اسلام آباد (شِںہوا) ادارہ ترقیات گوادر کے ڈائریکٹر جنرل مجیب الرحمان قمبرانی نے کہا ہے کہ پاک چین اقتصادی راہداری (سی پیک) کی بدولت ضلع گوادر مستقبل میں تجارت اور سرمایہ کاری کا مرکز بن جائے گا۔

اسلام آباد میں قائم تھنک ٹینک سسٹین ایبل ڈویلپمنٹ پالیسی انسٹی ٹیوٹ (ایس ڈی پی آئی) کے زیر اہتمام "گوادر اور پائیدار ترقی کا راستہ " کے موضوع پر منعقدہ خصوصی اجلاس سے خطاب میں قمبرانی نے کہا کہ گوادر اسمارٹ پورٹ سٹی کا ماسٹر پلان ایک صنعتی مرکز کی ترقی کا تصور پیش کرتا ہے جس سے نہ صرف روزگار کے بے پناہ مواقع پیدا ہوں گے بلکہ علاقے میں سیاحت کو بھی فروغ ملے گا۔

انہوں نے کہا کہ ماسٹر پلان چین کے شہر شین ژین سے متاثر ہوکر بنایا گیا ہے اور ادارہ ترقیات گوادر اس کی بروقت تکمیل پر سختی سے عمل پیرا ہے۔ ماسٹر پلان کو پاکستانی، چینی اور دیگر حصہ داروں کے درمیان تعاون سے حتمی شکل دی گئی ہے۔

انہوں نے کہا کہ چین کے تعاون سے تعمیر ہونے والا گوادربین الاقوامی ہوائی اڈا 2023 میں کام شروع کردے گا اور اس سے ضلع کے ترقیاتی عمل میں اضافہ ہوگا۔

تھنک ٹینک کے چائنہ اسٹڈی سینٹر کے سینئر مشیرحسن داؤد بٹ نے کہا کہ سی پیک پر پاک ۔ چین تعاون اور نوول کرونا وائرس سے نمٹے میں مدد نے پاکستان میں ٹیکنالوجی کی رفتار کو بدل دیا ہے۔

انہوں نے مزید کہا کہ چین ہمارے ملک میں کاروباری اور معاشی مواقع کے لئے سازگار ماحول پیدا کر رہا ہے اس لئے ہمیں اس سے فائدہ اٹھانے کے لئے خود کو تیار کرنا چاہئے۔

تقریب سے خطاب میں ایس ڈی پی آئی کے ڈپٹی ایگزیکٹو ڈائریکٹر ساجد امین نے کہا کہ ترقیاتی شعبے اور سول سوسائٹی کی تنظیمیں علمی شراکت داروں کی حیثیت اور گوادر کی بے پناہ سماجی و معاشی صلاحیتوں کی وکالت میں اہم کردار ادا کرسکتی ہیں۔

اسلام آباد (شِںہوا) ادارہ ترقیات گوادر کے ڈائریکٹر جنرل مجیب الرحمان قمبرانی نے کہا ہے کہ پاک چین اقتصادی راہداری (سی پیک) کی بدولت ضلع گوادر مستقبل میں تجارت اور سرمایہ کاری کا مرکز بن جائے گا۔

اسلام آباد میں قائم تھنک ٹینک سسٹین ایبل ڈویلپمنٹ پالیسی انسٹی ٹیوٹ (ایس ڈی پی آئی) کے زیر اہتمام "گوادر اور پائیدار ترقی کا راستہ " کے موضوع پر منعقدہ خصوصی اجلاس سے خطاب میں قمبرانی نے کہا کہ گوادر اسمارٹ پورٹ سٹی کا ماسٹر پلان ایک صنعتی مرکز کی ترقی کا تصور پیش کرتا ہے جس سے نہ صرف روزگار کے بے پناہ مواقع پیدا ہوں گے بلکہ علاقے میں سیاحت کو بھی فروغ ملے گا۔

انہوں نے کہا کہ ماسٹر پلان چین کے شہر شین ژین سے متاثر ہوکر بنایا گیا ہے اور ادارہ ترقیات گوادر اس کی بروقت تکمیل پر سختی سے عمل پیرا ہے۔ ماسٹر پلان کو پاکستانی، چینی اور دیگر حصہ داروں کے درمیان تعاون سے حتمی شکل دی گئی ہے۔

انہوں نے کہا کہ چین کے تعاون سے تعمیر ہونے والا گوادربین الاقوامی ہوائی اڈا 2023 میں کام شروع کردے گا اور اس سے ضلع کے ترقیاتی عمل میں اضافہ ہوگا۔

تھنک ٹینک کے چائنہ اسٹڈی سینٹر کے سینئر مشیرحسن داؤد بٹ نے کہا کہ سی پیک پر پاک ۔ چین تعاون اور نوول کرونا وائرس سے نمٹے میں مدد نے پاکستان میں ٹیکنالوجی کی رفتار کو بدل دیا ہے۔

انہوں نے مزید کہا کہ چین ہمارے ملک میں کاروباری اور معاشی مواقع کے لئے سازگار ماحول پیدا کر رہا ہے اس لئے ہمیں اس سے فائدہ اٹھانے کے لئے خود کو تیار کرنا چاہئے۔

تقریب سے خطاب میں ایس ڈی پی آئی کے ڈپٹی ایگزیکٹو ڈائریکٹر ساجد امین نے کہا کہ ترقیاتی شعبے اور سول سوسائٹی کی تنظیمیں علمی شراکت داروں کی حیثیت اور گوادر کی بے پناہ سماجی و معاشی صلاحیتوں کی وکالت میں اہم کردار ادا کرسکتی ہیں۔

اسلام آباد (شِںہوا) ادارہ ترقیات گوادر کے ڈائریکٹر جنرل مجیب الرحمان قمبرانی نے کہا ہے کہ پاک چین اقتصادی راہداری (سی پیک) کی بدولت ضلع گوادر مستقبل میں تجارت اور سرمایہ کاری کا مرکز بن جائے گا۔

اسلام آباد میں قائم تھنک ٹینک سسٹین ایبل ڈویلپمنٹ پالیسی انسٹی ٹیوٹ (ایس ڈی پی آئی) کے زیر اہتمام "گوادر اور پائیدار ترقی کا راستہ " کے موضوع پر منعقدہ خصوصی اجلاس سے خطاب میں قمبرانی نے کہا کہ گوادر اسمارٹ پورٹ سٹی کا ماسٹر پلان ایک صنعتی مرکز کی ترقی کا تصور پیش کرتا ہے جس سے نہ صرف روزگار کے بے پناہ مواقع پیدا ہوں گے بلکہ علاقے میں سیاحت کو بھی فروغ ملے گا۔

انہوں نے کہا کہ ماسٹر پلان چین کے شہر شین ژین سے متاثر ہوکر بنایا گیا ہے اور ادارہ ترقیات گوادر اس کی بروقت تکمیل پر سختی سے عمل پیرا ہے۔ ماسٹر پلان کو پاکستانی، چینی اور دیگر حصہ داروں کے درمیان تعاون سے حتمی شکل دی گئی ہے۔

انہوں نے کہا کہ چین کے تعاون سے تعمیر ہونے والا گوادربین الاقوامی ہوائی اڈا 2023 میں کام شروع کردے گا اور اس سے ضلع کے ترقیاتی عمل میں اضافہ ہوگا۔

تھنک ٹینک کے چائنہ اسٹڈی سینٹر کے سینئر مشیرحسن داؤد بٹ نے کہا کہ سی پیک پر پاک ۔ چین تعاون اور نوول کرونا وائرس سے نمٹے میں مدد نے پاکستان میں ٹیکنالوجی کی رفتار کو بدل دیا ہے۔

انہوں نے مزید کہا کہ چین ہمارے ملک میں کاروباری اور معاشی مواقع کے لئے سازگار ماحول پیدا کر رہا ہے اس لئے ہمیں اس سے فائدہ اٹھانے کے لئے خود کو تیار کرنا چاہئے۔

تقریب سے خطاب میں ایس ڈی پی آئی کے ڈپٹی ایگزیکٹو ڈائریکٹر ساجد امین نے کہا کہ ترقیاتی شعبے اور سول سوسائٹی کی تنظیمیں علمی شراکت داروں کی حیثیت اور گوادر کی بے پناہ سماجی و معاشی صلاحیتوں کی وکالت میں اہم کردار ادا کرسکتی ہیں۔

اسلام آباد (شِںہوا) ادارہ ترقیات گوادر کے ڈائریکٹر جنرل مجیب الرحمان قمبرانی نے کہا ہے کہ پاک چین اقتصادی راہداری (سی پیک) کی بدولت ضلع گوادر مستقبل میں تجارت اور سرمایہ کاری کا مرکز بن جائے گا۔

اسلام آباد میں قائم تھنک ٹینک سسٹین ایبل ڈویلپمنٹ پالیسی انسٹی ٹیوٹ (ایس ڈی پی آئی) کے زیر اہتمام "گوادر اور پائیدار ترقی کا راستہ " کے موضوع پر منعقدہ خصوصی اجلاس سے خطاب میں قمبرانی نے کہا کہ گوادر اسمارٹ پورٹ سٹی کا ماسٹر پلان ایک صنعتی مرکز کی ترقی کا تصور پیش کرتا ہے جس سے نہ صرف روزگار کے بے پناہ مواقع پیدا ہوں گے بلکہ علاقے میں سیاحت کو بھی فروغ ملے گا۔

انہوں نے کہا کہ ماسٹر پلان چین کے شہر شین ژین سے متاثر ہوکر بنایا گیا ہے اور ادارہ ترقیات گوادر اس کی بروقت تکمیل پر سختی سے عمل پیرا ہے۔ ماسٹر پلان کو پاکستانی، چینی اور دیگر حصہ داروں کے درمیان تعاون سے حتمی شکل دی گئی ہے۔

انہوں نے کہا کہ چین کے تعاون سے تعمیر ہونے والا گوادربین الاقوامی ہوائی اڈا 2023 میں کام شروع کردے گا اور اس سے ضلع کے ترقیاتی عمل میں اضافہ ہوگا۔

تھنک ٹینک کے چائنہ اسٹڈی سینٹر کے سینئر مشیرحسن داؤد بٹ نے کہا کہ سی پیک پر پاک ۔ چین تعاون اور نوول کرونا وائرس سے نمٹے میں مدد نے پاکستان میں ٹیکنالوجی کی رفتار کو بدل دیا ہے۔

انہوں نے مزید کہا کہ چین ہمارے ملک میں کاروباری اور معاشی مواقع کے لئے سازگار ماحول پیدا کر رہا ہے اس لئے ہمیں اس سے فائدہ اٹھانے کے لئے خود کو تیار کرنا چاہئے۔

تقریب سے خطاب میں ایس ڈی پی آئی کے ڈپٹی ایگزیکٹو ڈائریکٹر ساجد امین نے کہا کہ ترقیاتی شعبے اور سول سوسائٹی کی تنظیمیں علمی شراکت داروں کی حیثیت اور گوادر کی بے پناہ سماجی و معاشی صلاحیتوں کی وکالت میں اہم کردار ادا کرسکتی ہیں۔

سیول(شِنہوا)جنوبی کوریا کے وزیراعظم ہان ڈک سو نے کہا ہے کہ دارالحکومت سیول کے علاقے ایٹاون میں ہیلووین کی تقریبات کے دوران بھگدڑسے لوگوں کے کچلے جانے کی ذمہ داری کسی حد تک نامکمل انتظامات پرعائد کی جاسکتی ہے۔

سیول میں غیر ملکی  صحافیوں کے ساتھ ایک پریس کانفرنس میں ہان نے کہا کہ ایسا لگتا ہے کہ اس واقعہ کی ایک اہم وجہ ہجوم کے کنٹرول کے انتظامات تھے،جس کی وجہ  ملک میں کسی حد تک کافی ادارہ جاتی تعاون اور منظم کوششوں کا فقدان ہے۔

ہان نے کہا کہ یہاں تک کہ اگر ایٹاون میں مزید پولیس افسران کو تعینات کیا جاتا تو پھر بھی اس ہجوم کو کنٹرول کرنے کے لیے وہ محدود کوششیں کرسکتی تھی کیونکہ ملک میں ہجوم کو کنٹرول کرنے سے متعلق ضابطے نامکمل ہیں۔ وزیراعظم نے اسی طرح کے سانحات کو دوبارہ رونما ہونے سے روکنے کے لیے متعلقہ قواعد کو بہتر بنانے کا عزم ظاہر کرتے ہوئے کہا کہ واقعہ کے فیصلہ کن عوامل کیا ہیں اس کا تعین پولیس کی جاری تحقیقات سے کیا جائے گا۔

بیجنگ(شِنہوا)چین کے ریلوے اسٹیشن نومبر میں منعقد ہونیوالے سالانہ آن لائن شاپنگ بونانزا کے دوران عمومی طور پر بڑھتی ہوئی ترسیل کی طلب کو پورا کرنے کیلئے لاجسٹکس خدمات میں اضافہ کر رہے ہیں۔

رواں سال کے آن لائن شاپنگ سیزن کیلئے مجموعی طور پر 31 ریلوے اسٹیشنوں نے تیز رفتار ریلوے ایکسپریس ڈیلیوری سروسز کا آغاز کیا ہے جس کے بعد ملک بھر میں یہ سروسز فراہم کرنے والے اسٹیشنوں کی تعداد 280 تک پہنچ گئی ہے۔

دریں اثنا کولڈ چینز اور ڈیلیوری کی رفتار کے تقاضوں کو پورا کرنیوالی مختلف ایکسپریس سروسز بھی فراہم کی جا رہی ہیں۔

یہ سروسز ڈبل 11 کے نام سے مشہور خریداری فیسٹیول میں ڈیلیوری کیلئے انتہائی مصروف مدت یکم نومبر سے 20 نومبر تک جاری رہیں گی۔

گزشتہ سال ڈبل 11 کے دوران یکم نومبر سے 16 نومبر تک ملک کے پوسٹل اسٹیشنوں اور ایکسپریس فرموں نے 6 ارب 30 کروڑ پارسلز کی ترسیل کی تھی جو سالانہ بنیاد پر 16.2 فیصد زیادہ تھا۔

شیامن(شِنہوا) چین کے ساحلی شہر شیامن کی 2022 کے پہلے نو ماہ میں آسیان ممالک کے ساتھ تجارت میں زبردست اضافہ ہوا ہے۔ شیامن کسٹمزکے مطابق جنوری سے ستمبر تک آسیان ممالک کے ساتھ اس شہر کی مجموعی درآمدی و برآمدی کاروبار کی مالیت 132ارب70کروڑ یوآن(تقریباً18ارب 20کروڑڈالر) تک پہنچ گئی، جو گزشتہ سال کے مقابلے میں 13.5 فیصد زیادہ ہے۔ برآمدات گزشتہ سال کی نسبت 14.2 فیصد اضافے کے ساتھ 54ارب 60کروڑ  یوآن جبکہ درآمدات 13.1 فیصد بڑھ کر 78ارب 10کروڑ یوآن تک پہنچ گئیں۔اس عرصے کے دوران، زرعی مصنوعات، کوئلہ اور ایلومینیم دھات  اہم درآمدی اشیاء  جب کہ بڑی برآمدی اشیاء میں مکینیکل سامان اور افرادی قوت و محنت سے متعلقہ  مصنوعات شامل تھیں۔

بیجنگ(شِنہوا)چین میں رواں سال کی ابتدائی 3 سہ ماہیوں کے دوران زرعی مصنوعات کی غیر ملکی تجارت میں مستحکم اضافہ ہوا ہے۔

وزارت زراعت و دیہی امور کے مطابق 2022ء کے ابتدائی 9 ماہ کے دوران ملک کی زرعی مصنوعات کا مجموعی تجارتی حجم 2 کھرب 48 ارب 51 کروڑ امریکی ڈالر رہا جو گزشتہ سال کی نسبت 10.4 فیصد زیادہ ہے۔

گزشتہ سال کی اسی مدت کے مقابلے برآمدات میں 21.5 فیصد جبکہ درآمدات میں 6.4 فیصد اضافہ ہوا۔

اس مدت کے دوران چین کے زرعی شعبے کی صنعتی اضافی قدر میں گزشتہ سال کی نسبت 4.2 فیصد اضافہ ہوا۔

ملک کے دیہی علاقوں کی کھپت میں بھی تیزی آئی ہے ، جنوری سے ستمبر کے دوران اشیائے صارفین کی خوردہ فروخت میں گزشتہ سال کی نسبت 0.9 فیصد اضافہ ہوا ہے جو رواں سال کی پہلی ششماہی کے مقابلے میں 1.2 فیصد پوائنٹس زیادہ ہے۔

بیجنگ(شِنہوا)چین نے ورچوئل رئیلٹی(وی آر) میں ترقی کو فروغ دینے کے منصوبے کا آغاز کردیا ہے۔

وزارت صنعت و انفارمیشن ٹیکنالوجی اور 4 متعلقہ محکموں کی طرف سے منگل کے روز مشترکہ طور پر جاری کردہ پلان کے مطابق 2026ء تک متعلقہ ہارڈ ویئر، سافٹ ویئر، اور ایپلیکیشنز سمیت چین کی ورچوئل رئیلٹی انڈسٹری کا مجموعی پیمانہ 3 کھرب 50 ارب یوآن(تقریبا48 ارب 56 کروڑ امریکی ڈالر) تک پہنچ جائے گا۔

دریں اثناء اس منصوبے کا مقصد مضبوط اختراعی صلاحیت اور صنعتی اثر و رسوخ کے حامل 100 کاروباری اداروں کو تیار کرنا ہے جبکہ وی آر ٹرمینل کی فروخت کا مقصد سرفہرست 2 کروڑ 50 لاکھ یونٹس کا ہدف حاصل کرنا ہے۔

منصوبے میں کہا گیا ہے کہ چین نے اس شعبے کی ترقی کو فروغ دینے کیلئے علاقائی اثر و رسوخ کے ساتھ 10 سرکردہ وی آر صنعتی کلسٹرز اور10 صنعتی پبلک سروس پلیٹ فارم بنانے کا بھی منصوبہ بنایا ہے۔

منصوبے کے مطابق 2026ء تک کلیدی ٹیکنالوجیز اور ایپلی کیشنز میں بھی پیش رفت کی جائے گی۔

کابل(شِنہوا)افغانستان میں کچھ خواتین کو ضروری تربیت مکمل ہونے کے بعد افغان نیشنل پولیس فورس میں شامل کر لیا گیا ہے۔

سرکاری خبر رساں ایجنسی باختر نے منگل کے روز بتایا کہ ضروری تربیت حاصل کرنے کے بعد متعدد خواتین پولیس اہلکاروں نے معاشرے کی خدمت کیلئے پولیس فورس میں شمولیت اختیار کر لی ہے۔

افغانستان کی پولیس فورس میں شامل ہونیوالی نئی خواتین اہلکاروں کی تعداد بتائے بغیر رپورٹ میں کہا گیا کہ خواتین پولیس اہلکار وزارت داخلہ کے ماتحت افغانستان نیشنل پولیس میں خدمات سرانجام دے رہی ہیں۔

رپورٹ میں کہا گیا ہے کہ نئی خواتین پولیس اہلکاروں نے سابق خواتین پولیس اہلکاروں سے بھی افغان نیشنل پولیس میں دوبارہ شامل ہونے کی اپیل کی ہے۔

اقوام متحدہ(شِنہوا) چین نے روس کی اناج اور کھاد کی برآمدات میں درپیش رکاوٹوں کو دور کرنے کے لیے متعلقہ ممالک سے ٹھوس اقدامات کا مطالبہ کرتے ہوئے اقتصادی اور تجارتی مسائل کو سیاسی رنگ دینے اور اپنے مقاصد کے لیے استعمال کرنے  کے خلاف خبردار کیا ہے۔

یہ مطالبہ اقوام متحدہ میں چین کے نائب مستقل نمائندے گینگ شوانگ نے سلامتی کونسل میں بحیرہ اسود سے اناج برآمد  کرنے کے منصوبے سے متعلق ہونے والی بحث کے دوران کیا۔

 روس اور یوکرین نے 22 جولائی کو استنبول میں ترکی اور اقوام متحدہ کے ساتھ یوکرین اور روس سے اناج اور کھاد کی برآمدات کے حوالے سے ایک معاہدے پر دستخط کیے تھے تاکہ روس-یوکرین مسلح تنازعے کے دوران عالمی منڈیوں میں سپلائی کو یقینی بنایا جا سکے۔یوکرین پر بحیرہ اسود کے روسی بحری بیڑے کے جہازوں اور انفراسٹرکچرپر  ڈرون حملوں کا الزام  عائد کرتے ہوئے روس نے ہفتے کے روز بلیک سی گرین انیشیٹو کے نفاذ کو فوری اور غیر معینہ مدت کے لیے معطل کرنے کا اعلان کیا تھا۔گینگ نے کہا کہ چین نے اس منصوبے میں اپنی شرکت کو معطل کرنے کے روس کے حالیہ اعلان کے ساتھ ساتھ یوکرین، اقوام متحدہ اور دیگر متعلقہ فریقوں کے ردعمل کا بھی نوٹس لیا ہے۔

بیجنگ (شِنہوا) کمیونسٹ پارٹی آف چائنہ (سی پی سی) کے سینئر عہدیدار چھائی چی  نے کمیونسٹ پارٹی آف ویتنام (سی پی وی) کی مرکزی کمیٹی کے سیاسی بیورو کے رکن اور سی پی وی سنٹرل کمیٹی کے سیکرٹریٹ  کے مستقل رکن وو وان تھونگ  کے ساتھ  ویڈیو لنک کے ذریعے ملاقات کی ہے۔

  وہ  چین  کے دورے میں کمیونسٹ  پارٹی آف ویتنام کی مرکزی  کمیٹی کے جنرل سیکرٹری نگوین فو ترونگ کے ساتھ ہیں۔

منگل کے روز ہونے والی اس ملاقات میں کمیونسٹ پارٹی آف چائنہ کی مرکزی کمیٹی کے پولیٹیکل بیورو کی قائمہ  کمیٹی کے رکن اور کمیونسٹ پارٹی آف چائنہ کی مرکزی کمیٹی کے سیکرٹریٹ کے رکن چھائی نے کہا کہ جنرل سیکرٹری شی جن پھنگ اور جنرل سیکرٹری نگوین فو ترونگ کے درمیان کامیاب مذاکرات نے چین ویتنام تعلقات کی ترقی اور  اس کو نئی تحریک فراہم  کرنے  کے ساتھ ساتھ  دونوں ملکوں  کے سوشلسٹ مقصد کے لئے راستہ متعین کردیا ہے۔

چھائی نے کہا کہ  چین  ویتنام کے ساتھ مل کر دونوں جماعتوں کے اعلیٰ رہنماؤں کے درمیان طے پانے والے اہم اتفاق رائے کو عملی جامہ پہنانے، دوستی اور باہمی اعتماد کی عمدہ روایت کو جاری رکھنے اور دونوں جماعتوں کے مابین تبادلوں کے لئے  سیاسی رہنمائی کے کام کرنے کو  تیار ہے۔ 

چھائی نے کہا کہ چین ویتنام کے ساتھ تزویراتی رابطے کو مستحکم  بنانے، سیاسی باہمی اعتماد کو بڑھانے، تبادلوں اور تعاون کو فروغ دینے  اور مشترکہ طور پر چیلنجوں کا مقابلہ کرنے کے لیے تیار ہے تاکہ چین ویتنام کے تعلقات کو اعلیٰ سطح پر  پہنچایا  جا سکے۔

اس موقع پر وو وان تھونگ  نے کہا کہ جنرل سیکرٹری نگوین فو ترونگ اور جنرل سیکرٹری شی جن پھنگ  کے مابین ملاقات بہت کامیاب رہی اور اس کے اہم نتائج حاصل ہوئے ہیں ۔

انہوں نے کہا کہ ویتنام وسیع تر نتائج حاصل کرنے کے لیے ویتنام اور چین دوستی اور مختلف شعبوں میں تعاون کو فروغ دینے کے لیے دونوں ملکوں کے مابین  تبادلوں  اور تعاون کے طریقہ کار کا بھرپور استعمال کرنے کے لیے تیار ہے۔

بیجنگ (شِنہوا) کمیونسٹ پارٹی آف چائنہ (سی پی سی) کے سینئر عہدیدار چھائی چی  نے کمیونسٹ پارٹی آف ویتنام (سی پی وی) کی مرکزی کمیٹی کے سیاسی بیورو کے رکن اور سی پی وی سنٹرل کمیٹی کے سیکرٹریٹ  کے مستقل رکن وو وان تھونگ  کے ساتھ  ویڈیو لنک کے ذریعے ملاقات کی ہے۔

  وہ  چین  کے دورے میں کمیونسٹ  پارٹی آف ویتنام کی مرکزی  کمیٹی کے جنرل سیکرٹری نگوین فو ترونگ کے ساتھ ہیں۔

منگل کے روز ہونے والی اس ملاقات میں کمیونسٹ پارٹی آف چائنہ کی مرکزی کمیٹی کے پولیٹیکل بیورو کی قائمہ  کمیٹی کے رکن اور کمیونسٹ پارٹی آف چائنہ کی مرکزی کمیٹی کے سیکرٹریٹ کے رکن چھائی نے کہا کہ جنرل سیکرٹری شی جن پھنگ اور جنرل سیکرٹری نگوین فو ترونگ کے درمیان کامیاب مذاکرات نے چین ویتنام تعلقات کی ترقی اور  اس کو نئی تحریک فراہم  کرنے  کے ساتھ ساتھ  دونوں ملکوں  کے سوشلسٹ مقصد کے لئے راستہ متعین کردیا ہے۔

چھائی نے کہا کہ  چین  ویتنام کے ساتھ مل کر دونوں جماعتوں کے اعلیٰ رہنماؤں کے درمیان طے پانے والے اہم اتفاق رائے کو عملی جامہ پہنانے، دوستی اور باہمی اعتماد کی عمدہ روایت کو جاری رکھنے اور دونوں جماعتوں کے مابین تبادلوں کے لئے  سیاسی رہنمائی کے کام کرنے کو  تیار ہے۔ 

چھائی نے کہا کہ چین ویتنام کے ساتھ تزویراتی رابطے کو مستحکم  بنانے، سیاسی باہمی اعتماد کو بڑھانے، تبادلوں اور تعاون کو فروغ دینے  اور مشترکہ طور پر چیلنجوں کا مقابلہ کرنے کے لیے تیار ہے تاکہ چین ویتنام کے تعلقات کو اعلیٰ سطح پر  پہنچایا  جا سکے۔

اس موقع پر وو وان تھونگ  نے کہا کہ جنرل سیکرٹری نگوین فو ترونگ اور جنرل سیکرٹری شی جن پھنگ  کے مابین ملاقات بہت کامیاب رہی اور اس کے اہم نتائج حاصل ہوئے ہیں ۔

انہوں نے کہا کہ ویتنام وسیع تر نتائج حاصل کرنے کے لیے ویتنام اور چین دوستی اور مختلف شعبوں میں تعاون کو فروغ دینے کے لیے دونوں ملکوں کے مابین  تبادلوں  اور تعاون کے طریقہ کار کا بھرپور استعمال کرنے کے لیے تیار ہے۔

ہاربن(شِنہوا) چین کے اناج پیدا کرنے والے سب سے بڑے صوبے حئی لونگ جیانگ میں موسم خزاں کی فصلوں کی کٹائی ختم ہو گئی ہے۔

صوبائی محکمہ زراعت ودیہی امور نے منگل کو بتایا کہ پیر شام 5 بجے تک، سوائے موسم سرما کی مکئی کی فصل  کے کچھ کھیتوں کے صوبے میں 99.9 فیصد فصلوں کی کٹائی مکمل کرلی گئی تھی۔

چین میں"اناج کے گودام"کے نام سے معروف حئی لونگ جیانگ کی اناج کی سالانہ پیداوار مسلسل 12 سالوں سے ملک میں پہلے نمبر پرہے۔ 2021میں صوبے میں تقریباً 78 ارب 68 کروڑکلوگرام اناج پیدا ہوا۔

اس سال، حئی لونگ جیانگ میں اناج کا زیرکاشت رقبہ 1کروڑ45لاکھ ہیکٹر سے زیادہ تھا۔

شنگھائی(شِنہوا) شنگھائی میں آئندہ  ہونے والی پانچویں چائنہ انٹرنیشنل امپورٹ ایکسپو(سی آئی آئی ای )میں مجموعی طور پر 145 ممالک، خطوں اور بین الاقوامی تنظیموں کے نمائندے شرکت کریں گے۔

سی آئی آئی ای بیورو کے ڈپٹی ڈائریکٹر سن چھینگ ہائی نے منگل کو ایک پریس کانفرنس میں کہا کہ اس سال  ہونے والی ایکسپو میں 284 معروف صنعتی ادارے شرکت کریں گے جن میں دنیا کی 500 بڑی کمپنیوں میں سے بھی کچھ  شامل ہیں۔

سی آئی آئی ای میں رواں سال نئے نمائشی زون بھی کھولے جائیں گے، جن میں فصلوں کے بیجوں کی صنعت اور مصنوعی ذہانت شامل ہوگی، جبکہ سینکڑوں نئی صارف، زرعی، تکنیکی اور خدماتی مصنوعات اس پانچویں سی آئی آئی ای میں پہلی بارمتعارف کرائی جائیں گی۔

سن نے بتایا کہ سی آئی آئی ای کے موقع پر ہونے والےہونگ چھیاؤ انٹرنیشنل اکنامک فورم میں ورلڈ اوپنس رپورٹ 2022 جاری کی جائے گی۔اس سال کے فورم میں 20 سے زیادہ ذیلی فورمز کا انعقاد کیا جائے گا۔

پانچویں سی آئی آئی ای  5 سے 10 نومبر تک شنگھائی میں  ہوگی۔ دنیا کی پہلی درآمدی تھیم پر مبنی قومی سطح کی یہ  نمائش  2018 سے ہر سال شنگھائی میں منعقد ہو رہی ہے۔

لاگوس(شِنہوا)چائنہ ہاربر انجینئرنگ کمپنی لمیٹڈ (سی ایچ ای سی) نے نائیجیریا کے اقتصادی مرکز لاگوس میں بڑے سمندری منصوبے کی تکمیل کے بعد ملک میں گہرے سمندر کی پہلی بندرگاہ حکومت کے حوالے کر دی ہے۔

نائیجیریا میں چین کے سفیر چھوئی جیان چھون نے لاگوس میں منعقدہ حوالگی کی تقریب کے دوران شِنہوا کو دیئے گئے ایک انٹرویو میں کہا کہ یہ بندرگاہ نائیجیریا کی اقتصادی ترقی کی ضروریات کو پورا کرے گی۔

سفیر نے کہا کہ چین، فرانس اور نائیجیریاکے مابین سہ فریقی تعاون کے تجارتی منصوبے کے طور پر لیکی بندرگاہ افریقہ میں بیلٹ اینڈ روڈ تعاون کو فروغ دینے کیلئے بہت اہمیت کی حامل ہے۔

چائنہ ہاربر انجینئرنگ کمپنی لمیٹڈ کی تعمیر کردہ لیکی گہرے سمندر کی بندرگاہ نائیجیریا کی سب سے بڑی اور مغربی افریقہ کی بڑی بندرگاہوں میں سے ایک ہے۔ بندرگاہ کی تعمیر جون 2020ء میں شروع ہوئی تھی اور اسے سالانہ 12 لاکھ معیاری کنٹینرز کو ہینڈل کرنے کیلئے ڈیزائن کیا گیا ہے۔

ریاست لاگوس کے گورنر باباجیدے سانوو۔ اولو نے تقریب کے دوران کہا کہ یہ نئی بندرگاہ لاگوس کو نہ صرف مغربی افریقہ بلکہ پورے وسطی اور مغربی افریقی خطے میں ایک نیا میری ٹائم لاجسٹکس مرکز بنا دے گی۔

بیجنگ(شِنہوا)چین کے صدر شی جن پھنگ نے بھارت کی مغربی ریاست گجرات میں پل ٹوٹنے کے نتیجے میں بھاری جانی نقصان پر بھارتی صدر دروپدی مرمو اور وزیراعظم نریندر مودی کو تعزیتی پیغام ارسال کیا ہے۔

اپنے پیغام میں شی جن پھنگ نے کہا کہ انہیں اس مہلک حادثے کے بارے میں جان کر شدید دکھ ہوا۔ شی نے چینی حکومت اور عوام کی جانب سے ہلاکتوں پر گہری تعزیت کرتے ہوئے سوگوار خاندانوں اور زخمیوں سے دلی ہمدردی کا اظہار کیا۔

چین کے وزیراعظم لی کھ چھیانگ نے بھی نریندر مودی کو تعزیتی پیغام ارسال کیا ہے۔

بیجنگ(شِنہوا)چین کے صدر شی جن پھنگ نے بھارت کی مغربی ریاست گجرات میں پل ٹوٹنے کے نتیجے میں بھاری جانی نقصان پر بھارتی صدر دروپدی مرمو اور وزیراعظم نریندر مودی کو تعزیتی پیغام ارسال کیا ہے۔

اپنے پیغام میں شی جن پھنگ نے کہا کہ انہیں اس مہلک حادثے کے بارے میں جان کر شدید دکھ ہوا۔ شی نے چینی حکومت اور عوام کی جانب سے ہلاکتوں پر گہری تعزیت کرتے ہوئے سوگوار خاندانوں اور زخمیوں سے دلی ہمدردی کا اظہار کیا۔

چین کے وزیراعظم لی کھ چھیانگ نے بھی نریندر مودی کو تعزیتی پیغام ارسال کیا ہے۔

جینان(شِنہوا) چین کے مشرقی صوبے شان ڈونگ کے ژوچھینگ ڈائناسور کلچر ریسرچ سنٹر کی فیلڈ ریسرچ کے دوران ڈائنوسار کی فوسل سائٹ پر  کچھوؤں کے 20 سے زیادہ قدموں کے نشانات دریافت ہوئے ہیں۔

تحقیقی مرکز کے مطابق، کچھوؤں کے قدموں کے نشانات ژوچھینگ شہر میں  ڈائنوسار کی  ہوآنگ لونگ گو گزرگاہ کے درمیانی اور بالائی حصے کی فوسل سائٹ پر دریافت ہوئے۔

تحقیقی مرکز کا کہنا ہے کہ دریافت ہونے والے قدموں کے نشانات میں، ایک بہتر طور سے محفوظ کچھوؤں کے ٹریک کی شناخت ایک نئے ٹیکسن کے طور پر کی گئی ہے، جس کا نام ژو چھین گشنائٹس پرفیکٹس ہے جس کا مطلب  ژوچھینگ میں پائے جانے والے مکمل قدموں کے نشان ہے۔

ژو چھین گشنائٹس پرفیکٹس کی چٹان کی تشکیل ابتدائی کریٹاسیئس دور کی ہے۔ مرکز کے مطابق  یہ پانچ انگلیوں کے ساتھ ایک کمان نما پاؤں کا نشان ہے، جس کی لمبائی چوڑائی سے زیادہ ہے۔

بیجنگ(شِنہوا) چین نے خود روزگار کاروبار کی ترقی کو فروغ دینے کے لیے ایک نیا ضابطہ متعارف کراتے ہوئے مشکل صورتحال میں خود روزگار کاروباری اداروں کی مدد کے لیے مزید کوششوں کا اعلان کیا ہے۔

نیشنل ڈویلپمنٹ اینڈ ریفارم کمیشن کے عہدیدار گو چھی من نے منگل کو ایک پریس کانفرنس میں کہا کہ میکرو پالیسی پر عمل درآمد کو بڑھانے، کاروباری ماحول کو بہتر اور روزگار اور انٹرپرینیورشپ کو فروغ دینے کے لیے مزید اقدامات کیے جائیں گے۔ گونے نئے ضابطے کے حوالے سے بتایا کہ چھوٹی کمپنیوں اور خود روزگار کاروبار کاروباری اداروں پر بوجھ کم کرنے، فنانسنگ میں مدد اور صارفین کی طلب میں اضافے  کی بھی کوشش کی جائے گی۔ منگل سے نافذ العمل اس ضابطے کے تحت  ایسے شعبوں میں مخصوص ترجیحی پالیسیاں مرتب کی گئی  ہیں جن میں کاروباری ماحول کو بہتر بنانا اور خودروزگار کاروباروں کے قانونی حقوق اور مفادات کا تحفظ شامل ہے۔

ادارہ شماریات نے مہنگائی کے ماہانہ اعدادوشمار جاری کردیئے ، ادارہ شماریات کی جانب سے کہا گہاکہ ماہانہ بنیادوں پر مہنگائی کی شرح میں اضافہ ہوا اور 26.6فیصدریکارڈ کی گئی ۔ دیہات میں مہگائی کی شرح 27.85فیصد ریکارڈ کی گئی ، شہروں میں مہنگائی کی شرح 23.90فیصد رہی ، ادرہ شماریات کے مطابق گزشتہ سال اکتوبر میں مہنگائی کی شرح 9.2فیصد تھی ۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف نے لانگ مارچ کا نیا شیڈول جاری کردیا، نئے شیڈول کے تحت لانگ مارچ کی اسلام آباد آمد میں مزید تاخیر ہوگی۔ تحریک انصاف کا لانگ مارچ اتوار کو جہلم پہنچے گا، عمران خان نے منگل کو چن دا قلعہ سے مارچ شروع کر کے گوندالا والا باغ پر ختم کیا ، لانگ مارچ (آج) بدھ کو ہندی بائی پاس سے شروع ہو کر گکھڑ منڈی پر اختتام پذیر ہو گا جبکہ جمعرات کو وزیر آباد سے گجرات تک کا سفر طے کیا جائے گا۔ نئے شیڈول کے مطابق جمعے کو گجرات سے لالہ موسی تک لانگ مارچ پہنچے گا، لانگ مارچ ہفتے کو لانگ مارچ کھاریاں سے ہو کر سرائے عالمگیر پہنچے گا، اتوار کو سرائے عالمگیر سے لانگ مارچ جہلم پہنچے گا۔

کریڈٹ: انڈیپنڈنٹ نیوز پاکستان-آئی این پی

آئل اینڈ گیس ریگولیٹری اتھارٹی (اوگرا)نے ایل پی جی کی فی کلو گرام قیمت میں 2 روپے 95 پیسے اضافہ کر دیا، اوگرا کی جانب سے ماہ نومبر کیلئے ایل پی جی کی قیمت میں اضافے کا باقاعدہ نوٹیفکیشن بھی جاری کر دیا گیا۔ نوٹیفکیشن کے مطابق گھریلو سلنڈر کی قیمت میں 34 روپے 91 پیسے اور کمرشل سلنڈر کی قیمت میں 134 روپے اضافہ کر دیا گیا۔ اضافے کے نتیجے میں فی کلو گرام ایل پی جی کی قیمت 204 روپے مقرر، گھریلو سلنڈر کی قیمت 2374 روپے سے بڑھ کر 2409 روپے 16 پیسے اور کمرشل سلنڈر کی قیمت 9135 روپے سے بڑھ کر 9269 روپے ہوگئی۔ ایل پی جی ڈسٹری بیوٹرز ایسوسی ایشن آف پاکستان کے چیئرمین عرفان کھوکھر نے بتایا کہ اوگرا کی جانب سے مہنگائی کے بوجھ تلے دبے ہوئے عوام پر مہنگائی کا ایک اور بم گرا دیا گیا ہے اور موسم سرما کے دوران قدرتی گیس کا تاریخ ساز شاٹ فال پیدا ہونے کا بھی خدشہ ہے۔ انہوں نے کہا کہ دور دراز اور پسماندہ علاقوں کے غریب صارفین کو ریلیف دینے کے لئے حکومت ایل پی جی پر عائد تمام ٹیکسوں کا خاتمہ کرے تاکہ لوگوں کو سستی گیس کی سہولت مل سکے، جے جے وی ایل کی بندش سے نہ صرف حکومت کو اربوں روپے مالیت کے ریونیو کا نقصان کا سامنا ہے بلکہ عوام بھی سستی گیس کی سہولت سے محروم ہوگئی ہے لہذا اس دوطرفہ نقصان سے بچنے کے لیے فوری طور پر جے جے وی ایل کو آپریشنل کیا جائے۔ چیئرمین ایل پی جی ڈسٹری بیوٹرز ایسوسی ایشن آف پاکستان کا کہنا تھا کہ موسم سرما میں سوئی گیس کی کمی کو پورا کرنے کے لئے ایل پی جی امپورٹ کی جامع پالیسی بنائی جائے اور ایل پی جی کی مقامی آٹوموٹیو سیکٹر میں کے استعمال کو قانونی بنایا جائے۔

کریڈٹ: انڈیپنڈنٹ نیوز پاکستان-آئی این پی

پاکستان پیپلزپارٹی کی رہنما اور سینیٹر شیری رحمان نے کہا ہے کہ عمران خان کا مارشل لا لگانے کا بیان قابل مذمت ہے، جو سیاستدان 26 سال سیاسی جدوجہد کا دعوی کرتا ہے وہ یہ نہیں کہتا کہ مارشل لا لگانا ہے تو لگا دو۔ سماجی رابطے کی ویب سائٹ ٹویٹر پر اپنے پیغام میں شیری رحمان نے کہا کہ جمہوریت پسند سیاستدان اداروں کو مارشل لا لگانے پر نہیں اکساتا، عمران خان چاہتے ہیں ملک میں مارشل لا لگے، عمران خان چاہتے ہیں وہ اقتدار میں نہیں تو کوئی اور بھی نا ہو۔ شیری رحمان کا کہنا تھا کہ یہ جمہوری اور آئینی نہیں فاشسٹ سوچ کی نشانی ہے، ادارے کہ رہے ہیں ہم سیاست میں مداخلت نہیں کریں گے یہ کہتے ہیں مداخلت کرو اور مجھے اقتدار میں لا، ان کا مقصد ہے ڈیل دو یا مارشل لا لگا، کیا کوئی پارلیمانی اور آئینی جمہوریت میں یقین رکھنے والا سیاست دان اداروں سے غیر آئینی کام کرنے کا مطالبہ کرسکتا ہے؟ رہنما پیپلز پارٹی نے مزید کہا کہ عمران نیازی کی 26سال کی جدوجہد صرف چیرٹی کے نام پر پیسے کھانے میں گزری ہے، کون سا سیاست دان اداروں سے غیر آئینی مداخلت یا مارشل لا لگانے کا مطالبہ کرتا ہے؟۔کیا کوئی پارلیمانی اور آئینی جمہوریت میں یقین رکھنے والا سیاستدان اداروں سے غیر آئینی کام کرنے کا مطالبہ کر سکتا ہے؟ان کی "26 سال کی جدوجہد" صرف چیرٹی کے نام پر پیسے کھانے میں گزری ہے۔ کون سا سیاستدان اداروں سے غیر آئینی مداخلت یا مارشل لا لگانے کا مطالبہ کرتا ہے؟

کریڈٹ: انڈیپنڈنٹ نیوز پاکستان-آئی این پی

چیئرمین پاکستان پیپلزپارٹی ووزیر خارجہ بلاول بھٹو زرداری نے کہا کہ امریکہ سمیت سب سے بات چیت کرنے کا اعلان بھی کیا ہے ، افغانستان کی موجودہ حکومت سے پاکستان اور عالمی سطح پر بات چیت ہونی چاہیے ، منگل کے روز نجی ٹی وی سے گفتگو کرتے ہوئے انہوں نے کہا کہ طالبان حکومت کو پاکستان نے باقی دنیا کی طرح ڈپلومیٹک طور پر قبول نہیں کیا ، 90کی غلطی کو دہرانا نہیں چاہیے ، جنگ ختم ہوگئی لیکن نقصانات اب تک ہم بھگت رہے ہیں۔ وزیر خارجہ کا کہنا تھا کہ دہشتگردی کے خلاف عالمی جنگ کے وقت امریکا سے الگ تعلقات تھے لیکن اب مختلف ہیں، ہماری پالیسی ہے کہ پاکستان کے مفاد کیلئے سب کے ساتھ کام کریں ، اختیارات نہ ہونے کا عمران خان کا بیانیہ سیاست کاثبوت ہے ۔

کریڈٹ: انڈیپنڈنٹ نیوز پاکستان-آئی این پی

جیسے جیسے موسم سرد ہورہا ہے افغانستان کے مشرقی صوبہ ننگرہار کے ضلع کاما میں املوک کی فصل پک گئی اور کٹائی کے لئے تیار ہے۔

کریڈٹ: انڈیپنڈنٹ نیوز پاکستان-آئی این پی

جنوبی کوریا کے دارالحکومت سیئول کے ضلع ایٹایون میں ہالووین کی تقریبات کے دوران بھگڈر سے مرنے والوں کی تعداد میں اضافہ ہوا ہے۔ یہ واقعہ ہفتہ کی شب پیش آیا تھا۔ وزارت داخلہ و تحفظ کے مطابق اس واقعے میں کم از کم 155 افراد ہلاک اور 152 زخمی ہوئے ہیں۔ مرنے والوں میں 26 غیرملکی بھی شامل ہیں جن کا تعلق 14 ممالک سے ہے۔ ہلاکتوں کی تعداد مزید بڑھ سکتی ہے کیونکہ 30 افراد کی حالت نازک ہے۔ کہا جاتا ہے کہ یہ واقعہ سیئول کے معروف نائٹ لائف ضلع میں ایک تنگ پہاڑی گلی میں بڑی تعداد میں لوگوں کے یکجا ہونے اور دھکم پیل کی وجہ سے پیش آیا۔ ہلاک شدگان میں سے زیادہ تر متاثرین 20 اور 30 سال کی عمروں کے تھے۔ اس کے علاوہ 100 خواتین ایسی تھیں جو کمزور ہونے کے سبب دھکم پیل برداشت نہ کرسکیں۔ رش والی سڑکوں پر پھنس کر کچلے جانے والے ہجوم پر قابو پانے کے لئے پولیس افسران کی بھی کمی تھی۔ یہ کشتی الٹنے کے واقعے کے بعد سے اب تک کا سب مہلک حادثہ قرار دیا جارہا ہے۔ 2014 میں کشتی الٹنے کے اس واقعے میں 304 افراد لقمہ اجل بنے تھے۔ حکومت نے اس سانحے پر ہفتہ تک ایک ہفتے کے قومی سوگ کا اعلان کیا ہے۔

کریڈٹ: انڈیپنڈنٹ نیوز پاکستان-آئی این پی

فلپائن میں اختتام ہفتہ آنے والے شدید سمندری طوفان سے کم از کم 101 افراد ہلاک ہوچکے ہیں۔ سمندری طوفان نالگے سے اس جنوبی ایشائی ملک کے کئی حصوں میں سیلاب آیا اور لینڈ سلائیڈز ہوئی۔ نیشنل ڈیزاسٹررسک ریڈکشن اینڈ مینجمنٹ کونسل نے بتایا کہ 73 ہلاکتوں کی تصدیق ہوچکی ہے جبکہ دیگر 28 افراد سے متعلق شناخت کا عمل جارہی ہے۔ اب تک 66 افراد کے لاپتہ ہونے کی تصدیق ہوئی ہے جبکہ دیگر 37 کے بارے میں جانچ کی جارہی ہے۔ ایجنسی نے بتایا کہ فلپائن کے جنوبی مسلم مینڈاناؤ کے بنگسامورو خود اختیار خطے میں 53 افراد ہلاک ہوئے جبکہ کم از کم 22 لاپتہ ہیں۔ باقی ہلاکتیں وسطی فلپائن کے مرکزی جزیرے لوزون کے 9 علاقوں اور مسلم مینڈانا کے بنگسامورو خود اختیار خطے سے باہر مینڈانا ؤجزیرے کے دیگر علاقوں میں ہوئیں۔ ایجنسی نے کہا کہ سمندری طوفان سے 18 لاکھ سے زائد افراد متاثر ہوئے ، 364 سڑکوں اور 82 پلوں کو نقصان پہنچا اور کئی علاقوں میں بجلی کی فراہمی معطل ہوگئی۔ سیلاب سے تباہ شدہ علاقوں میں لوگوں نے اتوار سے کیچڑ نکالنے، گندگی ہٹانے، ہوا سے ٹوٹے درخت اور شاخوں کی کٹائی و صفائی کا کام شروع کردیا تھا۔ ان علاقوں میں متعدد مکانات اور عمارتیں زیرآب تھیں۔

کریڈٹ: انڈیپنڈنٹ نیوز پاکستان-آئی این پی

امریکی اخبار دی ہل نے سی بی ایس نیوز- یو گوو کے ایک نئے سروے کا حوالہ دیتے ہوئے بتایا ہے کہ 10 میں سے 8 امریکیوں نے امریکہ کے موجودہ حالات کو "قابو سے باہر" قرار دیا ہے۔ سروے کے مطابق 79 فیصد افراد کی رائے ہے کہ ملک میں چیزیں "قابو سے باہر" ہیں جبکہ سروے میں شامل 21 فیصد افراد کہتے ہیں کہ چیزیں "قابو میں" ہیں۔ سروے کے مطابق جب ان سے پوچھا گیا کہ وہ آج امریکہ کے بارے میں کیا محسوس کرتے ہیں تو 73 فیصد نے ملک کے حالات کو خراب جبکہ 36 فیصد نے انہیں درست قرار دیا۔ سیاسی جماعتوں کی لائن پر بات کی جائے تو ڈیموکریٹس سے وابستہ 48 فیصد کو اس بات پر یقین ہے کہ ملک میں چیزیں درست سمت میں جارہی ہیں۔ جبکہ 12 فیصد ری پبلکن اور 18 فیصد آزاد اس رائے سے متفق ہیں۔ رپورٹ میں مزید کہا گیا ہے کہ اگر امریکی صدر جو بائیڈن کی بات کی جائے تو 56 فیصد جواب دہندگان نے ان کے بطور صدر کاموں کو ناپسند کیا ہے جبکہ 44 فیصد نے اس کی حمایت کی ہے۔

کریڈٹ: انڈیپنڈنٹ نیوز پاکستان-آئی این پی

چائنہ مینڈ اسپیس ایجنسی کے مطابق مینگ تیان لیب ماڈیول ، چین کے تیان گونگ خلائی اسٹیشن پر کامیابی سے لنگرانداز ہوگیا ہے۔ چائنہ مینڈ اسپیس ایجنسی نے بتایا کہ مینگ تیان مقررہ مدار میں داخل ہونے کے بعد خلائی اسٹیشن کے کور ماڈیول تیان ہی پر منگل کی صبح 4 بجکر 27 منٹ (بیجنگ وقت) پرلنگرانداز ہوا۔ مینگ تیان، تیان گونگ کا دوسرا لیب ماڈیول ہے۔ خلائی اسٹیشن تک پہچنے اور لنگرانداز ہونے کا یہ عمل 13 گھنٹے میں مکمل ہوا۔ چائنہ مینڈ اسپیس ایجنسی کے مطابق مینگ تیان منصوبہ کے تحت منتقلی کرے گا۔ مینگ تیان ماڈیول ، تیان ہی کور ماڈیول اور وین تیان لیب ماڈیول کے ساتھ مل کر ٹی شکل میں خلائی اسٹیشن کی بنیاد کو تشکیل دیں گے۔

کریڈٹ: انڈیپنڈنٹ نیوز پاکستان-آئی این پی

نیوزی لینڈ نے یوکرین کی جنگ کے باعث روس پر نئی پابندیاں لگا دی ہیں،وزیر خارجہ نانیا ماہوتا نیروس کے خلاف نئی پابندیوں کے نفاذ سے متعلق کہا ہے کہ یوکرین سے ہمارا تعاون جاری ہے اسی روشنی میں 14 افراد اور 7 اداروں پر نئی پابندیاں لگائی جارہی ہیں،ان پابندیوں کے درمیان فوجی اہلکار، دفاعی ادارے اور اس کے افسران،روسی روسی نشریاتی ادارے اور بعض تنظیموں کے سربراہ شامل ہیں،روس کی خفیہ ایجنسیوں کی طرف سے جاری سائبر آپریشنز اور خبر ایجنسی انفو روس سمیت کریمیا کی ایجنسی نیوز فرنٹ بھی پابندیوں میں شامل ہیں۔نیوزی لینڈ کا کہنا تھا کہ ان پابندیوں کے ذریعے یوکرین پرغیرقانونی روسی جارحیت کے خلاف یہ ہماری مذمت کا اظہار ہے ،یاد رہے کہ نیوزی لینڈ نے اپریل سے اب تک 1200 سے زائد روسی افراد اور اداروں پر پابندیاں لگا رکھی ہیں۔

کریڈٹ: انڈیپنڈنٹ نیوز پاکستان-آئی این پی

رمینیا اور آذربائیجان نے تنازعات کے پر امن حل پر اتفاق کیا ہے،ایک مشترکہ اعلامیئے میں بتایا گیا کہ خطے میں طویل االمدتی بنیادوں پر بحالی امن کیلیے آذربائیجان اور آرمینیا کے درمیان امن معاہدے سے متعلق پیشگی تیاریاں اہمیت کی حامل ہیں جبکہ فریقین نے مل کر ان تنازعات کے خاتمے کے لیے کوششوں پر بھی اتفاق کیا ہے،پیوٹن نے اس ملاقات کو کافی مفید قرار دیتے ہوئے اس امر کا اظہار کیا کہ مستقبل کے معاہدوں کیلیے ہمارے درمیان راہیں ہموار ہوئی ہیں البتہ بعض موضوعات پرماہرین کی مشاورت ضروری سمجھِی گئی ہے لہذا بعض نکات کو خارج کر دیا گیا ہے لیکن اس کے باوجود بھی موجودہ شرائط تنازعات کے حل کیلیے معاون ثابت ہونگ ، اس سہ رکنی ملاقات کے بعد ایک مشترکہ اعلامیئے میں بتایا گیا کہ خطے میں طویل االمدتی بنیادوں پر بحالی امن کیلیے آذربائیجان اور آرمینیا کے درمیان امن معاہدے سے متعلق پیشگی تیاریاں اہمیت کی حامل ہیں جبکہ فریقین نے مل کر ان تنازعات کے خاتمے کے لیے کوششوں پر بھی اتفاق کیا ہے۔

کریڈٹ: انڈیپنڈنٹ نیوز پاکستان-آئی این پی

امریکہ نے افغانستان میں اپنے بیس سالہ قیام کے دوران ہزاروں افغان کمانڈوز کو اعلی ترین جنگی تربیت دی تھی۔ گذشتہ برس امریکی افواج افغانستان چھوڑ کر گئیں تو ملک پر طالبان کا کنٹرول ہو گیا۔ افغان فوج کے ہزاروں اہلکار دوسرے ممالک کو فرار ہوگئے۔ خاصی تعداد میں امریکی تربیت یافتہ افغان کمانڈوز پناہ لینے ایران پہنچے۔ امریکی خبر رساں ادارے نے دعوی کیا ہے کہ اب روس ان کمانڈوز کو بھرتی کر رہا ہے تاکہ انہیں یوکرائن کی جنگ میں استعمال کر سکے۔امریکہ کی جانب سے ان کمانڈوز کو 1500 ڈالر (سوا تین لاکھ پاکستانی روپے سے زائد) ماہانہ تنخواہ دی جا رہی ہے۔ جب کہ ان کے اہلخانہ کو محفوظ رہائش گاہیں بھی دی جائیں گی۔

کریڈٹ: انڈیپنڈنٹ نیوز پاکستان-آئی این پی

اسرائیل میں سیاسی عدم استحکام کی وجہ سے چار سالوں سے بھی کم عرصے میں پانچویں انتخابات ہو رہے ہیں،غیر ملکی خبر رساں ادارے مطابق اسرائیل میں عام انتخابات کے لیے ووٹنگ کا عمل شروع ہو گیا ہے،اتحادی جماعتوں کے سیاسی عدم استحکام کے بعد اسرائیل میں نئے انتخابات ہو رہے ہیں، حکومت بنانے کے لیے کسی بھی جماعت کو اسرائیلی پارلیمنٹ کی 61 نشستوں پر اکثریت حاصل کرنا ضروری ہے،میڈیا رپورٹس کے مطابق کرپشن الزامات کا سامنا کرنے والے سابق وزیر اعظم نتین یاہو انتہائی دائیں بازو کے اتحادیوں کے ساتھ واپسی کی کوششوں میں ہیں۔

کریڈٹ: انڈیپنڈنٹ نیوز پاکستان-آئی این پی

بھارت کے دارالحکومت نئی دلی میں جوتے بنانے والی فیکٹری میں آگ لگنے سے 2 افراد ہلاک ہوگئے،بھارتی میڈیا کے مطابق فیکٹری سے 2 افراد کو ریسکیو کرلیا گیا جبکہ کچھ افراد کو اسپتال منتقل کیا گیا ہے، فیکٹری کی پہلی اور دوسری منزل پر آگ لگی،بھارتی حکام کا کہنا تھا کہ اسپتال منتقل کیے گئے لوگوں کو معمولی زخم آئے ہیں۔

کریڈٹ: انڈیپنڈنٹ نیوز پاکستان-آئی این پی

روس کی جانب سے یوکرین پر ڈرٹی بم کی تیاری کے الزام کے بعد انٹرنیشنل اٹامک انرجی ایجنسی (آئی اے ای اے) کی ٹیم نے یوکرین میں 2 جوہری سائٹس کا دورہ کیا ہے،ایجنسی کے سربراہ رافیل گروسی نے کہا ہے کہ یوکرین میں دو جوہری سائٹس پر معائنہ شروع کردیا ہے،رافیل گروسی نے اس حوالے سے کہا کہ رواں ہفتے کے اختتام پر اپنے ابتدائی نتائج فراہم کریں گے، یوکرین نے روس کے ڈرٹی بم الزامات کی تردید بھی کردی ہے،یوکرین نے روسی الزامات پر عالمی ادارے سے معائنے کی درخواست کی تھی،روس کے صدر ویلادیمیر پیوٹن نے بھی عالمی ادارے سے یوکرین کی جوہری تنصیبات کے معائنے کا مطالبہ کیا تھا۔

کریڈٹ: انڈیپنڈنٹ نیوز پاکستان-آئی این پی

بھارت میں ایک مشتعل کار سوار نے معمولی جھگڑے کے بعد گلی میں کھڑے افراد کو کچل دیا، حادثے میں تین افراد شدید زخمی ہوگئے۔بھارتی دارالحکومت نئی دہلی میں ایک تنگ گلی سے گزرتے ہوئے ایک کار کی موٹر سائیکل سے ٹکر ہوگئی جس کے بعد دونوں افراد آپس میں تلخ کلامی پر اتر آئے،مذکورہ واقعہ گزشتہ روز پیش آیا، علاقہ مکینوں نے فوری طور پر مداخلت کی اور صورتحال پر قابو پایا لیکن کار ڈرائیور جو شدید غصے میں تھا، اس نے کسی کی بھی پرواہ نہ کرتے ہوئے ایکسلیٹر دبایا اور وہاں موجود لوگوں پر گاڑی چڑھادی،واقعے کی سی ٹی وی فوٹیج سوشل میڈیا پر وائرل ہوگئی، جس میں دیکھا جاسکتا ہے کہ کار ڈرائیور نے گاڑی کو کس بے دردی سے لوگوں پر چڑھایا،ملزم نے فوری طور پر دوبارہ کار بھگائی اور گلی سے فرار ہونے میں کامیاب ہوگیا، زخمی افراد کو فوری طور پر طبی امداد کیلئے قریبی اسپتال منتقل کیا گیا جہاں ان کی حالت خطرے سے باہر بتائی جارہی ہے،بعد ازاں پولیس نے سی سی ٹی وی فوٹیج کی مدد سے گاڑی کی نمبر پلیٹ کے ذریعے ڈرائیور کا سراغ لگایا اور اسے اس کے گھر سے گرفتار کرلیا گیا۔

کریڈٹ: انڈیپنڈنٹ نیوز پاکستان-آئی این پی

تیل برآمد کرنے والا دنیا کا سب سے بڑا ملک سعودی عرب ایشیائی ممالک کیلئے خام تیل کی قیمت میں کمی کرسکتا ہے،اس حوالے سے تجارتی ذرائع کا کہنا تھا کہ ایسا اس لیے ممکن ہے کہ چین میں کورونا وائرس کی سخت ترین پابندیوں کے باعث تیل کی کھپت میں نمایاں کمی آئی ہے، تیل کی پیداوار کے لحاظ سے سب سے بڑی کمپنی سعودی آرامکو اگلے ماہ دسمبر میں اپنے عرب لائٹ کروڈ کی آفیشل سیلنگ پرائس (او ایس پی) میں تقریبا 30 سے 40 سینٹ فی بیرل تک کمی کرسکتی ہے،سعودی آرامکو اپنے خام تیل کی قیمتوں کا تعین صارفین کی سفارشات کی بنیاد اور گزشتہ مہینے کے دوران تیل کی قیمت میں ہونے والی تبدیلی کا حساب لگانے کے بعد پیداوار اور مصنوعات کی قیمتوں کی بنیاد پر کرتی ہے۔

کریڈٹ: انڈیپنڈنٹ نیوز پاکستان-آئی این پی

سعودی عرب نے عمرہ ویزہ کا دورانیہ 30 سے بڑھا کر 90 روز کردیا ہے،سعودی وزارت حج و عمرہ کی جانب سے جاری بیان کے مطابق عمرہ ویزہ پر سعودی عرب آنے مکہ مکرمہ اور مدینہ منورہ سمیت کسی بھی دوسرے شہر کا سفر کرسکیں گے،حکام کا مزید کہنا تھا کہ عمرہ ویزے کا انتہائی دورانیہ 30 روز سے بڑھا کر 90 روز کردیا گیا ہے۔ ویزے کی مدت سے زائد قیام پر سزا دی جائے گی۔وزارت حج و عمرہ کے مطابق بیرون ملک سے سے آنے والے عمرہ زائرین داخلہ ویزہ فیس ادا کر کے سال میں ایک سے زیادہ مرتبہ عمرہ ویزہ حاصل کرسکیں گے۔

کریڈٹ: انڈیپنڈنٹ نیوز پاکستان-آئی این پی

پاکستان کی جی ڈی پی میں ماہی گیری کا حصہ ایک فیصد،گلگت بلتستان، چترال اور سوات میںٹراوٹ فارمنگ کے وسیع مواقع،مالاکنڈ اور ہزارہ ڈویژن میں 380 ٹراوٹ فش فارمز کی تعمیر شروع، ٹراوٹ فارمنگ کو بہتر بنانے کے لیے جدید تکنیکوں کو اپنانے کی ضرورت ۔ویلتھ پاک کی رپورٹ کے مطابق ٹراوٹ فارمنگ پاکستان کے شمالی علاقہ جات میں لوگوں کی آمدنی بڑھانے اور قومی معیشت میں اپنا حصہ ڈالنے کی بڑی صلاحیت رکھتی ہے۔ حکومت اور کسانوں کو ٹراوٹ فارمنگ کو بہتر بنانے کے لیے جدید تکنیکوں کو اپنانے کی ضرورت ہے۔ گلگت بلتستان، چترال اور سوات میں اس شعبے کی ترقی کے باوجود پیداوار مطلوبہ سطح پر نہیں ہے۔ اس کے مالی فوائد کی وجہ سے شمالی علاقہ جات میں زیادہ لوگ اس شعبے میں اپنی قسمت آزما رہے ہیں لیکن حکومت کو قومی معیشت کو مضبوط بنانے کے لیے ٹراوٹ فارمنگ کو فروغ دینے کے لیے مزید اقدامات کرنے کی ضرورت ہے۔ پاکستان فشریز ایکسپورٹرز ایسوسی ایشن کراچی کے چیئرمین فیصل افتخار نے ویلتھ پاک کو بتایاکہ ٹراوٹ لوگوں کے لیے آمدنی کا بنیادی ذریعہ ہے جو اس علاقے میں ٹراوٹ فش فارمز کے مالک ہیں اور جو انھیں دریا میں پکڑتے ہیں۔ کالام کے رہائشیوںنے ابتدائی طور پر دریا میں ٹراوٹ کے لیے مچھلیاں پکڑی تھیں اب اپنے فارم بنا لیے ہیں اور مزید تعمیر کرنے کی امید رکھتے ہیں۔

انہوں نے کہا کہ ٹراوٹ فارمنگ کے لیے مثالی رہائش گاہوں کے تنوع کے ساتھ ٹھنڈے پانی کے وسیع وسائل قدرت کی طرف سے تحفے میں دیے گئے ہیں۔ فیصل افتخار نے کہا کہ ٹراوٹ فارمز کو مناسب آب و ہوا، زمین اور پانی کے حالات کے ساتھ پانی کی کمی والے علاقوں میں قائم کیا جانا چاہیے۔ انہوں نے کہا کہ شمالی علاقے، خاص طور پر چترال، مدین، کالام اور سکردو، جو ان ضروریات کو پورا کرتے ہیں، ٹراوٹ فارمنگ کے لیے ممکنہ مقامات ہیں۔انہوں نے کہا کہ موسم گرما کے دوران ٹراوٹ کی مقامی کھپت زیادہ ہوگی۔ انہوں نے کہا کہ موسم گرما کے دوران ملک کے گرم علاقوں سے سیاح ان علاقوں کا دورہ کرتے ہیں جس سے ٹراوٹ کی کھپت میں اضافہ ہوتا ہے۔ انہوں نے کہا کہ اس موسم میں مچھلی مقامی طور پر فروخت کی جا سکتی ہے کیونکہ سرد موسمی زون تمام موسم گرما میں دوسرے علاقوں کے سیاحوں کو اپنی طرف متوجہ کرتے ہیں۔ اگرچہ پورے موسم سرما میں سفر کم ہوتا ہے، لیکن سردی کے وقت زیادہ مچھلی کھانے کی مقامی لوگوں کی عادت مصنوعات کی مانگ کو برقرار رکھتی ہے۔ ایبٹ آباد، اسلام آباد، کراچی، لاہور اور پشاور میں سپر مارکیٹیں اور فش ریستوران ٹارگٹ مارکیٹوں میں شامل ہیں۔

فیصل افتخار نے کہا کہ خیبر پختونخوا حکومت نے اپنے 'کے پی میں فارم فشریز کی ترقی' کے منصوبے کے تحت زیادہ تر مالاکنڈ اور ہزارہ ڈویژن میں تقریبا 380 ٹراوٹ فش فارمز کی تعمیر شروع کی ہے۔ انہوں نے کہا کہ محکمہ ماہی پروری کے مطابق ٹھنڈے پانی کے ماہی گیری کے منصوبے کی ترقی کے تحت 287 ٹراوٹ فش فارمز بنائے جا رہے ہیں۔انہوں نے کہا کہ ماہی گیری کا شعبہ مجموعی طور پر ملک کی مجموعی گھریلو پیداوار میں تقریبا ایک فیصد حصہ ڈالتا ہے اور روزگار فراہم کرتا ہے جو پاکستان کی کل لیبر فورس کا تقریبا ایک فیصدہے۔فیصل افتخار نے کہا کہ یہ مطالعہ شمالی علاقہ جات میں کیا گیا جہاں تجارتی ٹراوٹ فارمنگ کی مشق کی گئی۔ مطالعہ کے لیے چار نجی اور ایک پبلک سیکٹر فش فارم کے مقامات کا انتخاب کیا گیا۔ مطالعہ کے دوران کسانوں سے اچھی طرح سے انٹرویو کیا گیا۔ انہوں نے کہا کہ کسانوں کے مطابق رینبو ٹراوٹ دو سال کے بڑھتے ہوئے موسم کے ساتھ کاشتکاری کے لیے بہترین نسل ہے۔ٹراوٹ فارمنگ کیلئے پانی صاف ہونا چاہئے، گندا نہیں ہونا چاہئے ۔اس کے علاوہ پانی کی مقدار اس کے معیار، کاشتکاری کے نظام اور آبی زراعت کی تکنیکوں پر منحصر ہے۔

کریڈٹ: انڈیپنڈنٹ نیوز پاکستان-آئی این پی

ٹیکسٹائل مصنوعات نے قومی برآمدات میں 61.24 فیصد کا اوسط حصہ برقرار رکھا،40 فیصد صنعتی لیبر فورس ٹیکسٹائل سے وابستہ، صنعتی ویلیو ایڈڈ مصنوعات میں ایک چوتھائی حصہ،پاکستان کے مینوفیکچرنگ سیکٹر میں سرمایہ کاری کے مواقع بڑھانے میں چین کا اہم کردار،سی پیک گیم چینجر ہو گا۔ویلتھ پاک کی رپورٹ کے مطابق چین پاکستان کے مینوفیکچرنگ سیکٹر میں سرمایہ کاری کے مواقع کو بڑھانے میں اہم کردار ادا کر رہا ہے۔پاکستان کے سالانہ پلان 2022-23 میں کہا گیا ہے کہ سی پیک فیز ٹوصنعت کاری اور خصوصی اقتصادی زونز کی ترقی، زرعی جدید کاری، سائنس اور ٹیکنالوجی کے تعاون، آئی سی ٹی کے فروغ، آئی ٹی اور ہائی ٹیکنالوجی کے قیام پر زور دے گا۔ متعدد پالیسی سازوں اور علاقائی ماہرین نے سی پیک کو پہلے ہی پاکستان اور خطے کے لیے گیم چینجر کے طور پر سراہا ہے۔ سی پیک اتھارٹی کے ایگزیکٹو ڈائریکٹر اور پالیسی ڈویژن کے سربراہ ڈاکٹر لیاقت علی شاہ نے ویلتھ پاک سے بات کرتے ہوئے کہاکہ پاکستان کی معیشت زیادہ ہنر مند، جدید اور پیداواری صنعتوں کی طرف بڑھ رہی ہے۔

آج کی معیشت میں روایتی صنعتی کلسٹرز نے نئی مصنوعات برآمد کرنا شروع کر دی ہیں جب کہ نئی صنعتیں جیسے کہ انفارمیشن، کمیونیکیشن، اور ٹیکنالوجی ابھر رہی ہیں۔انہوں نے کہاسست ترقی کی وجہ مینوفیکچرنگ میں مضبوط بنیاد کی کمی ہے جس میں نئی ٹیکنالوجیز کے بہت کم پھیلاو، فرموں کی بین الاقوامی بہترین طریقوں تک رسائی میں ناکامی اور برین ڈرین ہے۔ پاکستان کے لیے سی پیک ایک غیر معمولی موقع فراہم کرتا ہے کہ وہ ملک کی دیرینہ اقتصادی ترقی کی راہ میں حائل رکاوٹوں میں سے کچھ کو دور کرے۔حکومت پاکستان کو سی پیک خصوصی انٹرپرائز زونز کے قیام کے مرحلے سے بہت زیادہ توقعات ہیں۔پاکستان سی پیک کے ذریعے گھریلو صنعت کاری کو بڑھانے کا ارادہ رکھتا ہے۔پاکستان میںٹیکسٹائل کا شعبہ چینی سرمایہ کاروں کے لیے سب سے زیادہ پرکشش ہے کیونکہ اس کی ترقی کی وسیع صلاحیت ہے۔ پاکستانی فرمیںجوائنٹ وینچرز کے ذریعے چینی فنانس اور ٹیکنالوجی تک رسائی کی خواہاں ہیں۔ بہت سے بین

الاقوامی برانڈز اس وقت پاکستان میں کام کرتے ہیں۔ڈاکٹر لیاقت نے کہاکہ سرمایہ کاروں سے خصوصی اقتصادی زونز میں بہترین ممکنہ مراعات، ہنر مند اور سستی مزدوری، خام مال کی آسان دستیابی، توانائی کے مسابقتی ٹیرف، کم مال برداری کے اخراجات اور یورپی منڈیوں تک ترجیحی رسائی سے استفادہ کی توقع ہے۔انہوں نے اس خطے سے برآمدات کو بڑھانے کے لیے سی پیک کے صنعتی مرحلے کے دوران مشترکہ خوشحالی اور پاکستان اور چین دونوں کی طرف سے زیادہ سے زیادہ مشترکہ منصوبوں کے آغاز کی ضرورت پر زور دیا۔اکنامک سروے آف پاکستان کے مطابق مالی سال 2022 کے دوران جی ڈی پی کا 9.2 فیصد اور شعبہ جاتی حصہ داری کا 74.3 فیصد بڑے پیمانے پر مینوفیکچرنگ سیکٹر پر غلبہ ہے، اس کے بعد چھوٹے پیمانے پر مینوفیکچرنگ جس کا حصہ 2.0 فیصد ہے۔ٹیکسٹائل پاکستان کا سب سے اہم مینوفیکچرنگ سیکٹر ہے اور اس میں سب سے طویل پیداواری سلسلہ ہے جس میں پروسیسنگ کے ہر مرحلے میں کاٹن سے لے کر جننگ، اسپننگ، فیبرک، ڈائینگ اور فنشنگ، میک اپس اور گارمنٹس تک قدر میں اضافے کی موروثی صلاحیت موجود ہے۔یہ شعبہ صنعتی ویلیو ایڈڈ مصنوعات میں تقریبا ایک چوتھائی حصہ ڈالتا ہے اور تقریبا 40 فیصد صنعتی لیبر فورس کو روزگار فراہم کرتا ہے۔ پاکستان کے اقتصادی سروے 2021-22 کے مطابق ٹیکسٹائل مصنوعات نے قومی برآمدات میں تقریبا 61.24 فیصد کا اوسط حصہ برقرار رکھا ہے۔

کریڈٹ: انڈیپنڈنٹ نیوز پاکستان-آئی این پی

چین اور پاکستان کے درمیان آزاد تجارتی معاہدے سے سروس ٹریڈ کے مزید مواقع پیدا ہوں گے۔ دوطرفہ تجارت اگلے پانچ سالوں میں 50 ارب ڈالر سے تجاوز کر جائے گی،رواں مالی سال تجارتی حجم 32 بلین ڈالرمتوقع، سی پیک منصوبہ پاکستان میں ترقی کی علامت اور روزگار کے مواقع پیدا کرنے کا سب سے بڑا ذریعہ بن گیا ۔ویلتھ پاک کی رپورٹ کے مطابق چین پاکستان اقتصادی راہداری پاکستان کے صنعتی شعبے کو جدید کاری اور اپنی کارکردگی اور مسابقت کو بہتر بنانے کا ایک موقع فراہم کرتی ہے۔ خصوصی اقتصادی زونز کی ترقی صنعتوں کو اپنی سپلائی چینز کو ہموار کرنے، تعاون اور اختراعی صلاحیتوں کو بڑھانے اور بڑے پیمانے کی معیشتوں سے فائدہ اٹھانے کے قابل بنائے گی۔خصوصی اقتصادی زونز میزبان ملک میں براہ راست غیر ملکی سرمایہ کاری کو راغب کرنے کا ایک بڑا ذریعہ ہیںجس کے نتیجے میں اعلی زرمبادلہ کی آمدنی، برآمدات، حکومتی محصولات اور روزگار پیدا ہوتا ہے۔ویلتھ پاک سے بات کرتے ہوئے سی پیک اتھارٹی کے ایگزیکٹیو ڈائریکٹر اور پالیسی ڈویژن کے سربراہ ڈاکٹر لیاقت علی شاہ نے کہاکہ سی پی ای سی کے دوسرے مرحلے کے تحت ملک بھر میں بنائے جانے والے خصوصی اقتصادی زونز مزید بڑھیں گے۔ پاکستان کی صنعتی ترقی پر بہت زیادہ توجہ مرکوز ہے جو معاشی ترقی کے ضروری ذرائع فراہم کرے گا اور ملک میں مزید روزگار پیدا کرنے میں مدد کرے گی۔سی پیک کے منصوبے موجودہ حکومت کی اولین ترجیح ہیں۔ وفاقی وزیر برائے منصوبہ بندی اور خصوصی اقدامات احسن اقبال بغیر کسی تاخیر کے خصوصی اقتصادی زونز پر کام کو تیز کرنے پر گہری توجہ دے رہے ہیں اور انہوں نے متعلقہ وزارتوں کو تمام رکاوٹوں کو دور کرنے کی ہدایت کی ہے۔

انہوں نے مزید کہا کہ خیبر پختونخوا کے ضلع نوشہرہ میں رشکئی خصوصی اقتصادی زون اس سال فعال ہو جائے گاکیونکہ وہاں تمام ضروریات بشمول یوٹیلیٹیز دستیاب کر دی گئی ہیں۔ڈاکٹر لیاقت نے کہاکہ خصوصی اقتصادی زونز مقامی اور غیر ملکی سرمایہ کاروں کے لیے سرمایہ کاری کے بے پناہ امکانات فراہم کرتے ہیں۔ مختلف کمپنیوں کے نمائندوں پر مشتمل ایک جرمن وفد نے حال ہی میں پاکستان کا دورہ کیا ہے اور گوادر کی گہری بندرگاہ اور خصوصی اقتصادی زونز میں سرمایہ کاری میں دلچسپی ظاہر کی ہے۔انہوں نے تجویز پیش کی کہ پاکستان کو زیادہ سے زیادہ بیرونی سرمایہ کاری کی آمد کو راغب کرنے تجارت سے متعلق سرمایہ کاری کے اقدامات کو نافذ کرنے اور چینی کمپنیوں سے مزید ایف ڈی آئی کی آمد کو تلاش کرنے اور محفوظ کرنے کے لیے ایک جامع، مقصد پر مبنی اور سخت نقطہ نظر تیار کرنے پر توجہ دینی چاہیے۔سی پی ای سی کے ذریعے معیشت کی جدید کاری نے ہماری معیشت پر بہت اچھا اثر ڈالا ہے۔ مقامی اور غیر ملکی سرمایہ کاروں کے لیے یہ ایک بہترین موقع ہے کہ وہ ملک میں کاروبار کرنے کی بہتر سہولتوں سے پوری طرح مستفید ہوں اور پاکستان کی کاروبار اور سرمایہ کاری دوست پالیسیوں کے ذریعے گوادر فری زون میںپیش کیے جانے والے مواقع سے استفادہ کریں۔

غیر ملکی سرمایہ کاروں کو اندرونی اور درآمدی ٹیکسوں سے استثنی کی صورت میں مراعات حاصل ہونگی۔ویلتھ پاک سے گفتگو کرتے ہوئے پاکستان سٹڈی سنٹر، پشاور یونیورسٹی کے ڈائریکٹر پروفیسر ڈاکٹر فخر الاسلام نے کہاکہ گوادر سمیت مزید جدید ووکیشنل اور ٹیکنیکل انسٹی ٹیوٹس کو چین کے تعاون سے قائم کیا جانا چاہیے کیونکہ اس کے پیشہ ورانہ اور تکنیکی ادارے جدید اور نفیس ہیں۔ ان اداروں کے ماسٹر ٹرینرز کو اپنے علم کا اشتراک کرنے کے لیے مدعو کیا جا سکتا ہے۔ چینی اداروں کے ساتھ پیشہ ورانہ تربیت کے تعلقات قائم کرناہونگے۔بیجنگ میں پاکستانی سفارتخانے کے کمرشل قونصلر بدروز زمان نے کہا کہ چین اور پاکستان کے درمیان آزاد تجارتی معاہدے سے سروس ٹریڈ کے مزید مواقع پیدا ہوں گے۔ دونوں ممالک کے درمیان دوطرفہ تجارت اگلے پانچ سالوں میں 50 ارب ڈالر سے تجاوز کر جائے گی۔ انہوں نے مزید کہا کہ اس سال تجارتی حجم 32 بلین ڈالر سے تجاوز کر جائے گا۔گیم چینجر سی پیک منصوبہ پاکستان میں پرامن ترقی کی علامت اور روزگار کے مواقع پیدا کرنے کا سب سے بڑا ذریعہ بن گیا ہے۔ اعداد و شمار کے مطابق مالی سال 2021-22 کے پہلے پانچ مہینوں میں چین کو پاکستان کی برآمدات کا حجم 1.60 بلین ڈالر سے تجاوز کر گیا جو کہ سال بہ سال کی بنیاد پر 5.42 فیصد اضافہ کو ظاہر کرتا ہے۔

کریڈٹ: انڈیپنڈنٹ نیوز پاکستان-آئی این پی

پاکستان نے رواں مالی سال کی پہلی سہ ماہی میں آسیان ممالک کو 302 ملین ڈالر کی اشیا برآمد کیں،برآمدی حجم میں 9فیصد اضافہ، آسیان سے درآمدات 2.45 ارب ڈالر،تجارتی خسارہ 2.15 ارب ڈالر ۔ویلتھ پاک کی رپورٹ کے مطابق پاکستان نے رواں مالی سال کی پہلی سہ ماہی میں جنوب مشرقی ایشیائی ممالک کی تنظیم آسیان کے ممالک کو 302 ملین ڈالر کی اشیا برآمد کیںجو کہ9فیصدشرح نمو کی نمائندگی کرتی ہے۔اسٹیٹ بینک کے اعداد و شمار کے مطابق پاکستان سے آسیان کے رکن ممالک کو برآمدات ستمبر 2021 میں 96.91 ملین ڈالر سے ستمبر 2022 میں 7 فیصد کم ہو کر 90.52 ملین ڈالر رہ گئیں۔ رواں مالی سال کے پہلے تین مہینوں میں آسیان ممالک سے درآمدات مجموعی طور پر 2.45 بلین ڈالر رہی، جس کا تجارتی خسارہ 2.15 بلین ڈالر ہے۔ اس مدت کے دوران پاکستان کا ویتنام، فلپائن اور کمبوڈیا کے ساتھ تجارتی سرپلس تھا جبکہ تھائی لینڈ، سنگاپور، میانمار، ملائیشیا، انڈونیشیا، برونائی اور لاوس کے ساتھ تجارتی خسارہ ریکارڈ کیا گیا۔ آسیان کے رکن ممالک میں ویتنام سرفہرست تھا۔ جولائی تا ستمبر کے دوران پاکستان کے لیے برآمدی منزل ملائیشیا اور سنگاپور رہیں۔ ستمبر 2022 میں پاکستان سے ویتنام کو برآمدات 19.51 ملین ڈالر رہیں جو پچھلے مالی سال کے اسی مہینے کے مقابلے میں 0.17 ملین ڈالر کی کمی کو ظاہر کرتی ہیں۔

پاکستان سے ویت نام کو برآمدات جولائی تا ستمبر میں مجموعی طور پر 85.65 ملین ڈالر رہی جو کہ گزشتہ سال جولائی تا ستمبر میں 66.31 ملین ڈالر سے زیادہ ہے جو کہ 29 فیصد اضافے کی نمائندگی کرتی ہے۔ جولائی تا ستمبر تک تجارتی سرپلس 15.59 ملین ڈالرریکارڈ کیا گیا۔ستمبر 2022 میں پاکستان سے ملائیشیا کو 21.62 ملین ڈالر کی اشیا کی برآمدات ریکارڈ کی گئیں جو پچھلے مالی سال کے اسی مہینے میں 27.85 ملین ڈالر تھیں۔ رواںمالی سال کی پہلی سہ ماہی میںپاکستان سے ملائیشیا کو 71.45 ملین ڈالر کی برآمدات ریکارڈ کی گئیںجو پچھلے مالی سال کی اسی مدت کے دوران 83.34 ملین ڈالر سے کم ہیں۔رواں مالی سال کی پہلی سہ ماہی میں ملائیشیا کے ساتھ تجارتی خسارہ 264 ملین ڈالر ریکارڈ کیا گیا۔ ستمبر 2021 میں 20.36 ملین ڈالر کے مقابلے ستمبر 2022 میں سنگاپور کو 10 ملین ڈالر کی برآمدات ریکارڈ کی گئیں۔ سنگاپور کے ساتھ تجارتی خسارہ رواںمالی سال کی پہلی سہ ماہی میں 948 ملین ڈالر ریکارڈ کیا گیا۔ ستمبر 2022 میں تھائی لینڈ کو برآمدات 11.68 ملین ڈالر تک پہنچ گئیں جو کہ ستمبر 2021 میں 6.52 ملین ڈالر تھیں۔

گزشتہ مالی سال کی اسی مدت کے دوران 22.29 ملین ڈالرسے 61 فیصد اضافہ ہوا۔رواں مالی سال کے پہلے تین ماہ میں تھائی لینڈ کے ساتھ 200 ملین ڈالر کا تجارتی خسارہ ریکارڈ کیا گیا۔ ستمبر 2022 میں انڈونیشیا کو 12.43 ملین ڈالر کی برآمدات ریکارڈ کی گئیں جو کہ ستمبر 2021 میں 10.23 ملین ڈالر تھیں۔ یہ جولائی تا ستمبر مالی سال 22 کے دوران 21.24 ملین ڈالر سے زیادہ ہے جو 42 فیصدکی نمو کو ظاہر کرتا ہے۔ انڈونیشیا کے ساتھ تجارتی خسارہ رواں مالی سال کی پہلی سہ ماہی میں 788 ملین ڈالر رہا۔ ستمبر 2022 میںفلپائن کو برآمدات 8.61 ملین ڈالر تک پہنچ گئیںجو ستمبر 2021 میں 9.52 ملین ڈالر سے کم ہے جو کہ 9 فیصد کی کمی ہے۔ جولائی تا ستمبر میںپاکستان نے فلپائن کو 30 ملین ڈالرمالیت کی مختلف اشیا برآمد کیںجو پچھلے مالی سال کی اسی مدت کے دوران 19.40 ملین ڈالر سے زیادہ تھیں۔ فلپائن کے ساتھ تجارتی سرپلس 26.02 ملین ڈالر رہا۔پاکستان سے کمبوڈیا کو برآمدات ستمبر 2022 میں 4.50 ملین ڈالر رہیں جبکہ ستمبر 2021 میں یہ 1.18 ملین ڈالر تھی۔رواں مالی سال کی پہلی سہ ماہی میں کمبوڈیا کے ساتھ 8.13 ملین ڈالر کا تجارتی سرپلس ریکارڈ کیا گیا۔ جولائی تا ستمبر کے دوران میانمار، لاوس اور برونائی کو 4.24 ملین ڈالر، 0.16 ملین ڈالر اور 0.11 ملین ڈالر کی برآمدات ریکارڈ کی گئیں۔

کریڈٹ: انڈیپنڈنٹ نیوز پاکستان-آئی این پی

ابوظہبی ٹی 10 کے چھٹے ایڈیشن کا شیڈول جاری کردیا ہے۔ ٹورنامنٹ 23 نومبر سے 4 دسمبر تک کھیلا جائے گا جس میں 6 پاکستانی کھلاڑی بھی ایکشن میں نظرآئیں گے۔ ٹورنامنٹ میں ٹرافی کے حصول کے لئے 8 ٹیمیں میدان میں اتریں گے اور شائقین کرکٹ کو 12 روز تک کھیلوں کے سنسنی خیز مقابلے دیکھنے کو ملیں گے۔ جو پاکستانی اس بار ایکشن میں نظرآئیں گے ان میں سرفہرست محمد عامر ہیں جو بنگلہ ٹائیگرز کا حصہ ہوں گے۔ پاکستانی لیفٹ آرم اسپن آل رانڈر عماد وسیم دہلی بلز کے لیے، تجربہ کار فاسٹ بولر وہاب ریاض اور 24 سالہ دائیں ہاتھ کے بلے باز اعظم خان نیویارک اسٹرائیکرز کے لیے کھیلیں گے۔ سابق پاکستانی فاسٹ بولرمحمد عرفان ناردرن واریئرز کی نمائندگی کریں گے جبکہ عماد بٹ ٹیم ابوظبی کی جانب سے میدان میں اتریں گے۔ ٹورنامنٹ کا فائنل 4 دسمبر کو کھیلاجائے اور اختتامی تقریب میں شائقین کرکٹ کنسرٹ سے بھی لطف اندوز ہوسکیں گے۔

کریڈٹ: انڈیپنڈنٹ نیوز پاکستان-آئی این پی

سابق بھارتی اوپنر گوتم گمبھیر نے بھی بابراعظم کو خود غرض کپتان قرار دے دیا،سابق بھارتی اوپنر گوتم گمبھیر نے بابراعظم کی خودغرضی پر سوالات اٹھا دیے، ان کا خیال ہے کہ نیدرلینڈز سے میچ میں پاکستانی اننگز کی شروعات بابر کی جگہ فخرزمان کو کرنی چاہیے تھی،گمبھیر نے بابراعظم پر تنقید کرتے ہوئے کہا کہ میری رائے میں سب سے پہلے آپ کو اپنے بجائے ٹیم کو دیکھنا چاہیے، اگر کچھ بھی پلان کے مطابق نہیں چل رہا تھا تو نیدرلینڈز سے میچ میں فخر کو بطور اوپنر بھیجنا چاہیے تھا، اسے خودغرضی کہا جاتا ہے، بطور کپتان ایسا کرنا آپ کیلیے آسان ہوتا ہے۔

کریڈٹ: انڈیپنڈنٹ نیوز پاکستان-آئی این پی

آئی سی سی ٹی ٹوئنٹی ورلڈ کپ کے اہم میچ میں سری لنکا نے افغانستان کو شکست دے دی،برسبین میں ہونے والے میچ میں افغانستان نے ٹاس جیت کر سری لنکا کو پہلے فیلڈنگ کی دعوت دی۔ افغانستان نے مقررہ 20 اوورز میں 8 وکٹوں کے نقصان پر 144 رنز اسکور کیے،افغانستان اور سری لنکا کی ٹیموں کے تین، تین میچز کے بعد صرف دو ،دو پوائنٹس ہیں، دونوں ٹیموں کو سیمی فائنل تک پہنچنے کی امیدوں کو زندہ رکھنے کے لیے نہ صرف یہ مقابلہ جیتنا ہوگا بلکہ گروپ کا پانچواں اور آخری میچ بھی جیتنا ضروری ہوگا،افغانستان کا پانچواں مقابلہ آسٹریلیا سے ہوگا جب کہ سری لنکا کو انگلینڈ سے کھیلنا ہے،افغانستان اور سری لنکا کی ٹیموں کے تین، تین میچز کے بعد صرف دو ،دو پوائنٹس ہیں، دونوں ٹیموں کو سیمی فائنل تک پہنچنے کی امیدوں کو زندہ رکھنے کے لیے نہ صرف یہ مقابلہ جیتنا ہوگا بلکہ گروپ کا پانچواں اور آخری میچ بھی جیتنا ضروری ہوگا_افغانستان کا پانچواں مقابلہ آسٹریلیا سے ہوگا جب کہ سری لنکا کو انگلینڈ سے کھیلنا ہے۔

کریڈٹ: انڈیپنڈنٹ نیوز پاکستان-آئی این پی