مودی سرکار کا آزادی صحافت پرایک اور وار ،بھارتی حکومت نے ٹیلی کمیونیکیشن بل 2023کو منظور کروانے کی تیاری کرلی ،ٹیلی کمیونیکیشن بل 2023کی منظوری کے بعد ہندوستان میں ٹیلی کام ریگولیٹری اتھارٹی سے اختیارات لے لئے جائیں گے، اس بل کی منظوری کے بعد مودی سرکار کسی بھی سوشل میڈیا پلیٹ فارم کو اپنی مرضی سے بند کر سکتی ہے،اس فیصلے سے ٹیلی کام کمپنیاں اور سوشل میڈیا صارفین میں تشویش کی لہر دوڑ گئی ہے ، مودی حکومت اس سے پہلے بھی آزادی صحافت پر کئی حملے کر چکی ہے ، جنوری 2023میں ایلون مسک نے دعوی کیا کہ مودی سرکار نے ٹوئٹر پر مودی مخالف ٹویٹس ہٹانے کے لیے دبائو ڈالا،اسی طرح فروری 2023میں مودی مخالف ڈاکیومنٹری نشر کرنے پر بی بی سی کے دفاتر پر چھاپے بھی مارے گئے جبکہ رواں سال مارچ میں مودی پر تنقید کرنے پر کانگریس رہنما راہول گاندھی کی پارلیمنٹ کی رکنیت بھی معطل کر دی گئی تھی،2020میں ایمنسٹی انٹرنیشنل نے حکومتی جابرانہ ہتھکنڈوں سے تنگ آکر بھارت میں اپنا دفتر بند کر دیا تھا،ڈی ڈبلیو کے مطابق بھارت میں صحافت کا گلہ گھونٹنے کے لئے انسدادِ دہشتگردی کے قوانین کا استعمال تشویشناک حد تک بڑھ چکا ہے ۔

کریڈٹ: انڈیپنڈنٹ نیوز پاکستان-آئی این پی

چین میں شدید زلزلے نے تباہی مچا دی، متعدد رہائشی عمارتیں زمین بوس ہونے سے100سے زائد افراد ہلاک جبکہ متعدد زخمی ہو گئے اور درجنوں لاپتا ہیں،غیر ملکی میڈیا کے مطابق زلزلے کے جھٹکے چین کے شمال مغربی شہر گانسو میں محسوس ہوئے، یورپی میڈیٹیرینین سیسمولوجیکل سینٹر کے مطابق ریکٹر سکیل پر زلزلے کی شدت 6.2ریکارڈ کی گئی، زلزلے کی گہرائی 35کلو میٹر جبکہ مرکز صوبے لانزو کے دارالحکومت سے 102کلو میٹر دور جنوب مغرب تھا،متعدد شہری زلزلے کے بعد گرنے والی عمارتوں کے نیچے دب گئے جس کی وجہ سے ہلاکتوں میں مزید اضافے کا خدشہ ظاہر کیا جا رہا ہے، زلزلے کے بعد متاثرہ علاقوں کے ہسپتالوں میں ایمرجنسی نافذ کر دی گئی، رات کی وجہ سے ریسکیو آپریشن میں مشکلات کا سامنا کرنا پڑ رہا ہے،چین کی حکومت کی جانب سے ڈیزاسٹر ریلیف ایمرجنسی کو فعال کر دیا گیا ہے اور ریسکیو کارروائیاں تیز کردی گئی ہیں، زلزلے کے اثرات کا جائزہ لینے اور مقامی امدادی کارروائیوں کے لیے رہنمائی فراہم کرنے کے لیے ایک ورک ٹیم کو متاثرہ علاقوں میں روانہ کر دیا گیا ہے،زلزلے سے زخمی ہونے والے افراد کو طبی امداد کے لیے اسپتال منتقل کردیا گیا ہے۔

کریڈٹ: انڈیپنڈنٹ نیوز پاکستان-آئی این پی

پیٹرولیم مصنوعات کی قیمتوں میں کمی کے باوجود عوام ابھی تک ریلیف سے محروم ہیں، اشیا خورو نوش کی قیمتوں میں کمی نہ ہو سکی۔ ماش کی دال کے نرخوں نے تمام ریکارڈ توڑ دیے، فی کلو قیمت میں تیس روپے اضافہ ہو گیا اس طرح قیمت 530 روپے کلو ہوگئی۔ سرخ لوبیا کی قیمت میں بیس روپے اضافہ سے فی کلو قیمت 420 روپے ہو گئی دیگر دالو ں کی قیمت میں بھی کمی نہ ہو سکی، چینی بھی مزید مہنگی ہو گئی۔

کریڈٹ: انڈیپنڈنٹ نیوز پاکستان-آئی این پی

ڈسٹرکٹ اینڈ سیشن کورٹس اسلام آباد میں کمسن ملازمہ رضوانہ تشدد کیس کی سماعت 13 جنوری تک ملتوی کردی گئی۔ ڈسٹرکٹ اینڈ سیشن کورٹس اسلام آباد میں کمسن رضوانہ تشدد کیس کی سماعت ہوئی،۔ملزمہ ثومیہ عاصم عدالت میں پیش ہو گئی،جبکہ سی سی ٹی وی فوٹیجز کی فرانزک رپورٹ عدالت میں جمع نہیں کرائی جاسکی۔ سی سی ٹی وی سے متعلق درخواست پر پراسیکیوشن سے13جنوری کو دلائل طلب کر لیے گئے،سی ڈی آر فراہم کرنیکی درخواست پردلائل بھی اگلی سماعت پر ہوں گے ۔ملزمہ ثومیہ عاصم نے 2 سی سی ٹی وی فوٹیجز اور سی ڈی آر کی فراہمی کیلئے درخواستیں دائر کی تھی۔

کریڈٹ: انڈیپنڈنٹ نیوز پاکستان-آئی این پی

ڈار برادران کے گھر پولیس نے چھاپہ مارا اور ڈار برادران کی والدہ کا ویڈیو بیان بھی سامنے آ گیا، ویڈیو میں عثمان ڈار کی والدہ کا گریبان پھٹا ہوا ہے۔ عمر ڈار نے کہا کہ آج پھر میری بوڑھی والدہ کے ساتھ بدتمیزی کی انتہا کر دی گئی۔ والدہ عثمان ڈار نے کہا کہ خواجہ آصف کے ایما پر میرے گھر پر چھاپہ مارا گیا، میرے ساتھ بد سلوکی کی انتہا کر دی گئی، میرا گریبان پھاڑ کر مجھے زدو کوب کیا گیا، گھر میں موجود خواتین کے کپڑے پھاڑے گئے، یہ سب کچھ خواجہ آصف کی ایما پر ہوا، یہ سب کچھ مجھے الیکشن لڑنے سے روکنے کیلئے کیا گیا، میں ہر صورت الیکشن لڑوں گی، یہ میرے دل کا فیصلہ ہے۔ انہوں نے کہا کہ چیف جسٹس صاحب میں بطور والدہ آپ سے انصاف چاہتی ہوں، مجھے انصاف دیں، میرا گھر بلڈوزر سے بھی گرا دیں تب بھی خواجہ آصف کا مقابلہ کروں گی، ہتھ کڑیاں لگا دیں چاہے جیل بھیج دیں ، ہر صورت الیکشن لڑوں گی۔

کریڈٹ: انڈیپنڈنٹ نیوز پاکستان-آئی این پی

عام انتخابات 2024 کے لیے انتخابی عمل کا باقاعدہ آغاز ہوگیا ،کاغذات نامزدگی اجرا کے حوالے سے ریٹرننگ افسران نے پبلک نوٹس جاری کردیے۔ الیکشن کمیشن کی طرف سے جاری انتخابی شڈول پر عملدرآمد شروع ہوگیا ، قومی اور صوبائی اسمبلیوں کے لیے کاغذات نامزدگی ریٹرننگ آفیسر سے آج ہی حاصل کیے جاسکتے ہیں ۔ قومی اور صوبائی اسمبلیوں میں خواتین اور اقلیتوں کی مخصوص نشستوں کیامیدواران کے کاغذات نامزدگی کا اجرا بھی آج سے شروع ہوگیا۔ ترجمان الیکشن کمیشن کے مطابق کاغذات نامزدگی جمع کرانے کی تاریخ 20 تا 22 دسمبر ہے، کاغذات نامزدگی کی جانچ پڑتال 24 تا 30 دسمبر ہوگی اور اعتراضات 3 جنوری تک دائر کیے جا سکیں گے جب کہ کاغذات نامزدگی کے خلاف اپیلیں 10 جنوری تک سنی جائیں گی۔ ترجمان کے مطابق امیدواروں کی نظر ثانی شدہ فہرست 11 جنوری 2024 کو جاری کی جائے گی، 13 جنوری کو امیدواروں کو انتخابی نشان الاٹ کیے جائیں گے۔ ترجمان الیکشن کمیشن کے مطابق مخصوص نشستوں کیامیدواران کاغذات نامزدگی متعلقہ ریٹرننگ آفیسروں اور ڈسٹرکٹ الیکشن کمیشن سے سو روپے فیس ادا کر حاصل کرسکتے ہیں۔

کریڈٹ: انڈیپنڈنٹ نیوز پاکستان-آئی این پی

چین میں پاکستان کے سفیر خلیل الرحمن ہاشمی نے کہا ہے کہ ہم چین پاکستان اقتصادی راہداری کے دوسرے مرحلے میں داخل ہو چکے ہیں، ہماری توجہ چین اور پاکستان کے درمیان بی ٹو بی تعاون، سرمایہ کاری اور ٹیکنالوجی کی منتقلی پر زیادہ ہے، یہ دونوں ممالک کے رہنماوں کے وژن کے عین مطابق ہے، پاکستان میں سرمایہ کاروں اور مشترکہ منصوبوں کو سہولت فراہم کرنے کے لئے کوششیں تیز کردی ہیں ۔ چائنہ اکنامک نیٹکے مطابق بیجنگ میں پاکستانی سفارتخانے میں سرمایہ کاری کے مواقع سے متعلق پاک چین ایکسچینج کانفرنس کا انعقاد کیا گیا جس کا مقصد انجینئرنگ کی تعمیر، کاربن نیوٹرلٹی، نئی توانائی، کان کنی اور دیگر شعبوں میں تعاون کو مضبوط بنانا ہے۔ "نئے مواقع، نئے تعاون اور نئی ترقی" کے موضوع کے ساتھ، توقع ہے کہ یہ کانفرنس تعاون کی اعلی سطح پیش کرے گی۔چائنہ اکنامک نیٹ کے مطابق چین میں پاکستان کے سفیر خلیل الرحمن ہاشمی نے کانفرنس سے خطاب کرتے ہوئے کہا کہ وہ سمجھتے ہیں کہ انجینئرنگ، تعمیرات، کاربن کی غیر جانبداری، نئی توانائی، توانائی ذخیرہ کرنے، کان کنی کی ترقی، ماحول دوست اور پائیدار ترقی اور دیگر شعبوں میں دونوں ممالک کے درمیان مستقبل کے تعاون کی کلید ہوگی۔ انہوں نے کہا کہ اب ہم چین پاکستان اقتصادی راہداری کے دوسرے مرحلے میں داخل ہو چکے ہیں، ہماری توجہ چین اور پاکستان کے درمیان بی ٹو بی تعاون، سرمایہ کاری اور ٹیکنالوجی کی منتقلی پر زیادہ ہے جو دونوں ممالک کے رہنماں کے وژن کے عین مطابق ہے۔ چائنہ اکنامک نیٹ کے مطابق انہوں نے مزید کہا کہ حکومت پاکستان نے پاکستان میں سرمایہ کاروں اور مشترکہ منصوبوں کو سہولت فراہم کرنے کے لئے کوششیں تیز کردی ہیں۔

اس مقصد کے لئے حکومت نے خصوصی سرمایہ کاری سہولت کمیٹی (ایس آئی ایف سی) قائم کی ہے تاکہ غیر ملکی سرمایہ کاروں اور تاجروں کو "سنگل ونڈو" سہولیات فراہم کی جا سکیں۔ وزیر اعظم پاکستان خود ایس آئی ایف سی سپریم کونسل کے سربراہ ہیں۔ کان کنی اور توانائی ، خاص طور پر قابل تجدید توانائی ، ایس آئی ایف سی کے لئے ترجیحی علاقے ہیں۔ چائنہ اکنامک نیٹ کے مطابق بیجنگ میں پاکستانی سفارتخانے کے کمرشل کونسلر غلام قادر نے پاکستان میں سرمایہ کاری کے لیے پالیسیاں اور مراعات متعارف کروائیں۔ انہوں نے کہا، "ہم مختلف شعبوں میں چینی سرمایہ کاری کے خواہاں ہیں، خاص طور پر ایسی صنعتیں جو چین سے پاکستان منتقل ہو رہی ہیں جہاں ہم دنیا کو ویلیو ایڈڈ مصنوعات برآمد کر سکتے ہیں۔ چائنہ اکنامک نیٹ کے مطابق انہوں نے چینی تاجروں کو 18 سے 20 جنوری 2024 تک لاہور میں منعقد ہونے والی تیسری پاکستان انجینئرنگ اینڈ ہیلتھ کیئر ایکسپو میں شرکت کی دعوت دی۔ اس ایونٹ میں پاکستان سے تعلق رکھنے والی متعدد کمپنیاں اور نمائش کنندگان شرکت کریں گے اور بی ٹو بی اجلاس منعقد ہوں گے۔ توقع ہے کہ ایکسپو سے پاک چین تعاون میں مزید کامیابیوں کی راہ ہموار ہوگی۔ چائنہ اکنامک نیٹ کے مطابق چائنا ایسوسی ایشن آف انٹرنیشنل انجینئرنگ کنسلٹنٹس کے وائس سیکرٹری جنرل لو چانگ نے کہا کہ گزشتہ دہائی کے دوران سی پیک نے روزگار کی فراہمی اور اعلی معیار کی پائیدار ترقی میں نتیجہ خیز نتائج حاصل کیے ہیں۔ انہوں نے یہ بھی کہا کہ وہ اس ہیلتھ کیئر ایکسپو میں شرکت کے لئے پاکستان جانے کے لئے تیار ہیں اور پاکستانی کاروباری اداروں کے ساتھ مل کر کام کرنے کے لئے تیار ہیں۔

کریڈٹ: انڈیپنڈنٹ نیوز پاکستان-آئی این پی

الیکشن کمیشن آف پاکستان (ای سی پی )نے کاغذات نامزدگی سے متعلق امیدواروں کی سہولت کیلئے کا ہدایت نامہ جاری کردیا۔ اعلامیے کے مطابق کاغذات نامزدگی 20 تا 22 دسمبر تک جمع کروائے جاسکتے ہیں، کاغذات نامزدگی کا فارم حاصل کرنے کی فیس 100 روپے مقررہے۔ ایک امیدوارمختلف تجویزاورتائید کنندگان کیساتھ زیادہ سیزیادہ 5 کاغذات نامزدگی جمع کراسکتا ہے۔ قومی اسمبلی کی نشست کے امیدوار کے لیے فیس 30 ہزار روپے جبکہ صوبائی اسمبلی کی نشست کیامیدوار کے لیے فیس 20 ہزار روپے جو ناقابل واپسی ہے، امیدوار گزشتہ تین سال کا انکم ٹیکس ریٹرن کاغذات نامزگی کے ساتھ منسلک کرے گا۔ امیدوار کیلئے بنیادی اہلیت میں پاکستان کا شہری اورعمر25 سال سے کم نہ ہو، قومی اسمبلی کی نشست کیلئے امیدوار کا پاکستان میں کسی بھی جگہ کا ووٹرہونا جبکہ صوبائی اسمبلی کی نشست کے لییامیدوارکا متعلقہ صوبیکا ووٹرہونا ضروری ہے۔ کاغذات نامزدگی کے ساتھ امیدوارتجویز کنندہ و تائید کنندہ کے شناختی کارڈ کی مصدقہ نقول اور ووٹ سرٹیفیکیٹ بھی لازمی ہے جبکہ امیدوار کی جانب سے پاسپورٹ کی مکمل نقل کاغذات نامزگی کے ساتھ منسلک کی جائے گی۔ امیدوار کی جانب سے کاغذات نامزدگی کی فیس براہ راست ریٹرننگ آفیسر یا بذریعہ بینک ڈرافٹ جمع کروائے گا۔ قومی اسمبلی کے لیے خواتین کی مخصوص نشستوں کے لیے امید وار کا متعلقہ صوبے کا ووٹر ہونا لازمی ہے، امیدوار آرٹیکلز 62 اور 63 پر پورا نہ اترنے کی صورت میں نااہل ہوگا، جنرل نشستوں کے امیدوار کے تجویز و تائید کنندہ کا متعلقہ حلقے کا ووٹر ہونا لازم ہے۔ قومی و صوبائی اسمبلی کی خواتین اور غیر مسلم نشستوں کے تجویز اور تائید کنندگان کا متعلقہ صوبے کا ووٹر ہونا لازم ہے، اسمبلی کے لیے غیر مسلم نشستوں کے لیے امیدوار کے تجویز و تائید کنند و پاکستان کے کسی بھی حصے کے ووٹر ہو سکتے۔

کریڈٹ: انڈیپنڈنٹ نیوز پاکستان-آئی این پی

اسلام آباد ڈسٹرکٹ کورٹ نے سابق چیئرمین پی ٹی آئی کی 6 مقدمات میں ضمانت کی درخواستوں پر سماعت 2 جنوری کردی ملتوی کردی گئی۔ اسلام آبادڈسٹرکٹ کورٹ میں ایڈیشنل ڈسٹرکٹ اینڈ سیشن جج طاہر عباس سپرا نے سماعت کی،بیرسٹر سلمان صفدر کیمعاون وکیل سردار مصروف خان عدالت میں پیش ہوئے۔ معاون وکیل نیدوران سماعت عدالت میں پیش ہوکر کہا سلمان صفدرلاہور میں مصروف ہیں،پیش نہیں ہوسکے،سابق چیئرمین پی ٹی آئی کے خلاف مقدمات کا ریکارڈ عدالت میں جمع کرادیا گیا۔ خیال رہے کہ عدالت نے پولیس سے مقدمات کا ریکارڈ طلب کیا تھا،بعدازاں عدالت نے سماعت 2 جنوری تک ملتوی کردی۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے وفاقی تحقیقاتی ایجنسی (ایف آئی اے)کو منی لانڈرنگ کیس میں فیشن ڈیزائنر اور پی ٹی آئی کارکن خدیجہ شاہ کیخلاف کارروائی سے روک دیا۔ تفصیلات کے مطابق لاہور ہائیکورٹ میں خدیجہ شاہ کی ایف آئی اے منی لانڈرنگ انکوائری کیخلاف درخواست پرسماعت ہوئی، جسٹس علی باقر نجفی نے خدیجہ شاہ کی درخواست پر سماعت کی۔ عدالت نے ایف آئی اے کو خدیجہ شاہ کیخلاف تادیبی کارروائی سے روک دیا۔ دوران سماعت وکیل نے عدالت کو بتایا کہ وفاقی تحقیقاتی ایجنسی (ایف آئی اے) کو اس حوالے سے کوئی شکایت موصول نہیں ہوئی، یہ کوئی ایف آئی آر نہیں ہے انکوائری ہے، یہ ایک سوموٹو انکوائری ہے، کوئی بھی انکوائری کسی معلومات کی بنیاد پر ہوتی ہے مگر اس انکوائری میں 5 ایسی چیزیں ہیں جو روٹین سے ہٹ کر ہیں۔ وکیل سمیر کھوسہ نے کہا کہ خدیجہ شاہ کو4مقدمات میں ضمانت ملی، پھر ایم پی او میں گرفتار کرلیا گیا، ہماری درخواست ہے کہ آپ اس انکوائری پر وقتی طور پر اسٹے دے دیں، فریقین کوخدیجہ شاہ کی دوبارہ حراست سے روکا جائے، عدالت نے درخواست گزار کی استدعا منظور کرلی جبکہ جبکہ کیس کی سماعت 22 دسمبرتک ملتوی کردی۔

کریڈٹ: انڈیپنڈنٹ نیوز پاکستان-آئی این پی

سپریم کورٹ کی جانب سے حلقہ بندی سے متعلق کیس میں انتخابات تاخیر سے کرنے کی ایک اور درخواست مسترد کردی گئی۔ منگل کے روز سپریم کورٹ کے قائم مقام چیف جسٹس سردار طارق مسعود کی سربراہی میں جسٹس منصور علی شاہ اور جسٹس اطہر من اللہ پر مشتمل تین رکنی بنچ نے درخواستگزار امیر خان کی درخواست پر سماعت کی جس میں انتخابی حلقہ بندی پر اعتراضات اٹھائے گے تھے۔ درخواستگزار نے بلوچستان ہای کورٹ فیصلے کیخلاف سپریم کورٹ رجوع کیا تھا۔ دوران سماعت قائم مقام چیف جسٹس نے ریمارکس دیئے کہ عام انتخابات کی تاریخ آنے سے ملک میں تھوڑا استحکام آیا ہے، کیا آپ ملک میں استحکام نہیں چاہتے؟ عام انتخابات کی تاریخ آنا کوی معمولی بات نہیں ہے۔ وکیل درخواستگراز نے موقف اختیار کیا کہ انتخابی حلقہ بندی کے حوالے سے غلط فیصلہ کیا گیا۔ جسٹس منصور علی شاہ نے ریمارکس دیئے کہ الیکشن پروگرام جاری ہو چکا اب کچھ نہیں ہو سکتا، انفرادی درخواستوں پر فیصلہ دینے لگ گے تو الیکشن عمل متاثر ہوگا، ایسی درخواستوں پر عام انتخابات کیلے8 فروری کی تاریخ ڈسٹرب نہیں کریں گے۔ جسٹس منصور علی شاہ نے وکیل سے مکالمہ کیا کہ اگرآپ انتخابات وقت پر نہیں چاہتے توعدالت میں بیان دیں، الیکشن کو کسی صورت ڈی ریل نہیں ہونے دیں گے۔ جسٹس اطہر من اللہ نے ریمارکس دیئے کہ انتخابات میں کوی تاخیر نہیں ہونی چاہیے، کسی کو الیکشن تاخیر کا شکار کرنے کی اجازت نہیں دیں گے۔ بعدازاں، سپریم کورٹ نے بلوچستان کے حلقہ پی پی 12میں حلقہ بندی سے متعلق نظرثانی درخواست خارج کر دی۔

کریڈٹ: انڈیپنڈنٹ نیوز پاکستان-آئی این پی

کوپ28 میں طے پانے والے معاہدے کیلئے مالی اعانت کا مسئلہ تنازعہ کا موضوع بن گیا، ، ترقی پذیر ممالک کو موسمیاتی تبدیلی کے اثرات سے نمٹنے کے لئے کھربوں ڈالر کی ضرورت ہے، ترقی پذیر ممالک توانائی، آمدنی اور ملازمتوں کے لئے جیواشم ایندھن پر منحصر ہیں،ترقی یافتہ اور ترقی پذیر ممالک کے درمیان تقسیم بدستور برقرار ہے، درمیانی آمدنی والے ممالک فوسل ایندھن کے مرحلہ وار خاتمے کے معاشی مضمرات کو اجاگر کر رہے ہیں۔گوادر پرو کے مطابق حال ہی میں اختتام پذیر ہونے والے کوپ28 میں ایک تاریخی معاہدہ دیکھا گیا ، جس کا نام متحدہ عرب امارات اتفاق رائے تھا ، جس کا مقصد فوسل ایندھن کو مرحلہ وار ختم کرنا اور 2050 تک خالص صفر کاربن مستقبل میں منتقلی کو تیز کرنا تھا۔ اگرچہ جیواشم ایندھن کے دور کے "اختتام کا آغاز" کے طور پر سراہا جاتا ہے ، لیکن اس معاہدے کو خاص طور پر ترقی پذیر معیشتوں کے لئے منصفانہ اور منصفانہ منتقلی کی مالی اعانت میں چیلنجوں کا سامنا ہے ۔ گوادر پرو کے مطابق کوپ 28 پر طے پانے والے متحدہ عرب امارات کے اتفاق رائے میں جیواشم ایندھن سے دور منتقلی کے لئے پرجوش اہداف مقرر کیے گئے ہیں۔ اس معاہدے میں 2030 تک تین گنا قابل تجدید توانائی اور توانائی کی کارکردگی کو دوگنا کرنے کا عزم شامل ہے، جو گلوبل وارمنگ کو 1.5 ڈگری سینٹی گریڈ تک محدود کرنے کے پیرس معاہدے کے ہدف کو حاصل کرنے کی طرف ایک اہم قدم ہے۔ تاہم، ان وعدوں کے بارے میں عزم کو اقوام متحدہ کی 2023 کی اخراج گیپ رپورٹ کے سنجیدہ نتائج سے تقویت ملتی ہے۔ یہ رپورٹ ایک واضح یاد دہانی کے طور پر کام کرتی ہے کہ ، متحدہ عرب امارات کے اتفاق رائے میں بیان کردہ قابل ستائش اہداف کے باوجود ، اخراج کے موجودہ راستے اور عالمی آب و ہوا کے اہداف کو پورا کرنے کے لئے ضروری کمی کے درمیان ایک اہم فرق موجود ہے۔

رپورٹ میں جو خلا اجاگر کیا گیا ہے وہ موجودہ وعدوں کی تاثیر کے بارے میں جائز خدشات کو جنم دیتا ہے اور اس بات کی نشاندہی کرتا ہے کہ ممالک نہ صرف اپنے بیان کردہ مقاصد کو پورا کریں بلکہ ان سے تجاوز کریں۔ گوادر پرو کے مطابق اگرچہ متحدہ عرب امارات کا اتفاق رائے آگے بڑھنے کا راستہ بتاتا ہے ، لیکن منتقلی کی مالی اعانت کا مسئلہ تنازعہ کا موضوع بنا ہوا ہے۔ ترقی پذیر ممالک، جو اب بھی توانائی، آمدنی اور ملازمتوں کے لئے جیواشم ایندھن پر منحصر ہیں، مضبوط مالی گارنٹی کے بغیر منتقلی کی اپنی صلاحیت کے بارے میں غیر یقینی صورتحال کا اظہار کرتے ہیں. ترقی یافتہ اور ترقی پذیر ممالک کے درمیان تقسیم بدستور برقرار ہے، درمیانی آمدنی والے ممالک فوسل ایندھن کے مرحلہ وار خاتمے کے معاشی مضمرات کو اجاگر کر رہے ہیں۔ یہ خاص طور پر آب و ہوا کے مذاکرات میں واضح تھا ، جہاں کریڈٹ میں کمی اور سبز توانائی کی طرف منتقلی کے لئے بڑھتے ہوئے اخراجات کے بارے میں خدشات اٹھائے گئے تھے۔ گوادر پرو کے مطابق کوپ 28 میں مرکزی مباحثوں میں سے ایک تاریخی طور پر سب سے زیادہ اخراج کرنے والے ممالک کی ذمہ داری کے گرد گھومتا ہے کہ وہ جیواشم ایندھن سے دور منتقلی میں ترقی پذیر ممالک کی مالی مدد کریں۔ ترقی پذیر ممالک نے غربت کے خاتمے اور پائیدار ترقی کے وسیع تر مقاصد کا حوالہ دیتے ہوئے ٹھوس وعدوں کی ضرورت پر زور دیا۔ خاطر خواہ مالی امداد کی عدم موجودگی نے غریب ممالک پر بوجھ ڈالنے کے بارے میں خدشات کو جنم دیا جبکہ امیر معیشتوں کو کم پرعزم اہداف برقرار رکھنے کی اجازت دی۔ گوادر پرو کے مطابق امیر ممالک خاص طور پر امریکہ کا دوغلا پن اس سربراہی اجلاس کا بار بار موضوع تھا۔ جیواشم ایندھن کے مرحلہ وار خاتمے کی وکالت کرنے کے باوجود ، آسٹریلیا ، کینیڈا ، ناروے اور برطانیہ کے ساتھ ریاستہائے متحدہ امریکہ کو تیل اور گیس کی تلاش میں اہم شراکت داروں کے طور پر شناخت کیا گیا ہے۔ یہ عدم اتفاق ترقی یافتہ ممالک کو ان کے اخراج کے لئے جوابدہ بنانے کے چیلنجوں کی نشاندہی کرتا ہے۔ گوادر پرو کے مطابق اگرچہ کوپ 28 کے دوران کچھ مالی وعدے کیے گئے تھے ، لیکن وہ تخمینہ ضروریات سے کافی کم ہیں۔ مجموعی طور پر 57 ارب ڈالر سے زائد کے وعدوں کا اعلان کیا گیا، جن میں نقصانات اور نقصانات فنڈ، گرین کلائمیٹ فنانس، صحت، فطرت پر مبنی حل، قابل تجدید توانائی، ریلیف ریکوری، امن، میتھین کے اخراج میں کمی، صاف توانائی مینوفیکچرنگ اور شہری آب و ہوا کے اقدامات جیسے شعبوں کا احاطہ کیا گیا۔ تاہم، یہ وعدے ناکافی ہیں، ترقی پذیر ممالک کو موسمیاتی تبدیلی کے اثرات سے نمٹنے کے لئے کھربوں ڈالر کی ضرورت ہے.

گوادر پرو کے مطابق متحدہ عرب امارات کے بینکاری شعبے کی جانب سے 2030 تک گرین فنانس قرضوں میں 270 ارب ڈالر کی تعیناتی کا وعدہ پائیدار ترقی کو فروغ دینے کی جانب ایک قابل ستائش اور مثبت پیش رفت ہے۔ یہ مالیاتی اقدام نہ صرف بینکاری کے شعبے کو ماحولیاتی چیلنجوں سے نمٹنے کی فوری ضرورت کو تسلیم کرنے کا اشارہ دیتا ہے بلکہ کم کاربن والی معیشت میں منتقلی کو آسان بنانے میں اس کے کردار کو بھی اجاگر کرتا ہے۔ گرین فنانس کے لئے اتنی بڑی رقم مختص کرکے ، متحدہ عرب امارات کا بینکاری شعبہ ماحولیاتی استحکام اور آب و ہوا کی لچک میں کردار ادا کرنے والے منصوبوں اور اقدامات کی مالی اعانت میں اہم کردار ادا کرنے کے لئے تیار ہے۔ گوادر پرو کے مطابق اس کے ساتھ ساتھ عرب کوآرڈینیشن گروپ کی جانب سے توانائی کی منتقلی میں مدد کے لیے 10 ارب ڈالر کا وعدہ توانائی کے صاف ذرائع کی جانب منتقلی سے پیدا ہونے والے اہم چیلنجز سے نمٹنے کے لیے عرب ممالک کے درمیان مشترکہ کوششوں کی عکاسی کرتا ہے۔ یہ عزم آب و ہوا کی تبدیلی کو کم کرنے اور قابل تجدید توانائی کی ٹیکنالوجی کو اپنانے کو فروغ دینے میں علاقائی تعاون کا ثبوت ہے۔ توانائی کی منتقلی کے منصوبوں میں مالی انجکشن جدت طرازی کو فروغ دے سکتا ہے، روزگار کے مواقع پیدا کرسکتا ہے، اور ایک مضبوط سبز معیشت کی ترقی میں حصہ ڈال سکتا ہے. گوادر پرو کے مطابق تاہم، ان مالی وعدوں کے ذریعہ مقرر کردہ قابل ستائش اہداف کے ساتھ ایک سنجیدہ حقیقت بھی ہے۔ 2030 سے پہلے کی مدت کے لئے مالی ضروریات، جو مثر آب و ہوا کے اقدامات کو نافذ کرنے کے لئے اہم ہیں، کافی ہیں. اگرچہ قرضے اور سرمایہ کاری اس طرح کے اقدامات کی مالی اعانت کے لازمی اجزا ہیں ، لیکن گرانٹ کے برعکس ان میکانزم پر انحصار ترقی پذیر ممالک کے لئے چیلنجز پیش کرتا ہے۔ قرضے اکثر ادائیگی کی ذمہ داریوں کے ساتھ آتے ہیں ، ممکنہ طور پر محدود مالی وسائل کے ساتھ ممالک پر بوجھ ڈالتے ہیں اور دیگر ضروری شعبوں پر سمجھوتہ کیے بغیر پائیدار ترقی میں سرمایہ کاری کرنے کی ان کی صلاحیت میں رکاوٹ ڈالتے ہیں۔ گوادر پرو کے مطابق آخر میں ، کوپ 28 نے متحدہ عرب امارات کے اتفاق رائے کے ساتھ پیش رفت کی ہے ، جو فوسل ایندھن کو مرحلہ وار ختم کرنے کے اجتماعی عزم کا اشارہ ہے۔ تاہم، ترقی یافتہ اور ترقی پذیر ممالک کے درمیان مالی چیلنجز اور عدم مساوات برقرار ہے، جس کے لئے پائیدار، کم کاربن مستقبل کی طرف منصفانہ اور مثر منتقلی کو یقینی بنانے کے لئے فوری توجہ اور تعاون کی ضرورت ہے. سی او پی 28 میں کیے گئے فیصلے بلاشبہ آنے والے اہم سالوں میں عالمی موسمیاتی اقدامات کے راستے پر اثر انداز ہوں گے۔

کریڈٹ: انڈیپنڈنٹ نیوز پاکستان-آئی این پی

سپریم کورٹ آف پاکستان کے ایڈہاک جج محمد الغزالی انتقال کر گئے۔ ایڈہاک جج محمد الغزالی سپریم کورٹ کے شریعت اپیلٹ بینچ کے رکن تھے۔

کریڈٹ: انڈیپنڈنٹ نیوز پاکستان-آئی این پی

پنجاب حکومت نے متحدہ عرب امارات کو ہائی پروٹین چارہ ایکسپورٹ کرنے کا فیصلہ کیا ہے۔ نگران وزیراعلی پنجاب محسن نقوی کی زیر صدارت خصوصی اجلاس ہوا جس میں لائیوسٹاک ڈویلپمنٹ کے لئے ہائی پروٹین "الفا الفا" چارے کی کاشت بڑھانے کے لیے اقدامات کی منظور ی دی گئی ہائی پروٹین چارے کو سائنٹیفک طریقے سے خشک کر کے محفوظ کیا جائیگا۔ اجلاس کے دوران "الفا الفا" چارے کی کاشت کے لیے فارمرز کو بیج مہیا کرنے کے لئے اقدامات پر بھی غور کیا گیا، ڈیری ڈویلپمنٹ کے لئے "بریڈان سیمی نیشن" کے لئے مختلف تجاویز پر بھی غور کیا گیا۔ دوران اجلاس بریفنگ میں بتایا گیا کہ پنجاب میں ڈیزیز فری کمپارٹمنٹ کے قیام کے حوصلہ افزا نتائج سامنے آرہے ہیں، لائیو سٹاک ڈویلپمنٹ کے لئے مقامی سطح پرجدید ٹیکنالوجی اور مہارت کا استعمال ضروری ہے، مقامی فارمز کو ماڈل فارمنگ تکنیک کی طرف راغب کرنا ہوگا۔ اس موقع پر گفتگو کرتے ہوئے وزیراعلی محسن نقوی کا کہنا تھا کہ ہائی پروٹین چارے کی پیداوار بڑھانے کے لئے سرگودھا میں فوڈ ریسرچ سنٹر کو پوری طرح فعال کیا جائے، بیف اور مٹن کی ایکسپورٹ بڑھانے کا بھرپور پوٹینشل استعمال کرنے کی ضرورت ہے، متحدہ عرب امارات کے دورے کے دوران ہائی پروٹین چارے کی ایکسپورٹ پر بات چیت کی گئی۔ صوبائی وزیر ابراہیم حسن مراد، چیئرمین پلاننگ اینڈ ڈویلپمنٹ بورڈ، سیکرٹری زراعت، سیکرٹری وائلڈ لائف، سیکرٹری لائیوسٹاک، سیکرٹری ٹرانسپورٹ اور دیگر حکام اجلاس میں شریک تھے۔

کریڈٹ: انڈیپنڈنٹ نیوز پاکستان-آئی این پی

لاہور کی انسداد دہشت گردی عدالت نے جلاو گھیرا وکے 6 مقدمات میں شاہ محمود قریشی کی عبوری ضمانتیں بحال کرانے کی درخواست خارج کردی۔ انسداد دہشت گردی عدالت کے جج ارشد جاوید نے کیس کی سماعت کی۔ شاہ محمود قریشی کی جانب سے عبوری ضمانتیں بحال کرنے کی استدعا کی گئی، تاہم عدالت نے سابق وزیر خارجہ کے وکیل کی عدم پیروی پر درخواست خارج کر دی۔

کریڈٹ: انڈیپنڈنٹ نیوز پاکستان-آئی این پی

نگران وزیراعظم انوارالحق کاکڑ نے کہا ہے کہ دہشتگردوں کا مقابلہ اس ہی وقت کیا جاسکتا ہے جب ہم اور آپ اکٹھے ہو ںگے۔ نگران وزیراعظم انوارالحق کاکڑ نے کوئٹہ میں ایک تقریب سے خطاب کرتے ہوئے کہا کہ بلوچستان کا اصل خزانہ یہاں کے لوگ اور تہذیب ہیں ، جتنی پرانی بلوچستان کی تہذہب ہے اتنی ہی پرانی ادھر کی زبان کی خوبصورتی ہے۔ انہوں نے کہا کہ ہزارگی زبان میں نشریات شروع کرنے پر دلی خوشی محسوس کررہا ہوں، آج میڈیا کے ذریعے دنیا سمٹ گئی ہے، اس خطے میں پشتو،بلوچی، ہزارگی اورفارسی کی زبانیں موجود ہیں، ہم دیگر ملکی چینلز کے ساتھ تعاون جاری رکھیں گے۔نگران وزیراعظم نے کہاکہ 2008میں یہاں سے قومی اسمبلی کا الیکشن لڑا تھا، وہ الیکشن تو میں ہار گیا لیکن آج ہزارہ برادری کے ساتھ عزم نبھایا ہے، بلوچستان کی اصل پہچان اس کا سلیقہ ہے ، مجھے معلوم ہے ہزارہ کے لوگوں میں کافی ٹیلنٹ ہے۔ انہوں نے کہا کہ ان دہشتگردوں کا مقابلہ اس ہی وقت کیا جاسکتا ہے جب ہم اور آپ اکٹھے ہو نگے، ہم اس دہشتگردی کے خلاف لڑائی لڑ کر فتح یاب ہونگے ، جنگ میں ادب پیدا نہیں ہوسکتا، امن ہوگا تو ہی معاشرہ ترقی کرے گا۔

کریڈٹ: انڈیپنڈنٹ نیوز پاکستان-آئی این پی

شہر قائد میں ڈکیتیوں کی وارداتوں میں کمی نہیں آ رہی۔ گزشتہ روز بھی ڈاکوں نے ڈاکٹر کے گھر پر دھاوا بول دیا اور اہل خانہ کر یرغمال بنا کر لوٹ مار کرکے فرار ہو گئے۔ پولیس کے مطابق گلبرگ کے علاقے میں مکان نمبر B-71 بلاک 10 ایف بی ایریا سے 3 ڈاکو گھر والوں کو یرغمال بنا کر ڈھائی لاکھ روپے نقدی ، 8 طلائی چوڑیاں ، 2 ڈبہ پیک موبائل فون لوٹ کر فرار ہوگئے ۔ ملزمان کے گھر کے قریب آنے ، گھر میں میں داخل ہونے اور واردات کے بعد فرار ہونے کی سی سی ٹی وی فوٹیج بھی وائرل ہوگئی۔

کریڈٹ: انڈیپنڈنٹ نیوز پاکستان-آئی این پی

چینی کے فی کلو نرخوں میں ایک بار پھر اضافہ ہوگیا، فی کلو قیمت 174 روپے تک پہنچ گئی۔ دستاویز کے مطابق ملک بھر میں چینی کی اوسط قیمت 143 روپے سے زائد ریکارڈ کی گئی،ادارہ شماریات کے مطابق ایک ہفتے میں چینی کی فی کلو قیمت 8 روپے تک اضافہ ہوا، گزشتہ سال اسی عرصے میں چینی کی اوسط قیمت 95 روپے 29 پیسے تھی۔ ایک سال میں چینی کی فی کلو اوسط قیمت میں 48 روپے تک کا اضافہ ہوا، کوئٹہ کے عوام پاکستان میں سب سے مہنگی چینی کھانے مجبور ہیں،کوئٹہ میں چینی 174 روپے فی کلو فروخت ہورہی ہے۔ پشاور اور اسلام آباد میں چینی 150 روپے فی کلو دستیاب ہے، راولپنڈی اور لاہور بھی چینی 150 روپے فی کلو دستیاب ہے، سرگودھا، ملتان اور گوجرانوالا میں چینی 145 روپے فی کلو فروخت ہورہی ہے۔ کراچی اور لاڑکانہ میں چینی فی کلو 140 روپے میں فروخت ہو رہی ہے۔

کریڈٹ: انڈیپنڈنٹ نیوز پاکستان-آئی این پی

ڈالر کی قدر میں کمی باوجود نئی موٹرسائیکلوں کی قیمتوں میں اضافے کے زیراثر پرانی موٹرسائیکلوں کی قیمتیں بھی بڑھ گئیں۔ میڈیا رپورٹس کے مطابق قیمتوں میں اضافے کے باعث سیکنڈ ہینڈ بائیکس کی خرید و فروخت کا کاروبار ٹھنڈا پڑ گیا، پرانی بائیکس کی قیمتوں میں بھی 40 فیصد تک اضافہ ہوگیا جس سے خریدار اور دکاندار دونوں ہی پریشان ہیں۔ تاجروں کا کہنا ہے کہ گزشتہ سال 70 سے 75 ہزار روپے میں ملنے والی موٹرسائیکل اب 90 ہزار سے ایک لاکھ تک ہے، موٹرسائیکلوں کی قیمتوں میں اضافے کی وجہ سے کاروبار ٹھپ ہو کر رہ گیا ہے۔

کریڈٹ: انڈیپنڈنٹ نیوز پاکستان-آئی این پی

ملک میں سیمنٹ کی قیمتوں میں ہفتہ وار بنیادوں پر کمی ریکارڈ کی گئی۔ پاکستان بیورو برائے شماریات کی جانب سے جاری کردہ ہفتہ وار رپورٹ کے مطابق گزشتہ ہفتہ کے دوران ملک کے شمالی علاقوں میں سیمنٹ کی فی بوری کی اوسط ریٹیل قیمت 1272 روپے ریکارڈ کی گئی جو پیوستہ ہفتہ کے مقابلہ میں 0.28 فیصد کم ہے۔ پیوستہ ہفتہ میں ملک کے شمالی علاقوں میں سیمنٹ کی فی بوری کی اوسط ریٹیل قیمت 1276 روپے ریکارڈ کی گئی تھی۔ اعداد وشمار کے مطابق گزشتہ ہفتہ کے دوران ملک کے جنوبی علاقوں میں سیمنٹ کی فی بوری کی اوسط ریٹیل قیمت 1189 روپے ریکارڈ کی گئی جو پیوستہ ہفتہ کے مقابلہ میں 0.07 فیصد کم ہے۔ پیوستہ ہفتہ میں ملک کے جنوبی علاقوں میں سیمنٹ کی فی بوری کی اوسط ریٹیل قیمت 1190 روپے ریکارڈ کی گئی تھی۔ اعداد و شمارکے مطابق گزشتہ ہفتہ کے دوران اسلام آباد میں سیمنٹ کی فی بوری کی اوسط ریٹیل قیمت 1250 روپے، راولپنڈی 1223 روپے اور گوجرانوالہ میں 1280 روپے رہی۔ سیالکوٹ 1300 روپے، لاہور 1350 روپے، فیصل آباد 1300 روپے، سرگودھا 1280 روپے، ملتان 1271 روپے، بہالپور 1300 روپے، پشاور 1242 روپے اور بنوں میں 1200 روپے ریکارڈ کی گئی۔ دوسری جانب کراچی میں سیمنٹ کی فی بوری کی اوسط ریٹیل قیمت 1157 روپے، حیدرآباد 1180 روپے، سکھر 1250 روپے، لاڑکانہ 1173 روپے، کوئٹہ 1205 روپے، اور خضدار میں 1170 روپے ریکارڈ کی گئی۔

کریڈٹ: انڈیپنڈنٹ نیوز پاکستان-آئی این پی

سابق وزیراعظم شاہد خاقان عباسی نے کہا ہے کہ نہ ہی نواز شریف نے رابطہ کیا اور نہ ضرورت ہے۔ جوڈیشل کمپلیکس اسلام آباد کے باہر میڈیا سے بات چیت کرتے ہوئے شاہد خاقان عباسی کا کہنا تھا کہ جس لیول پلیئنگ فیلڈ سے پی ٹی آئی آئی تھی، آج بھی وہی حالات ہیں۔ چیف جسٹس، چیف الیکشن کمشنر اور وزیراعظم کہہ رہے ہیں الیکشن ہوں گے، کیا لوگوں کو یقین نہیں ہے کہ الیکشن ہوں گے؟ ان کا کہنا تھا کہ اس نظام کے ساتھ ملک نہیں چلے گا۔ ان کا کہنا تھا کہ میرے خلاف کیس کو 4سال ہوگئے ہیں، پانچواں شروع ہوگیا ہے، ایک کیس پہلے بنا تھا وہ بھی ختم ہوگیا یہ بھی ہو جائے گا۔

کریڈٹ: انڈیپنڈنٹ نیوز پاکستان-آئی این پی

آزاد جموں و کشمیر میں حالیہ بارش اور برفباری کے بعد موسم انتہائی سرد ہو گیا جس سے معمولات زندگی بھی شدید متاثر ہو گئے۔ وادی نیلم کے بالائی علاقوں میں پارہ نقطہ انجماد سے گر گیا ہے جبکہ آزاد کشمیر کے دارالحکومت مظفر آباد سمیت شمالی اور وسطی علاقوں میں بارش اور پہاڑوں پر برف باری کا سلسلہ جاری ہے۔ آزاد کشمیر کی وادی لیپا، وادی نیلم، باغ، راولا کوٹ اور حویلی کے بالائی علاقوں میں برف باری کے باعث متعدد شاہراہیں بند ہو گئیں۔ ایس ڈی ایم اے کے مطابق برف جمع ہونے کے باعث بالائی نیلم شاہراہ شاردہ سے تاو بٹ کیل سے بند جبکہ ہٹیاں سے وادی لیپا شاہراہ ریشیاں کے مقام سے بند ہے۔

کریڈٹ: انڈیپنڈنٹ نیوز پاکستان-آئی این پی

ملک کے مختلف شہروں میں غیرقانونی افغان باشندوں کی وطن واپسی کا سلسلہ بدستور جاری ۔ اعداد وشمار کے مطابق 18 دسمبر کو مزید ایک ہزار 586 افغان باشندے اپنے ملک چلے گئے، وطن لوٹنے والے افغان شہریوں میں 365 مرد، 298 خواتین اور 923 بچے شامل تھے۔ یاد رہے کہ حکومت پاکستان کے اعلان سے قبل بھی غیر قانونی افغان باشندوں کی کثیر تعداد گرفتاری کے ڈر سے پاکستان سے واپس افغانستان جاتی رہی ہے تاہم اعداد وشمار کے مطابق 18 دسمبر تک مجموعی طور پر 4 لاکھ 38 ہزار 376 افغان باشندے ملک واپس لوٹ گئے ہیں۔ واضح رہے کہ ملک بھر کی طرح کراچی میں بھی غیر قانونی طور پر مقیم افراد کی بڑی تعداد موجود تھی، غیر قانونی غیر ملکیوں کی وجہ سے کراچی میں سمگلنگ اور بھتہ خوری بہت عام تھی۔

کریڈٹ: انڈیپنڈنٹ نیوز پاکستان-آئی این پی

پاکستانی روپے کے مقابلے انٹر بینک میں ڈالر کی قدر میں مسلسل کمی کا رجحان برقرار ۔ کرنسی ڈیلرز کے مطابق کاروباری ہفتے کے دوسرے روز انٹربینک میں ڈالر کی قدر میں مزید 16 پیسے کی کمی ہوگی، جس سے انٹر بینک مارکیٹ میں امریکی ڈالر 283 روپے 5 پیسے پرآگیا۔ یاد رہے کہ زرمبادلہ مارکیٹ میں روپیہ آہستہ آہستہ مضبوط ہو رہا ہے، اور روپے کی قدر میں بتدریج اضافہ ہونے لگا ہے، گزشتہ ایک ہفتے کے دوران بھی انٹر بینک میں ڈالر 60 پیسے سستا ہوا تھا۔

کریڈٹ: انڈیپنڈنٹ نیوز پاکستان-آئی این پی

امریکا نے کہا ہے کہ پاکستان کیساتھ علاقائی سلامتی، دفاعی تعاون پر شراکت کے منتظر ہیں، پاکستان میں آزاد اور منصفانہ الیکشن کی حمایت جاری رکھیں گے۔ امریکی دفتر خارجہ کے ترجمان میتھیو ملر نے پریس بریفنگ میں کہا ہے کہ پاکستان امریکا کا ایک بڑا غیر نیٹو اتحادی اور شراکت دار ہے، پاکستانی آرمی چیف نے امریکا کے فوجی اور سیاسی رہنماں سے ملاقاتیں کیں جن میں پاکستان سے دفاعی تعاون اور علاقائی سلامتی پر بات چیت ہوئی۔ میتھیو ملر نے کہا کہ ہم پاکستانی سیاسی جماعتوں سے متعلق کوئی پوزیشن نہیں لیتے، ہم تمام سیاسی رہنماں کے ساتھ بات کرتے ہیں جو پاکستانی عوام منتخب کرتے ہیں، پاکستان میں آزادانہ اور منصفانہ انتخابات کی حمایت جاری رکھیں گے، ہماری دو طرفہ بات چیت جاری رہتی ہے۔

کریڈٹ: انڈیپنڈنٹ نیوز پاکستان-آئی این پی

آرمی چیف جنرل سید عاصم منیر نے کمانڈر یو ایس سینٹرل کمانڈ جنرل مائیکل ایرک سے ملاقات کی ہے۔ پاک فوج کے شعبہ تعلقات عامہ(آئی ایس پی آر ) کی جانب سے جاری کیے گئے اعلامیے میں کہا گیا ہے کہ آرمی چیف جنرل عاصم منیر کی کمانڈر یو ایس سینٹرل کمانڈ جنرل مائیکل ایرک سے ملاقات میں باہمی دلچسپی کے امور پر تبادلہ خیال کیا گیا ہے۔ آئی ایس پی آر نے بتایا ہے کہ ملاقات میں خطے کی سکیورٹی کی صورت حال سے متعلق باہمی تعاون پر بھی گفتگو ہوئی۔ پاک فوج کے شعبہ تعلقات عامہ کے مطابق آرمی چیف جنرل سید عاصم منیر نے سینٹ کام جوائنٹ آپریشن سینٹر کا بھی دورہ کیا، اس موقع پر سینٹ کام اور پاک فوج کے درمیان دفاعی تربیت اور رابطے بڑھانے کے حوالے سے بھی جائزہ لیا گیا۔

کریڈٹ: انڈیپنڈنٹ نیوز پاکستان-آئی این پی

بیجنگ(شِنہوا) چین کے صدر شی جن پھنگ سے پیر کو ہانگ کانگ خصوصی انتظامی علاقے (ایچ کے ایس اے آر) کے چیف ایگزیکٹو جان لی نے ملاقات کی، جو بیجنگ کے ڈیوٹی دورے پر ہیں۔

ملاقات کے دوران لی نے  صدر شی کو ہانگ کانگ کی موجودہ صورتحال اور ایچ کے ایس اے آرحکومت کے امورکے بارے میں رپورٹ پیش کی۔ 

گزشتہ سال کے دوران لی کے کام کی تعریف کرتے ہوئے صدر شی نے کہا کہ لی نے ذمہ داریاں ادا کرنےاور اچھے نتائج دینے میں ایچ کے ایس اے آرحکومت کی قیادت کی ہے۔ 

صدرشی نے کہا کہ ایچ کے ایس اے آرحکومت نے قومی سلامتی کا مضبوط  تحفظ کیا ہے، ہانگ کانگ میں ضلع کونسل نظام میں اصلاحات  کرتے ہوئے ضلع کونسل کے عام انتخابات کو کامیابی سے مکمل کیا ہے، اور ہانگ کانگ کو کوویڈ کی وبا کے اثرات سے نکال کر جامع بحالی کےراستے پر گامزن کیا ہے۔ 

ہانگ ژو (شِنہوا) چینی بحریہ کا بیڑہ ایسکارٹ مشن مکمل کرنے کے بعد پیر کو مشرقی صوبے ژی جیانگ کے بندرگاہی شہر ژوشان واپس پہنچ گیا۔ چینی پیپلز لبریشن آرمی نیوی کا 44ویں بحری بیڑہ، جس میں گائیڈڈ میزائل ڈسٹرائر ژیبو، گائیڈڈ میزائل فریگیٹ جِنگ ژو اور  سپلائی جہازچھیان ڈاو شامل ہیں، نے خلیج عدن سمیت صومالیہ اور بحیرہ عرب میں مشن کے دوران 33 چینی اورغیرملکی جہازوں کواسکارٹ کیا۔ اسکارٹ اسکواڈ نے 28 اپریل کو روانہ ہونے کے بعد 235 دن کے سفر کے دوران1لاکھ  ناٹیکل میل سے زیادہ سفر اور سنگاپور میں تکنیکی اسٹاپ کے ساتھ عمان، کویت، قطر، متحدہ عرب امارات، میانمار اور پاکستان کا دورہ کیا۔

تہران(شِنہوا) ایران  میں پیر کو ملک کے زیادہ تر فیول اسٹیشنوں پر سپلائی تکنیکی خرابی کی وجہ سے  منقطع ہوگئی۔

ایرانی وزارت تیل سے وابستہ شانا نیوز ایجنسی نے نیشنل آئل ریفائننگ اینڈ ڈسٹری بیوشن کمپنی(این آئی او آر ڈی سی)  کے ایک بیان کے حوالے سے بتایا کہ ملک کے کچھ فیول اسٹیشنوں میں تکنیکی خرابی ایرانی عوام کی فلاح و بہبود کے  دشمنوں کی سازش کی وجہ سے ہوئی۔

بیان میں کہا گیا ہے کہ ماہرین اور خصوصی ورکنگ گروپ اس مسئلے کو حل کرنے کے لیے کام کر رہے ہیں اور متاثرہ  فیول اسٹیشن چند گھنٹوں میں معمول پر آجائیں گے۔

این آئی او آر ڈی سی کے مطابق، ملک کے پیٹرول اسٹیشنوں پر ایندھن تاحکم ثانی آف لائن فراہم کیا جائے گا۔

رم اللہ (شِنہوا) شمالی مغربی کنارے کے شہر توباس میں اسرائیلی حملے میں کم از کم چار فلسطینی جاں بحق ہو گئے۔ فلسطینی وزارت صحت نے پیر کو شِنہوا کو بھیجے گئے ایک مختصربیان میں بتایا کہ جنوبی توباس کے الفارع پناہ گزین کیمپ میں اسرائیلی فوج کے ساتھ جھڑپوں کے دوران چار نوجوانوں فائرنگ سے جاں بحق ہوگئے۔

مقامی فلسطینی ذرائع نے شِنہوا کو بتایا کہ اسرائیلی فوج نے کیمپ پر ایک گھنٹے تک دھاوا بولا، اس کے داخلی راستے بند کر دیے، اور شدید فائرنگ کرتے ہوئے ایک گھر کو گھیرے میں  لیا، جس کے  دوران چاروں نوجوان مارے گئے۔

چھونگ چھنگ (شِنہوا) چین کی جنوب مغربی میونسپلٹی چھونگ چھنگ میں دنیا بھر سے ٹیلنٹ کو راغب کرنے کے لیے  بین الاقوامی کانفرنس کا انعقاد کیا گیا، یہ میونسپلٹی کی جانب سے ملک کے مغربی علاقے میں جدت کے لیے خود کو ایک ٹیلنٹ سنٹر اور ہائی لینڈ بنانے کی کوششوں کا حصہ ہے۔ چھونگ چھنگ انٹرنیشنل ٹیلنٹ ایکسچینج کانفرنس میں ہفتہ اور اتوار کو42 ممالک، خطوں اور بین الاقوامی اداروں کے  نمائندوں اور پروفیشنلز نے شرکت کی۔ کانفرنس میں آٹھ سیشنز کا انعقاد کیا گیا، 136 جدید مصنوعات اور خدمات  متعارف اور 1ہزار369 اعلیٰ درجے کے پیشہ ور افراد اور ان کے جدید منصوبے پیش کیے گئے۔ 1ہزار سے زیادہ کمپنیوں نے ملک اور بیرون ملک کے  پروفیشنلز کے لیے 19ہزار روزگار کی آسامیاں پیش کیں۔ 

نان چھانگ (شِنہوا) چین میں قتل، ڈکیتی اور اغوا کے جرم میں ایک خاتون لاؤ رونگژی کو پیر کو پھانسی دے دی گئی۔ لاؤ کو مشرقی صوبے جیانگ شی کی نانچھانگ انٹرمیڈیٹ پیپلز کورٹ کی جانب سے دی گئی پھانسی کی سزا کی سپریم پیپلز کورٹ (ایس پی سی) نے توثیق کی تھی۔ ایس پی سی کے بیان کے مطابق، 1996 سے 1999 تک، ملزمہ نے اپنے بوائے فرینڈ کے ساتھ مل کر چار صوبوں میں ڈکیتی، اغوا اور قتل کی کئی وارداتیں کیں جس کے نتیجے میں سات افراد ہلاک ہوئے۔ 

بیجنگ (شِنہوا) چین میں حکام نے نئے سال اور بہار تہوار کی تعطیلات کے قریب آتے ہی اشیائے ضروریہ کی قیمتوں میں استحکام اور معیار کو یقینی بنانے کے اقدامات شروع کردیے ہیں۔

مارکیٹ ریگولیشن کے ریاستی ادارے نے پیر کو بتایا کہ تعطیلات کے دوران عوام کی روزمرہ ضروریات کو پورا کرنے کے لیے خوراک، صنعتی مصنوعات،  خدمات اور طبی سامان کی نگرانی میں اضافہ کیا جائے گا۔

ریگولیٹرکے مطابق، خاص طور پر، آن لائن اور آف لائن قیمتوں کی نگرانی کی جائے گی جس میں بنیادی خوراک جیسے چاول، سبزیاں اور انڈوں کے ساتھ ساتھ رہائش، ٹرانسپورٹ، توانائی  اور ادویات شامل ہیں۔

ارمچی(شِنہوا) چین کے شمال مغربی سنکیانگ ویغورخود اختیارعلاقے کی غیر ملکی تجارت  گزشتہ سال کے مقابلے میں 47.4 فیصد اضافے سے 2023 کے پہلے 11 ماہ میں 320ارب 53 کروڑیوآن (تقریباً 45ارب19کروڑڈالر) تک پہنچ گئی۔

ارمچی کسٹمز نے پیر کو بتایا کہ یہ پہلا موقع ہے کہ سنکیانگ کی غیر ملکی تجارت کی مالیت 300 ارب یوآن سے تجاوز کر گئی ہے۔ اس مدت کے دوران، سنکیانگ کی افرادی قوت کی  مصنوعات ، مکینیکل اور برقی مصنوعات کی برآمدات میں تیزی سے اضافہ ہوا۔ ان دونوں مصنوعات کی مجموعی برآمدی مالیت 232ارب76کروڑیوآن رہی جو خطے کی کل برآمدی مالیت کا 86 فیصد ہے۔

سال کے پہلے 11 ماہ میں وسطی ایشیا کے پانچ ممالک کے ساتھ سنکیانگ کی تجارت میں گزشتہ سال سے 53.4 فیصد اضافہ ہوا جو اسی مدت  میں سنکیانگ کی بیرونی تجارت کی کل مالیت کا 79.8 فیصد ہے۔ سنکیانگ کے تین بڑے تجارتی شراکت داروں   قازقستان، کرغزستان اور تاجکستان سے تجارتی مالیت میں بالترتیب 70.8 فیصد، 32.1 فیصد اور 97.3 فیصد کا اضافہ ہوا۔

بیجنگ(شِنہوا) چین کے وزیر خارجہ وانگ یی سے پیر کو بیجنگ میں  عوامی جمہوریہ کوریا (ڈی پی آر کے) کے نائب وزیر خارجہ پاک میونگ ہو نے ملاقات کی۔  کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے کہا کہ چین اور ڈی پی آر کے کے درمیان روایتی دوستی دونوں ممالک کے لیے ایک قیمتی اثاثہ ہے۔ وانگ نے کہا کہ حالیہ برسوں میں چین اور ڈی پی آر کے کے درمیان روایتی دوستی نئے دور میں دونوں ممالک کے اعلیٰ رہنماؤں کی حکمت عملی اور ذاتی نگرانی میں مزید پروان چڑھی ہے۔ چینی وزیر خارجہ نے کہا کہ ان کا ملک ہمیشہ ڈی پی آر کے کے ساتھ اپنے تعلقات کو تزویراتی اور طویل المدتی نقطہ نظر سے دیکھتا ہے اور وہ اس کے ساتھ رابطوں اور تعاون کو مضبوط بنانے اور مختلف شعبوں میں تبادلوں اور تعاون کو مستحکم  کرنے کاخواہاں ہے۔ 

نانجنگ(شِنہوا)  چین کے مشرقی صوبہ جیانگ سو میں تجارتی سامان کی کل درآمد و برآمد نومبر میں گزشتہ سال کی نسبت 7.4 فیصد بڑھ کر482 ارب 53 کروڑ  یوآن (تقریباً 68.03ارب ڈالر) تک پہنچ گئی جو 15 ماہ کی بلند ترین  سطح ہے۔

نانجنگ کسٹمز کے مطابق نومبر میں صوبے کی برآمدات گزشتہ سال  کی نسبت 8.2 فیصد بڑھ کر 310 ارب 36 کروڑ یوآن ہوگئیں جبکہ اس کی درآمدات 172 ارب 17 کروڑ  یوآن رہی جوگزشتہ  سال کی نسبت 6 فیصد زیادہ ہے۔

رواں سال کے پہلے 11 مہینوں میں جیانگ سو کی کل غیر ملکی تجارت 47 کھرب 70 ارب یوآن تک پہنچ گئی جبکہ برآمدات 30 کھرب 6 ارب  یوآن اور درآمدات 17 کھرب 10 ارب  یوآن تک پہنچ گئیں۔

اس دوران  نجی اداروں کی درآمدات اور برآمدات میں نمایاں اضافہ ہوا اور جنوری سے نومبر تک نجی اداروں کی درآمدات اور برآمدات کا حجم 21 کھرب 40 ارب یوآن تک پہنچ گیا جس سے گزشتہ سال کی نسبت 7.4 فیصد اضافہ ظاہر ہوتا ہے جو صوبے کی کل غیر ملکی تجارت کے حجم کا 44.8 فیصد بنتا ہے۔

اسی مدت کے دوران غیر ملکی سرمایہ کاری کرنے والی کمپنیوں اور سرکاری اداروں نے صوبے کی مجموعی غیر ملکی تجارت میں بالترتیب 46.8 فیصد اور 8.3 فیصد حصہ لیا۔

جنوری سے نومبر تک  ابھرتی ہوئی منڈیوں کے ساتھ جیانگ سو کی تجارت میں تیزی سے اضافہ ہوا ہے جس کے مطابق مشرق وسطیٰ، افریقہ اور بھارت کے ساتھ اس کی تجارت میں بالترتیب 19.8 فیصد، 6.8 فیصد اور 6.5 فیصد اضافہ ہوا۔

بیجنگ (شِنہوا) اگر آپ غیر واضح قدیم تاثرات سے الجھن میں ہیں تو اب قدیم زبان کاترجمہ و تحقیق  کرنے والی ذہین ڈیوائس آپ کی مدد کرسکتی ہے۔

چین نے اپنی پہلی ذہین ڈیوائس "شون زی " لانچ کردی ہے جو قدیم کتابوں کی تیاری اور تحقیق کے لئے بطور خاص ڈیزائن کی گئی ہے۔

یہ قدیم کتابوں کا ایک بڑا لسانی نمونہ ہے ، جو "سیکو چھوان شو " یا "ادب کی چار شاخوں میں مکمل لائبریری" پر مشتمل ہے اور اس میں 2ارب سے زیادہ الفاظ ذخیرہ ہیں۔

نان جنگ زرعی یونیورسٹی کے کالج آف انفارمیشن مینجمنٹ کے محققین کا تیارکردہ زبان کا یہ بڑا ماڈل قدرتی زبان کی سمجھ بوجھ ، خودکارترجمہ ، شاعری کی تخلیق اور خودکار انڈیکسنگ جیسے افعال انجام دے سکتا ہے۔

یہ ماڈل عام صارفین کو قدیم تاثرات کو سمجھنے، ترتیب دینے اور جدید چینی زبان میں ترجمہ کرنے میں سہولت مہیا کرتا ہے۔

پیشہ ور افراد اس اسمارٹ ڈیوائس سے حرف بحرف تجزیہ ، متن کی درجہ بندی ، مماثلت اور تجریدی تخلیق کرسکتے ہیں۔

محققین کے مطابق  یہ ماڈل گٹ حب اور ماڈل اسکوپ دونوں ویب سائٹوں پر اوپن سورس ٹول کے طور پر دستیاب ہے۔

شون زی متحارب ریاستوں کے دور (475 قبل مسیح تا 221 قبل مسیح) کے دوران ایک مشہور چینی فلسفی تھے اور ان کی کتاب ان کی فلسفیانہ تحریروں کا مجموعہ ہے۔ فلسفی کے اعزاز میں زبان کے اس ماڈل کو "شون زی" کا نام دیا گیا ہے۔

محققین نے بتایا کہ وہ قدیم کتابوں کے ذہین مطالعہ اور چینی ثقافتی ورثے کو وراثت میں جاری رکھنے کے ذریعے مزید انٹرڈسپلنری صلاحیتوں کے فروغ کے منتظر ہیں۔

توقع ہے کہ یہ ڈیوائس زیادہ قدیم کتابوں کے قارئین کو سہولت فراہم کرے گی اور چینی روایتی ثقافت کی تخلیقی ترقی کو فروغ دے گی۔

شون ژی ماڈل کا اطلاق مصنوعی ذہانت (اے آئی) کی تحریر، تدریس اور ڈیجیٹل تفریح میں بھی کیا جائے گا۔

بیجنگ (شِنہوا) آسٹریلیا کے ایک جریدے نے کہا  ہے کہ چینی تہذیت کی بنیاد  پر مبنی اس کی ہم آہنگی کی اقدار سے متعلق مغربی ممالک کی غلط فہمی ناقص معلومات پرمشتمل ہے۔

پبلک پالیسی جرنل پلیٹ فارم پرلز اینڈ ایریٹیٹشن میں شائع"چین بالادستی کا نہیں ہم آہنگی کا خواہاں" کے عنوان سے ایک مضمون میں  عالمی مالیاتی امور کے ماہر ڈیرل گپی نے لکھا ہے کہ سابقہ ادوار کے ناقص معیار کے ترجمے اس بات کی وضاحت کرنے میں مدد دیتے ہیں کہ مغرب میں بہت سے افراد کے لیے یہ قبول کرنا کیوں مشکل ہے کہ چین کا عالمی نقطہ نگاہ بالادستی کے بجائے ہم آہنگی پر مبنی ہے۔

 گپی جو آسٹریلیا چائنہ  بزنس کونسل کے قومی بورڈ کے سابق رکن بھی ہیں، نے کہا کہ چین اور اطراف کی ریاستوں کے درمیان تاریخی طور پر موجود دقیانوسی تعلقات ہیں جنہیں مغرب جاگیردارریاستیں قراردیتا ہے اور اس کے مغرب کے جدید چین پالیسی کا جائزہ لینے کے طریقے پر گہرے اثرات مرتب ہوتے ہیں۔

اس صورت حال میں مغرب ہم آہنگ تعاون کے بجائے تسلط پسندانہ تنازعات کی تیاری کررہا ہے۔

مضمون کے مطابق نام نہاد جاگیردارانہ تعلقات دراصل ایک ہم آہنگ رشتہ تھا جبکہ  خطے میں امن و استحکام کا دارومدار ہموار اور مستحکم تجارتی تعلقات پر ہے۔ 

چینی دربار میں تحائف کے تبادلے کو مغرب خراج کہتا تھا  حالانکہ اس کا تعلق جاگیرداری اور بالادستی سے نہیں بلکہ ہم آہنگی سے تھا  اور یہ دو طرفہ تجارت کا ایک لازمی حصہ تھا۔

چین کے ارد گرد کے تمام ممالک چین کی نفاست اور ثقافت کی تقلید کرنے کے خواہشمند ہیں اور ان ممالک میں جدید معاشرے کے بہت سے پہلوؤں میں چینی اثر و رسوخ کا ثبوت موجود ہے۔

مضمون میں کہا گیا ہے کہ یہ ایک تاریخی انتخاب ہے جو پورے خطے میں چینی ثقافت کے پرامن اور ہم آہنگ پھیلاؤ کی عکاسی کرتا ہے۔

چین کا کردار واضح ہے لیکن مغرب میں اسے غلط سمجھا گیا ہے اور صدیوں کی اس غلط فہمی کو ختم کرنا ایک بڑا کام ہے۔

رم اللہ(شِنہوا)فلسطینی اتھارٹی (پی اے ) نے اسرائیل کے زیر قبضہ فلسطینی فنڈز کے مسئلے کو حل کرنے کے لیے امریکہ کے ساتھ ایک معاہدہ کیا ہے۔

 ایک سینئر فلسطینی اہلکارنے نام ظاہر نہ کرنے کی شرط پر  بتایا کہ معاہدے میں ایک ایسے عمل کا خاکہ پیش کیا گیا ہے جس کے تحت اسرائیلی حکومت پٹی میں فلسطینی اتھارٹی کے ملازمین کی فہرست چیک کرے گی تاکہ یہ یقینی بنایا جا سکے کہ حماس کا کوئی رکن شامل نہیں ہے۔

ذرائع نے بتایا کہ اس معاہدے کی تجویز امریکی قومی سلامتی کے مشیر جیک سلیوان کی طرف سے آئی ہے جنہوں نے حال ہی میں رم اللہ میں فلسطینی صدر محمود عباس سے ملاقات کی تھی۔

معاہدے کے تحت، اسرائیلی حکومت سے توقع ہے کہ وہ اسرائیل اور فلسطین لبریشن آرگنائزیشن کے درمیان اقتصادی معاہدے کے مطابق 3 فیصد کمیشن کے بدلے میں فلسطینی سامان پر ٹیکس محصولات اسرائیلی کراسنگ کے ذریعے منتقل کرے گی۔

یجنگ(شِنہوا)چین کی ریاستی کونسل کے سربراہ و وزیر اعظم لی چھیانگ کی دعوت پر روس کے وزیر اعظم میخائل میشوسٹن چین کا دورہ کریں گے۔

چینی وزارت خارجہ کے ترجمان وانگ وین بن نے پیر کو اعلان کیا کہ روسی وزیر اعظم  چین اور روس کے سربراہان مملکت کے درمیان 28 ویں باقاعدہ ملاقات کے لیے 19 سے 20 دسمبر تک چین میں ہوں گے۔