کے کارکنان الیکشن کمپیئن کی تیاری کریں، ٹیکنو کریٹ گورنمنٹ جیسی سازشیں ناکامی سے دوچار ہوں گی اور عام انتخابات کے نتیجے میں عمران خان ایک مستحکم حکومت بنائیں گے موجودہ حکومت کے آخری ہفتے شروع ہو گئے ہیں۔

کریڈٹ: انڈیپنڈنٹ نیوز پاکستان-آئی این پی

الیکشن کمیشن نے مسلم لیگ ن کو انٹراپارٹی انتخابات کرانے کیلئے ایک ہفتے کی حتمی مہلت دے دی۔ سیاسی جماعتوں کے انٹر پارٹی انتخابات کے حوالے سے الیکشن کمیشن میں چیف الیکشن کمشنر سکندر سلطان راجہ کی سربراہی میں 3 رکنی کمیشن نے سماعت کی۔ الیکشن کمیشن نے مسلم لیگ ن کو پارٹی انتخابات کرانے کیلئے ایک ہفتے کی حتمی مہلت دیتے ہوئے واضح کیا ہے کہ اگر مقررہ مدت میں انتخابات نہ ہوئے تو پارٹی سے انتخابی نشان واپس لے لیا جائے گا۔ چیف الیکشن کمیشن سکندر سلطان راجہ نے کہا ہے کہ جو پارٹی الیکشن نہیں کراسکتی وہ عام انتخابات کیا کرائے گی۔

کریڈٹ: انڈیپنڈنٹ نیوز پاکستان-آئی این پی

پاکستان ڈیمو کریٹک موومنٹ (پی ڈی ایم) کے ترجمان حافظ حمد اللہ نے کہا ہے کہ چودھری پرویز الہی اعتماد کا ووٹ لیں یا نہ لیں وہ دونوں صورتوں میں وزیراعلی نہیں رہیں گے، عمران خان کی جانب سے 9 جنوری کو اعتماد کا ووٹ لینے کا اعلان صرف خبر ہی رہے گی۔ حافظ حمد اللہ کا کہنا تھا کہ شنید ہے کہ عمران خان نے جڑواں شہر کے مکین سے ملنے کی کوشش کی مگر وہاں سے نمبر بند یا مصروف ملا، اب خان صاحب کے لئے نہ کال آئے گی اور نہ پہاڑی کمک۔ عمران خان پر وزیر آباد میں ہونے والے حملے کے حوالے سے ترجمان پی ڈی ایم نے کہا کہ پنجاب حکومت کی فارنزک رپورٹ سے ثابت ہوا کہ خان صاحب کو ایک گولی بھی نہیں لگی، اس رپورٹ سے عمران خان کا ایک اور جھوٹ پکڑا گیا اور ان کا بیانیہ ایک بار پھر جھوٹا نکلا۔ حافظ حمد اللہ کا کہنا تھا کہ قانون میں فواد چودھری کی پریس کانفرنس نہیں بلکہ پنجاب فارنزک لیب کی رپورٹ قابل قبول ہے۔

کریڈٹ: انڈیپنڈنٹ نیوز پاکستان-آئی این پی

ملتان روڈ پر دھند کے باعث خوفناک ٹریفک حادثہ پیش آیا ہے ۔ جمعرات کو لاہور ملتان روڈ پرعلی الصبح دھند کے باعث6 گاڑیاں آپس میں ٹکرا گئیں جس کے نتیجے میں 8 افراد زخمی ہوئے ہیں ۔ حادثے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو ابتدائی طبی امداد کے بعد فوری طور پر مقامی ہسپتال منتقل کر دیا ۔ ریسکیو کے مطابق زخمیوں میں دو کی حالت تشویشناک بتائی جارہی ہے ، حادثے کی اطلاع ملنے پر موٹروے پولیس بھی موقع پر پہنچ گئی ، موٹروے پولیس نے گاڑیوں کو فوری طور پر ملتان روڈ سے ہٹا کر ٹریفک کی روانی بحال کروائی ۔

کریڈٹ: انڈیپنڈنٹ نیوز پاکستان-آئی این پی

ملک بھر میں کورونا کیسز کی تعداد بڑھنے لگی، 33 افراد متاثر، 19 کی حالت تشویشناک۔ قومی ادارہ صحت (این آئی ایچ ) کی جانب سے جاری کردہ اعداد و شمار کے مطابق 24 گھنٹوں کے دوران 3 ہزار 942 کورونا ٹیسٹ کئے گئے جن میں سے 33 افراد کے کورونا ٹیسٹ مثبت آئے ہیں۔ اس طرح 24 گھنٹوں میں کئے گئے مثبت کورونا ٹیسٹ کی شرح 0.84 فیصد رہی ہے، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 19 مریضوں کی حالت تشویشناک ہے۔

کریڈٹ: انڈیپنڈنٹ نیوز پاکستان-آئی این پی

اینٹی نارکوٹکس فورس کی ملک میں منشیات کے خلاف کارروائیوں کا سلسلہ جاری ۔ ترجمان اے این ایف کے مطابق انٹرنیشنل کوریئر آفس کامرہ میں لندن بھیجنے کے لیے تیار کیے گئے پارسل سے مجموعی طور پر 438 گرام ہیروین برآمد کرلی گئی، جو بڑی مہارت کے ساتھ خواتین کے کپڑوں میں چھپائی گئی تھی۔ دوسری کارروائی میں اسلام آباد موٹر وے ٹول پلازہ پر کار سے 10 کلو 500 گرام ہیروئین برآمد کرکے 2 ملزمان کو گرفتار کرلیا گیا۔برآمد شدہ ہیروئن کار کے خفیہ خانوں میں مہارت سے چھپائی گئی تھی ۔ علاوہ ازیں ایک اور کارروائی کے دوران جہلم جی ٹی روڈ کے قریب جہلم کے رہائشی ملزم سے 39 کلو پوست برآمد کرلی گئی۔ منشیات برآمد کرنے کے بعد اے این ایف نے ملزمان کے خلاف انسداد منشیات ایکٹ کے تحت مقدمات درج کرکے تفتیش شروع کردی ہے۔

کریڈٹ: انڈیپنڈنٹ نیوز پاکستان-آئی این پی

ترجمان حکومتِ پنجاب مسرت جمشید چیمہ نے کہا ہے کہ بھگوڑوں کا یہ خاندان پاکستان کو اپنی ذاتی جاگیر سمجھتا ہے، لیکن آج تک اس وطن سے مخلص نہیں ہوسکا۔ سماجی رابطے کی ویب سائٹ ٹوئٹر پر اپنے پیغام میں مسرت جمشید چیمہ نے کہا کہ پاکستان میں بھی ایک ہسپتال بنایا لیکن وہاں سے بھی علاج نہیں کرواسکتے، گزشتہ 40 سال کسی نا کسی صورت میں اقتدار کے مزے لینے کے باعث فرعونیت اس خاندان کے سرپر سوار ہوچکی ہے۔ ترجمان پنجاب حکومت کا کہنا تھا کہ آئندہ جب بھی الیکشن ہوں گے عوام انہیں دوبارہ زمین پر لائے گی، اس ملک پر حکمرانی اس ٹھگنی کا خواب ہی رہے گا، مریم صفدر نامعلوم سرجری کروانے کیلئے پہلے لندن گئیں اور اب ایک اور سرجری کروانے سوئٹزر لینڈ جا رہی ہیں،ہمیں معلوم ہے یہ وہاں کن سرجریز اور کن بینک اکانٹس کے لئے مشہور ہیں۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف کی رکن پنجاب اسمبلی مومنہ وحید نے وزیراعلی پنجاب پرویز الہی کو اعتماد کا ووٹ نہ دینے کا اعلان کر دیا۔ مومنہ وحید کا کہنا ہے کہ پرویزالہی کواعتماد کا ووٹ نہیں دوں گی، آج تحریک انصاف میں پرانا کارکن دلبرداشتہ ہے، پرویزالہی صرف گجرات اورمنڈی بہا الدین میں ترقیاتی کام کروا رہے ہیں، عمران خان کے اردگرد صرف مفاد پرست لوگ اکھٹے ہیں،رکن پنجاب اسمبلی نے دعوی کیا کہ پی ٹی آئی کے مزید اراکین ہیں جو وزیراعلی پرویز الہی کو اعتماد کا ووٹ نہیں دیں گے۔

کریڈٹ: انڈیپنڈنٹ نیوز پاکستان-آئی این پی

ترجمان امریکی محکمہ خارجہ نیڈ پرائس نے کہا ہے کہ پاکستان امریکا کا قریبی شراکت دار ہے اور پاکستانی عوام نے دہشتگردی کے باعث بہت نقصان اٹھایا ہے۔ ترجمان امریکی محکمہ خارجہ نیڈ پرائس نے نیوز بریفنگ کے دوران کہا کہ افغانستان میں موجود دہشتگرد گروپوں نے پاکستانیوں کی جانیں لیں، پاکستان کو جب مناسب لگے گا تو وہ ایکشن لے گا، پاکستان کو اپنے دفاع کا پورا پورا حق حاصل ہے۔ نیڈ پرائس نے کہا کہ افغانستان سے دہشت گردی ہونے کے خطر ات برقرار ہیں، پاکستان کوئی بھی اقدام اپنے مفاد کو دیکھ کر کرے گا اور پاکستان کس قسم کا ایکشن لے گا یہ اس کی اپنی مرضی ہو گی۔ امریکی ترجمان نے کہا کہ طالبان دہشتگردوں کو خطے کیلئے خطرہ بننے اور داعش ، القاعدہ اور ٹی ٹی پی جیسی کالعدم تنظیموں کو روکیں، خطرے سے نمٹنے کیلئے یکطرفہ کارروائی خارج از امکان نہیں۔ انہوں کہا کہ طالبان نے افغان سرزمین دہشت گردی کیلئے استعمال نہ ہونے کا معاہدہ کیا تھا ، طالبان کا اپنے وعدے پورے کرنا سب کے مفاد میں ہے، ٹی ٹی پی اور دیگر دہشتگرد تنظیموں کی کارروائیوں کی مذمت کرتے ہیں۔ انہوں نے مزید کہا کہ پاک افغان سرحدی علاقوں میں موجود دہشتگرد بڑا خطرہ ہیں، ہم نے ایمن الظواہری کے خلاف افغانستان میں کارروائی کی تھی۔

کریڈٹ: انڈیپنڈنٹ نیوز پاکستان-آئی این پی

ممنوعہ فنڈنگ کیس میں چیئرمین پاکستان تحریک انصاف عمران خان کی عبوری ضمانت میں 31 جنوری تک توسیع کر دی گئی۔ بینکنگ کورٹ کی جج رخشندہ شاہین نے سابق وزیراعظم عمران خان کیخلاف ممنوعہ فنڈنگ کیس کی سماعت میں چیئرمین پی ٹی آئی کی ایک روزہ حاضری معافی کی درخواست منظور کرتے ہوئے عبوری ضمانت میں توسیع دیدی۔ سپیشل پراسیکیوٹر رضوان عباسی نے عمران خان کی درخواست ضمانت مسترد کرنے کی استدعا کرتے ہوئے کہا کہ نومبر میں پیش آئے واقع کے بعد سے سابق وزیراعظم سیاسی معاملات چلا رہے ہیں مگر عدالت پیش نہیں ہوتے، عمران خان کی حاضری سے استثنی کی درخواست مسترد کی جائے۔ رضوان عباسی نے استدعا کی عمران خان نہ عدالت میں پیش ہوئے نہ شامل تفتیش ہوئے، ضمانتی مچلکوں کے علاوہ عمران خان نے ایک بھی عدالتی حکم پر عمل نہیں کیا ان کی ضمانت کی درخواست مسترد کی جائے۔ دوسری جانب عمران خان کے وکیل نے موقف پیش کیا کہ چیئرمین پی ٹی آئی شامل تفتیش ہونا چاہتے ہیں، عمران خان کے پیش نہ ہونے کی کئی وجوہات ہیں، سابق وزیراعظم حملے میں زخمی ہوئے ہیں، انہوں نے ہمیشہ قانون کی حکمرانی کی بات کی ہے، ڈاکٹرز جیسے ہی اجازت دیں گے عمران خان عدالت میں پیش ہونگے۔

وکیل نے عدالت سے استدعا کی کہ عمران خان کی ضمانت منظور کی جائے اور میڈیکل گرانڈز پر عدالتی پیشی کے لیے دوہفتوں کا وقت دیا جائے۔ سپیشل پراسیکیوٹر رضوان عباسی نے کہا کہ تفتیشی افسر کے لیے ممکن نہیں کہ وہ لاہور جائے اور تفتیش کرے، کل کو کوئی دوسرا ملزم کہے گا کوئٹہ آکر تفتیش کرلیں، زخموں کی بات کی جائے تو وہ نومبر کا واقعہ ہے، عمران خان میڈیا پر دکھائی دیتے ہیں مگر عدالت پیش نہیں ہوتے، عمران خان کی عبوری ضمانت کا فیصلہ واپس لیا جائے۔ دوران سماعت جج رخشندہ شاہین نے ریماکس دیئے کہ تفتیش کرنا تفتیشی افسر کا کام ہے، عدالت تفتیشی افسر کو کوئی ہدایت نہیں دے گی، تفتیشی افسر جیسے اور جہاں چاہے تفتیش کرنا چاہتا ہے عدالت مداخلت نہیں کرے گی۔ دوران سماعت عدالت نے حکم دیا کہ کچھ بھی ہو یقینی بنائیں عمران خان ہر حال میں تفتیشی افسر کے روبرو پیش ہونگے،سابق وزیراعظم ہر صورت شامل تفتیش ہوں۔ عدالت نے عمران خان کی آج حاضری سے استثنی کی درخواست منظور کرتے ہوئے وکیل سے معاونت طلب کی کہ آئندہ سماعت پر عمران خان پیش نہ ہوئے تو عدالت کیوں نہ عبوری ضمانت کا فیصلہ واپس لے لے؟ بعدازاں بینکنگ کورٹ کی جج رخشندہ شاہین نے عمران خان کی ضمانت قبل از گرفتاری کی درخواست پر محفوظ فیصلہ سناتے ہوئے سابق وزیراعظم سے زمان پارک میں تفتیش کرنے کی استدعا مسترد کردی۔

کریڈٹ: انڈیپنڈنٹ نیوز پاکستان-آئی این پی

سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ عمران خان کھمبے کو بھی ٹکٹ دے گا تو وہ کامیاب ہو گا۔ سماجی رابطے کی ویب سائٹ ٹوئٹر پر جاری ایک پیغام میں شیخ رشید کا کہنا تھا کہ رات کی تاریکی میں شب خون مار کے حکومت پر ناجائز قبضہ کیا گیا لیکن الٹا عمران خان مزید مضبوط اور مقبول ہوگیا ، یہ سوچ رہے ہیں کہ عمران خان کو کیسے نااہل قرار دیا جائے، یہ حکومت کا ایک اور غلط فیصلہ ہوگا، جو ان کے گلے پڑے گا۔ سابق وزیر نے مزید کہا کہ عمران خان کھمبے کو بھی ٹکٹ دے گا تو وہ جیتے گا، حکومت کہتی ہے مرغی مضر صحت ہے کیک کھائیں۔

کریڈٹ: انڈیپنڈنٹ نیوز پاکستان-آئی این پی

سابق صدر آصف علی زرداری نے کہا ہے کہ ذوالفقار علی بھٹو شہید آج بھی عوام کے دلوں پر حکمرانی کر رہے ہیں، وہ کرشمہ ساز لیڈر تھے، قائد عوام کی جدوجہد سے استحصال کرنے والے طبقات کے قلعے زمین بوس ہوگئے۔ پیپلز پارٹی کے بانی چیئرمین ذوالفقار علی بھٹو کے یوم پیدائش پر آصف علی زرداری اور بلاول بھٹو نے قائد عوام کا مشن جاری رکھنے کے عزم کا اعادہ کیا ہے، سابق صدر نے کہا ہے کہ ذوالفقار علی بھٹو عوامی طاقت کی علامت تھے،قائد عوام انسانی آزادی کے بہت بڑے حامی،طرف دار اور وکیل تھے۔ وزیر خارجہ بلاول بھٹو کا کہنا تھا کہ ذوالفقار علی بھٹو نے عوام کو سیاسی شعور دیا اور بااختیار بنایا، پاکستان کو پہلا متفقہ آئین اور جوہری پروگرام دیا اور اسلامی دنیا کا مرکز بنایا، ان کا نظریہ،جدوجہد بے مثال تھی۔

کریڈٹ: انڈیپنڈنٹ نیوز پاکستان-آئی این پی

آرمی چیف جنرل عاصم منیرنے سعودی وزیر دفاع شہزادہ خالد بن سلمان سے ریاض میں اہم ملاقات کی۔ ریاض میں ہونے والی ملاقات میں عسکری اور دفاعی تعاون بڑھانے پر اتفاق ہوا ہے۔ ملاقات میں علاقائی اور بین الاقوامی امور پر بھی تبادلہ خیال کیا گیا۔ اس دوران سعودی وزیر دفاع نے دوطرفہ تعلقات مضبوط بنانے پرزوردیا، شہزادہ خالد بن سلمان نے جنرل عاصم منیر کو آرمی چیف بننے پر مبارکباد بھی دی۔

کریڈٹ: انڈیپنڈنٹ نیوز پاکستان-آئی این پی

#Saudi Arabia’s defense minister met with Pakistan’s Chief of Army General #Asim_Munir. Prince Khalid says"We emphasized the strategic partnership  reviewed the bilateral military and defense relations,.

التقى صاحب السمو الملكي الأمير خالد بن سلمان بن عبدالعزيز وزير الدفاع، في الرياض، معالي رئيس أركان الجيش الباكستاني الفريق الأول عاصم منير.

وفي بداية اللقاء هنأ سمو وزير الدفاع، معالي الفريق الأول عاصم منير بمناسبة تعيينه رئيسًا لأركان الجيش الباكستاني. وجرى خلال اللقاء التأكيد على قوة ومتانة العلاقات الثنائية بين البلدين الشقيقين، وبحث التعاون العسكري والدفاعي، وسبل دعمها وتعزيزها، إضافة إلى مناقشة أبرز الموضوعات الإقليمية والدولية ذات الاهتمام المشترك.
حضر اللقاء من الجانب السعودي، معالي رئيس هيئة الأركان العامة الفريق الأول الركن فياض بن حامد الرويلي، ومعالي مساعد وزير الدفاع المهندس طلال بن عبدالله العتيبي، ومدير عام مكتب وزير الدفاع هشام بن عبدالعزيز بن سيف، والملحق العسكري في سفارة خادم الحرمين الشريفين لدى جمهورية باكستان الإسلامية اللواء الطيار الركن عوض بن عبدالله الزهراني، ومن الجانب الباكستاني، سفير جمهورية باكستان الإسلامية لدى المملكة أمير خرم راتهور، وسكرتير معالي رئيس أركان الجيش الباكستاني اللواء الركن محمد عرفان، والملحق العسكري الباكستاني لدى المملكة العميد الركن محمد عاصم.

 کریڈٹ: انڈیپنڈنٹ نیوز پاکستان-آئی این پی

برطانیہ میں 18برس تک کے تمام طلبہ کیلئے ریاضی کے مضمون کو لازمی قرار دینے کا فیصلہ کرلیا گیا ،برطانوی نشریاتی ادارے کے مطابق برطانوی وزیراعظم رشی سونک نے عہدہ سنبھالنے کے بعد برطانوی تعلیمی نظام میں بڑی تبدیلی کامنصوبہ بنایا ہے،اس نئے منصوبے کے تحت 18برس کی عمر تک کے تمام طلبہ کے لیے ریاضی کے مضمون کو نصاب میں لازمی پڑھایا جائے گا تاکہ بچوں کے سوچنے، سمجھنے اور ذہن کو مزید تخلیقی بنایا جاسکے ،اس منصوبے کے ذریعے برطانوی قوم کو حساب کتاب میں نمایاں مقام دلانیکی تیاری کی جارہی ہے،رپورٹ کے مطابق پارلیمنٹ سے خطاب میں رشی سونک یہ اعلان کریں گے کہ مستقبل میں برطانیہ میں نوکری کے حصول کے لیے تجزیاتی صلاحیتیں درکارہوں گی اور اسی لیے ریاضی کے مضمون کو پڑھنا لازمی ہوگا ، ابھی یہ واضح نہیں کہ آرٹس ، ہیومینٹیز اور بی ٹیک کے طلبہ یہ مضامین پڑھیں گے یا نہیں ، البتہ اے لیول کو لازمی قرار دینے کا کوئی منصوبہ نہیں ،رپورٹس کے مطابق برطانوی ماہرین کی جانب سے اگلے آٹھ برسوں میں 16سے 18سال کی آبادی میں اضافے کی پیشگوئی کی گئی ہے ۔

کریڈٹ: انڈیپنڈنٹ نیوز پاکستان-آئی این پی

امریکا نے اسرائیلی وزیراعظم پر زور دیا ہے کہ وہ مقدس مقامات کی حیثیت برقرار رکھنے کے وعدے پر قائم رہیں،ترجمان وائٹ ہائوس کا کہنا تھا کہ امریکا یروشلم میں مقدس مقامات کی حیثیت کے تحفظ کیلئے مضبوطی سے کھڑا ہے ، یروشلم کے مقدس مقامات کو خطرے میں ڈالنے والا کوئی بھی یکطرفہ اقدام ناقابل قبول ہے،اس حوالے سے اسرائیلی حکام نے کہا کہ وزیراعظم نیتن یاہو مسجد اقصی کی حیثیت برقرار رکھنے کیلئے پرعزم ہیں اور وہ مسجد اقصی کے احاطے کا اسٹیٹس سختی سے برقرار رکھنے پر کاربند ہیں ،اسرائیلی وزیر برائے قومی سلامتی ایتمار بن گویر نے سخت سکیورٹی میں مسجد اقصی کا اشتعال انگیز دورہ کیا تھا، تاہم اس بات کا کوئی اشارہ نہیں ملا کہ اسرائیلی وزیر نے دورے کے دوران عبادت کی ہو،اسرائیلی وزیر کے مسجد اقصی کے دورے پر مسلم دنیا کی جانب سے شدید برہمی کا اظہار کیا گیا ہے۔

کریڈٹ: انڈیپنڈنٹ نیوز پاکستان-آئی این پی

مشرقی افریقی ملک برکینا فاسو کے شہر ننا سے 28افراد کی لاشیں برآمد ہوئی ہیں جنہیں گولیوں سے نشانہ بنایا گیا تھا ،غیر ملکی میڈیا کے مطابق اس سلسلے میں پراسیکیوٹر کا کہنا تھا کہ ننا سے 28افراد کی گولیاں لگی لاشیں ملیں ہیں ، متعلقہ اداروں کی جانب سے ان افراد کے قتل کی تحقیقات شروع کر دی گئی ہیں،پراسیکیوٹر نے قتل کی ممکنہ وجوہات بارے ابتدائی طور پر کسی تبصرے سے گریز کیا ، تاہم یہ لاشیں 31دسمبر کو ملی تھیں ،21ملین آبادی پر مشتمل مشرقی افریقی ملک برکینا فاسو سونے کے ذخائر سے مالا مال ہونے کے باوجود انتہائی غربت کا شکار ہے ،برکینا فاسو کو ایک دہائی سے انتہاپسندی اور دہشتگردی کا بھی سامنا ہے ، دہشتگردی کے خلاف جنگ کے دوران اب تک ہزاروں شہری ہلاک جبکہ لاکھوں ہجرت پر مجبور ہو گئے ہیں۔

کریڈٹ: انڈیپنڈنٹ نیوز پاکستان-آئی این پی