افغا نستان،صوبہ پروان میں افغان کسان انگوروں کی کٹائی کر رہے ہیں۔(شِنہوا)
- -, -
- |
- ٢٣ نومبر، ٢٠٢٥
چھنگ ڈو(شِنہوا ) چین کے جنوب مغربی صوبہ سیچھوان کی لوڈنگ کاؤنٹی اور اس سے متصل علاقوں میں 5 ستمبر کوآنے والے 6.8 شدت کےزلزلے سے مجموعی طور پر93 افراد ہلاک اور 25 لاپتہ ہوگئے ہیں۔
ریسکیوہیڈکوارٹر کے حکام نے پیر کو بتایا کہ گانزی تبتی خود اختیار پریفیکچر میں واقع لوڈ نگ کا ؤنٹی میں 55 افراد ہلاک ہو ئے جبکہ اتوار کی شام 5 بجے تک یاآن شہر میں 38 ہلاکتیں ہوئیں۔
لاپتہ ہونے والے افراد میں سے 9 کا تعلق لوڈنگ اور16 کا یاآن کی شی میان کاؤنٹی سے تھا۔
افغا نستان،صوبہ قند ھار میں افغان کسان کاٹن چُن رہا ہے۔(شِنہوا)
افغا نستان،صوبہ قند ھار میں افغان کسان کاٹن چُن رہا ہے۔(شِنہوا)
افغا نستان،صوبہ قند ھار میں افغان کسان کاٹن چُن رہا ہے۔(شِنہوا)
افغا نستان،صوبہ پروان میں افغان کسان انگوروں کی کٹائی کر رہا ہے۔(شِنہوا)
افغا نستان،صوبہ پروان میں افغان کسان انگوروں کی کٹائی کر رہے ہیں۔(شِنہوا)
چیف جسٹس پاکستان عمر عطا بندیال نے کہا ہے کہ دوست مزاری رولنگ کیس میں سیاسی جماعتوں کے سخت ردعمل کے باوجود تحمل کا مظاہرہ کیا۔ چیف جسٹس نے نئے عدالتی سال کی تقریب سے خطاب کرتے ہوئے کہا کہ پالیسی معاملات میں عمومی طور پر مداخلت نہیں کرتے، لیکن لوگوں کے بنیادی حقوق کے تحفظ کیلئے ایسے مقامات بھی سننے پڑتے ہیں، مارچ 2022 سے ہونے والے سیاسی واقعات کی وجہ سے سیاسی مقدمات عدالتوں میں آئے ہیں۔ چیف جسٹس نے کہا کہ ڈپٹی اسپیکر قاسم سوری کی رولنگ پر ججز کی مشاورت سے ازخود نوٹس لیا، پانچ دن سماعت کرکے رولنگ کو غیر آئینی قرار دیا، سپریم کورٹ نے ڈپٹی اسپیکر پنجاب اسمبلی کی رولنگ کا فیصلہ بھی تین دن میں سنایا۔ چیف جسٹس نے کہا کہ دوست مزاری کی رولنگ کو کالعدم قرار دینے پر سیاسی جماعتوں نے سخت ردعمل دیا، سیاسی جماعتوں کے سخت رد عمل کے باوجود تحمل کا مظاہرہ کیا گیا۔ چیف جسٹس کا کہنا تھا کہ آگاہ ہیں ملک کو سنگین معاشی بحران کا سامنا ہے، ملک میں اس وقت بدترین سیلاب کا بھی سامنا ہے، سیلاب متاثرین کیلئے ججز نے 3 دن اور عدالتی ملازمین نے دو دن کی تنخواہ عطیہ کی ہے۔
کریڈٹ: انڈیپنڈنٹ نیوز پاکستان-آئی این پی
احتساب عدالت نے پیراگون ہاوسنگ سوساٹی میں شامل تفتیش ہونے والے نے ملزمان سے انکواری مکمل کرکے رپورٹ پیش کرنے کا حکم دے دیا۔ احتساب عدالت لاہور نمبر نو نے پیراگون ہاوسنگ سوسائٹی کیس کی سماعت کی، وفاقی وزیر ریلوے خواجہ سعد رفیق اور سلمان رفیق عدالت میں پیش ہوئے۔ ملزم ندیم ضیا کے وکیل نے عدالت کو بتایا کہ ملزم ندیم ضیا اور فرحان علی شامل تفتیش ہوچکے ہیں، کیا نیب حکام نیا چالان پیش کریں گے یا اس کے ساتھ دو ملزمان کا الگ چالان جمع کروایا جائے گا۔ نیب تفتیشی آفیسر نے بتایا کہ دونوں ملزمان سے تفتیش میں چند روز لگ جائیں گے، ملزمان نے اپنے حلفی بیان میں کہا ہے کہ ان کے متاثرین سے معاملات طے پا گئے ہیں۔ عدالت نے تفتیشی آفیسر کو تفتیش مکمل کرکے نئی رپورٹ پیش کرنے کا حکم دیتے ہوئے کیس کی سماعت 23 ستمبر تک ملتوی کردی۔
کریڈٹ: انڈیپنڈنٹ نیوز پاکستان-آئی این پی
چیئرمین تحریک انصاف عمران خان نے کہا ہے کہ چور نواز شریف اور دہشت گرد الطاف حسین کے ساتھ میرا موازنہ نہ کیا جائے۔ پیر کو انسداد دہشت گردی کی عدالت میں فاضل جج کی جانب سے طلبی پر سابق وزیراعظم عدالت پہنچے، انسداد دہشت گردی عدالت میں پیشی سے قبل۔ عمران خان نے کہا کہ میں بہت خطرناک ہوں۔ صحافی نے سوال کیا کہ پہلے الطاف حسین پھر نواز شریف اور اب آپ کو مائنس کیا جارہا ہے، جس پر عمران خان نے جواب دیا کہ ایک چور نواز شریف اور دہشت گرد الطاف حسین سے میرا موازنہ نہ کریں۔
کریڈٹ: انڈیپنڈنٹ نیوز پاکستان-آئی این پی
اسلام آباد ہائی کورٹ نے وضاحت کی ہے کہ پی ٹی آئی کے 11 ارکان کے استعفوں کی منظوری معطل نہیں کی، بلکہ صرف ایک ممبر عبد الشکور شاد کی حد تک نوٹیفکیشن معطل ہے۔ تفصیلات کے مطابق ہائی کورٹ کے چیف جسٹس اطہر من اللہ نے پی ٹی آئی ایم این اے عبد الشکور شاد کی استعفی منظوری کے خلاف درخواست کی سماعت کی۔ ہائی کورٹ نے وضاحت کی کہ عبد الشکور شاد کی حد تک الیکشن کمیشن کا نوٹیفیکیشن معطل ہے ، پٹشنر عبد الشکور شاد تھے اس لیے نوٹیفکیشن بھی ایک ممبر کی حد تک معطل ہے۔ چیف جسٹس نے پٹشنر کے وکیل سے استفسار کیا کہ سب کی حد تک تو نوٹیفکیشن معطل نہیں تھا۔ وکیل عبد الشکور شاد نے جواب دیا کہ الیکشن کمیشن نے 11 ممبران کا اکٹھا نوٹیفکیشن کیا تھا۔ چیف جسٹس اطہر من اللہ نے کہا کہ اکٹھا ہے لیکن صرف ایک ممبر کی حد تک نوٹیفکشن معطل ہے۔ عدالت نے کیس کی مزید سماعت ملتوی کردی۔
کریڈٹ: انڈیپنڈنٹ نیوز پاکستان-آئی این پی
وفاقی وزیر داخلہ رانا ثنا اللہ نے کہا ہے کہ اگر عدالت عمران خان کی ضمانت منسوخ کرتی ہے تو پھر ان کی گرفتار قانونی تقاضا ہے۔ پیر کو نجی ٹی وی پروگرام میں گفتگو کرتے ہوئے رانا ثنا اللہ کا کہنا تھا اگر عدالت عمران خان کی ضمانت میں توسیع نہیں کرتی یا ان کی ضمانت کا آرڈر واپس لے لیتی ہے تو عمران خان کی گرفتاری قانونی تقاضا ہے۔ وفاقی وزیر داخلہ کا کہنا تھا ضمانت منسوخ ہونے کی صورت میں اسلام آباد پولیس کے لوگ جو وہاں موجود ہیں یہ ان کا فرض ہے کہ وہ عمران خان کو گرفتار کر کے حوالات میں بند کریں اور اس مقدمے سے متعلق تفتیش کریں۔ یاد رہے کہ عمران خان کی جانب سے خاتون جج کو دھمکیوں سے متعلق کیس کی سماعت انسداد دہشتگردی کی عدالت میں ہو رہی ہے۔ عمران خان کی جانب سے ان کے وکیل بابر اعوان عدالت میں پیش ہوئے اور بتایا کہ عمران خان مقدمے میں شامل تفتیش ہو گئے ہیں جبکہ تفتیشی افسر کا کہنا ہے کہ عمران خان 3 بار ٹونس کے باوجود مقدمے میں شامل تفتیش نہیں ہوئے۔
کریڈٹ: انڈیپنڈنٹ نیوز پاکستان-آئی این پی
انسداد دہشت گردی عدالت نے دہشت گردی مقدمہ میں چیئرمین تحریک انصاف عمران خان کیعبوری ضمانت میں 20 ستمبر تک توسیع کر تے ہوئے کہا ہے کہ پولیس چاہے تو عمران خان سے عدالت میں تفتیش کرسکتی ہے، پولیس بے شک جوڈیشل کمپلیکس کے بار روم میں تفتیش کرلے۔ پیر کو انسداد دہشت گردی عدالت میں دہشت گردی کے مقدمے میں چیئرمین تحریک انصاف عمران خان کی ضمانت کی درخواست پر سماعت ہوئی۔ جج راجہ جواد عباس نے تفتیشی افسر سے استفسار کیا کہ عمران خان تفتیش میں شامل ہوئے۔ جس پر تفتیشی افسر عدالت کو بتایا کہ عمران خان ابھی تک شامل تفتیش نہیں ہوئے، انہوں نے صرف ایک تحریری بیان بھیجا ہے۔ عدالت نے استفسار کرتے ہوئے ریمارکس دیئے کہ کیس میں ان کا بیان ہی چاہئے، اور کیا برآمدگی کرنی ہے، کیا عمران خان کا وہ بیان آپ نے رپورٹ کا حصہ بنایا۔ تفتیشی افسر نے جواب دیا کہ عمران خان کا وہ بیان رپورٹ کا حصہ نہیں بنایا گیا۔ عدالت نے کیس کے تفتیشی افسر پر برہمی کا اظہار کرتے ہوئے ریمارکس دیئے کہ بیان ریکارڈ کا حصہ نہ بنانا آپ کی بدنیتی ظاہر کرتا ہے، کیا وہ بیان آپ نے تحفے کے طور پر رکھا ہوا ہے۔ عمران خان کے وکیل بابر اعوان نے عدالت میں مقف پیش کیا کہ اگر پولیس نے عمران خان سے تفتیش کرنی ہے تو وہ 11 بجے عدالت آرہے ہیں، پولیس تفتیش کرلے، پولیس بے شک جوڈیشل کمپلیکس کے بار روم میں تفتیش کرلے۔
عدالت نے ریمارکس دیئے کہ پولیس چاہے تو عمران خان سے یہاں تفتیش کرسکتی ہے۔ عدالت نے حکم دیا کہ عمران خان 11 بجے تک عدالت پیش ہوں، اور فریقین آج ہی دلائل دیں، عدالت نے کیس کی سماعت میں 11 بجے تک وقفہ کردیا۔ وقفے کے بعد چیئرمین تحریک انصاف عمران خان عدالت پہنچ گئے، اس موقع پر سیکیورٹی کے سخت انتظامات کئے گئے۔ وقفے کے بعد دہشت گردی کے مقدمے میں عمران خان کی درخواست ضمانت پر دلائل دیتے ہوئے عمران خان کے وکیل بابر اعوان کا کہنا تھا کہ پولیس روز یہی لکھ کر دیتی ہے کہ عمران خان کی پچھے کالعدم تنظیمیں پڑی ہیں، عمران خان تھانے جائیں کوئی بھی مار دے تو پھر کون جواب دہ ہوگا۔ وکیل بابر اعوان نے کہا کہ یہ ساتھ اپنے دو لوگوں کو بھی ٹھوک دیں گے اور کہہ دیں گے حملہ ہو گیا، عدالت لکھ کر ضمانت دے دے کہ کچھ نہیں ہوگا تو ہم تھانے چلے جائیں گے۔ بابر اعوان نے کہا کہ پولیس کو صبح بھی آفر کی تھی کہ ساتھ والے کمرے میں تفتیش کرلے، کیا جوڈیشل کمپلیکس میں تفتیش کرتے ہوئے ان کی توہین ہوتی ہے، عدالت تفتیش میں حقائق چھپانے پر انہیں سزا دے سکتی ہے، عدالت انھیں یہ سزا سمری کارروئی کرکے بھی دے سکتی ہے۔ عدالت نے ریمارکس دیئے کہ بالکل قانون میں یہ سزا دینے کے گنجائش موجود ہے۔ عمران خان کے وکیل نے مزید کہا کہ ملزم پولیس کے سامنے اعتراف جرم بھی کرلے تو کوئی قانونی حیثیت نہیں، پھر یہ شامل تفتیش ہونے کیلئے ذاتی پیشی کی شرط کیوں رکھ رہے ہیں۔ ب
ابر اعوان کا کہنا تھا کہ ریکارڈ دیکھ لیں ماڈل ٹان کے سارے ملزمان اسلامآباد پولیس میں آگئے، کبھی کہا جاتا ہے کہ چیف کمشنر آفس کے آڈیٹوریم میں آجائیں۔ وکیل عمران خان نے کہا کہ کیا یہ پولیس مقابلے کی تیاری ہو رہی ہے، وہاں کہہ دیں گے کہ کسی کالعدم تنظیم نے حملہ کر دیا۔ بابر اعوان نے کہا کہ پولیس یہ بتا دے عمران خان سے تفتیش کرنی ہے یا ہراساں کرنا ہے، جوڈیشل مجسٹریٹ سے متعلق معاملہ اب ہائیکورٹ میں ہے، آدھی ایف آئی آر تو اسی نکتے پر ختم ہو جاتی ہے۔ عمران خان کے وکیل بابر اعوان نے دلائل مکمل کرتے ہوئے کہا کہ عمران خان کے باقی بیان سے یہ دہشت گردی نکال کر دکھا دیں۔ عدالت نے اسپیشل پراسیکیوٹر رضوان عباسی سے استفسار کیا کہ رضوان عباسی صاحب حکومت ہمیشہ آپ کو 2 ہفتے بعد کیوں لاتی ہے، کیا حکومت پہلے سوچ رہی ہوتی ہے کہ آپ کو لایا جائے یا نہ لایا جائے۔ رضوان عباسی نے عدالت کو جواب دیا کہ مجھے جیسے ہی کہا گیا عدالت میں حاضر ہو گیا ہوں۔ اسپیشل پراسیکیوٹر رضوان عباسی نے اپنے دلائل شروع کرتے ہوئے کہا کہ بابراعوان نے کہا چیف کمشنر آفس میں جانے پر پولیس مقابلہ ہو جائے گا، کیا پہلے کبھی چیف کمشنر آفس پولیس مقابلے کیلئے استعمال ہوا ہے۔ بابر اعوان نے اسپیشل پراسیکیوٹر سے استفسار کیا کہ اس سے پہلے کبھی کسی لیڈر کی تقریر یوٹیوب پر بھی بند ہوئی تھی، یہ نہ بات کی جائے کہ پہلے کبھی ایسا نہیں ہوا تھا۔ پراسیکیوٹر رضوان عباسی نے کہا کہ عمران خان کو سیکیورٹی دینا ریاست کی ذمہ داری ہے، یہاں اس عدالت آنے کیلئے بھی ریاست نے ہی انھیں سیکیورٹی دی۔ بابر اعوان نے کہا کہ یہاں یہ اہلکار عمران خان کو گھیرنے آئے ہیں سکیورٹی دینے نہیں۔ عدالت نے عمران خان کی عبوری ضمانت میں 20 ستمبر تک توسیع کردی۔
کریڈٹ: انڈیپنڈنٹ نیوز پاکستان-آئی این پی
یونانی کوسٹ گارڈ نے بین الاقوامی سمندر میں جاتے ترکیہ کے مال بردار بحری جہاز پر فائرنگ کر دی، جس سے دونوں ممالک کے درمیان حالیہ ہفتوں میں کشیدگی میں اضافہ ہوا ہے۔الجزیرہ کی رپورٹ کے مطابق ترکیہ کے کوسٹ گارڈ نے بیان میں بتایا کہ ترکیہ کے جزیرے بوچادا کے جنوب مغرب سے 11 ناٹیکل میل دور فائر کیا گیا، جس سے کوئی جانی نقصان نہیں ہوا۔بیان میں مزید بتایا گیا کہ یونانی جہازوں کی جانب سے ہراساں کرنے کے لیے کی گئی فائر کے بعد ترکیہ کے کوسٹ گارڈ 2 جہاز پہنچے تو یونان کے جہازچلے گئے۔یونانی کوسٹ گارڈ نے تصدیق کی کہ اس نے لیزبوس جزیرے کے قریب یونان کی سمندری حدود میں مشکوک انداز میں جانے والے جہاز پر انتباہی فائر کیے۔یونانی کوسٹ گارڈ حکام نے بتایا کہ مال بردار جہاز کے کپتان نے انسپیکشن کرنے کی اجازت دینے سے انکار کر دیا تھا، اور بعد ازاں وہ ترکیہ کے قریبی سمندر میں چلا گیا۔رپورٹ کے مطابق یہ علاقہ ترکیہ سے مہاجرین کو یورپی یونین کے ممالک یونان اور اٹلی میں لانے والے بہت سے بحری جہازوں کے لیے جانا جاتا ہے، یونانی کوسٹ گارڈ کا کہنا ہے کہ وہ بحریہ ایجیئن میں مشکوک سلوک کرنے والے بحری جہازوں کو باقاعدگی سے چیک کرتا ہے۔پڑوسی ممالک کے مابین کئی دہائیوں سے تنازعات جاری ہیں،
حالیہ ہفتوں میں دونوں کی جانب سے فضائی حدود کی خلاف ورزیوں کا الزام لگایا گیا، یونانی حکام نے یوکرین میں روس کی جنگ کے بعد یورپ میں ایک اور تنازع کے خدشات کا اظہار کیا۔انقرہ نے ایتھنز پر ایجیئن کے متعدد جزائر پر قبضہکرنے اور ترکیہ کے طیاروں کو روسی ساختہ ایس-300 کے ذریعے ہراساں کرنے کا الزام لگایا، ایتھنز نے ان دعوں کی تردید کی۔ترکیہ کے صدر رجب طیب اردوان نے فوجی کارروائی کا عندیہ دیتے ہوئے یونان کو خبردار کیا کہ اگر وہ ایجئین کے اوپر سے فائٹر جیٹ کو ہراساں کرنا جاری رکھتے ہییں تو بھاری قیمت ادا کرنا پڑے گی۔یونان کا کہنا ہے کہ اسے سیاحتی مقامات روڈس اور کوس سمیت اپنے مشرقی جزیروں کا اپنے بڑے اور عسکری طور پر مضبوط پڑوسی کے خلاف دفاع کرنے کی ضرورت ہے، اور جو ترکیہ کے بہت قریب ہیں۔ان کا مزید کہنا تھا کہ ترکش صدر کے حالیہ بیانات ناقابل قبول ہیں، تاہم ہم ہمیشہ کوشش کرتے ہیں کہ بات چیت کے دروازے کھلے رہیں۔
کریڈٹ: انڈیپنڈنٹ نیوز پاکستان-آئی این پی
دنیا میں انسانی ترقی کے حوالے سے تشویش ناک رپورٹ سامنے آئی ہے، اقوام متحدہ کا کہنا ہے کہ دنیا کے 90 فی صد ممالک میں معیار زندگی روبہ زوال ہو گئی ہے۔غیر ملکی میڈیا کے مطابق اقوام متحدہ کے ترقیاتی پروگرام (یو این ڈی پی) نے ایک رپورٹ میں کہا ہے کہ 2021 میں دنیا کے 90 فی صد ممالک میں حالات زندگی بہتر ہونے کی بجائے مزید ابتر ہو گئے ہیں۔جب 32 برس قبل پہلی بار انسانی ترقی کے معیار کے اعداد و شمار جمع کرنے کا سلسلہ شروع کیا گیا تھا، اس کے بعد پہلی بار ایسا ہوا ہے کہ گزشتہ دو برسوں سے مسلسل عالمی سطح پر انڈیکس میں کمی واقع ہوئی ہے۔تازہ رپورٹ میں کہا گیا ہے کہ موسمیاتی تبدیلی کے مشترکہ اثرات، یوکرین میں جنگ اور کرونا وائرس کی وبا نے ایک ایسی غیر یقینی صورت حال پیدا کر دی ہے جو عالمی معیار زندگی کو نیچے کی جانب دھکیلتی جا رہی ہے۔یو این ڈی پی کا کہنا ہے کہ اس گراوٹ کی وجہ سے گزشتہ پانچ برسوں کے دوران جو فوائد حاصل ہوئے تھے وہ بھی ضائع ہو گئے ہیں، نیز انسانی ترقی میں مسلسل محرومی اور عدم مساوات، اس نئی غیر یقینی صورت حال کی پیچیدگی سے نمٹنے میں سب سے بڑی رکاوٹ ہے۔واضح رہے کہ یو این ڈی پی انسانی ترقی کے اپنے انڈیکس کے لیے کسی بھی ملک میں صحت، تعلیم اور معیار زندگی کو معیار بناتا ہے۔اقوام متحدہ کے تازہ انڈیکس کے مطابق سوئٹزرلینڈ دنیا کا سب سے زیادہ ترقی یافتہ ملک ہے، ناروے اور آئس لینڈ بالترتیب دوسرے اور تیسرے نمبر پر ہیں۔1990 میں جب پہلی معیار زندگی سے متعلق اس طرح کی درجہ بندی کا آغاز ہوا تھا، اس وقت امریکا نے پہلی پوزیشن حاصل کی تھی، لیکن اس کے بعد سے اب امریکا بھی 21 ویں نمبر پر پہنچ گیا ہے۔ ہانگ کانگ ایشیا میں سب سے زیادہ ترقی یافتہ ملک ہے اور علاقائی سطح پر چوتھے نمبر پر آیا ہے۔درجہ بندی کے حساب سے سب سے کم ترقییافتہ ملک میں جنوبی سوڈان کا نام ہے، اور اس کے بعد چاڈ اور نائیجر ہیں۔ جب کہ شمالی کوریا، صومالیہ، ناورو اور موناکو سے متعلق انڈیکس میں کوئی معلومات شامل نہیں کی گئی ہیں۔
کریڈٹ: انڈیپنڈنٹ نیوز پاکستان-آئی این پی
چین کے جنوب مغربی صوبہ سیچھوان کی لوڈنگ کاؤنٹی کے لوڈنگ نمبر 2 ہائی اسکول میں قائم زلزلہ متاثرین کی پناہ گاہ میں لیاؤ لیان اور دیگر رضاکار بچوں کے ساتھ کھیل رہے ہیں۔ (شِنہوا)
چین کے جنوب مغربی صوبہ سیچھوان کی لوڈنگ کاؤنٹی کے لوڈنگ نمبر 2 ہائی اسکول میں قائم زلزلہ متاثرین کی پناہ گاہ میں لیاؤ لیان خیمہ کلاس روم میں کتابوں کو ترتیب سے رکھ رہی ہیں۔ (شِنہوا)
چین کے جنوب مغربی صوبہ سیچھوان کی لوڈنگ کاؤنٹی کے لوڈنگ نمبر 2 ہائی اسکول میں قائم زلزلہ متاثرین کی پناہ گاہ میں لیاؤ لیان خیمہ کلاس روم جانے والے بچوں کی رہنمائی کررہی ہیں۔ (شِنہوا)
چین کے جنوب مغربی صوبہ سیچھوان کی لوڈنگ کاؤنٹی کے لوڈنگ نمبر 2 ہائی اسکول میں قائم زلزلہ متاثرین کی پناہ گاہ میں مقیم بچوں کے لئے لیاؤ لیان (دائیں سے دوسری) اور ان کا 4 سالہ بیٹا کھلونے اور غبارے تیار کررہاہے۔ (شِنہوا)
چین کے جنوب مغربی صوبہ سیچھوان کی لوڈنگ کاؤنٹی کے لوڈنگ نمبر 2 ہائی اسکول میں قائم زلزلہ متاثرین کی پناہ گاہ میں لیاؤ لیان کچرہ اکٹھا کرنے میں معاونت کررہی ہے۔ (شِنہوا)
روس کی یوکرین کے خلاف جاری جنگ کی مالی ناکہ بندی کرنے کے لیے امریکی زیر قیادت دنیا کے اہم ممالک جی سیون نے ابھی سے تیاری شروع کر دی ہے۔ تاکہ مغربی ممالک کے روس سے تیل خریدنے کو روک دیا جائے۔ غیر ملکی میڈیا کے مطابق اس امر کا اظہار امریکی وزیر خزانہجنیٹ ییلن نے کیا ہے۔تاہم امریکی وزیر خزانہ نے نے اعتراف کیا ہے کہ اس حکمت عملی کی وجہ سے سردیوں میں گیس کے ساتھ ساتھ تیل کی قیمتیں بھی اوپر جا سکتی ہیں۔ امریکی وزیر خزانہ کے مطابق اس سلسلے میں مغربی ممالک کی جانب سے تیل کی قیمت کو ایک خاص سطح پر رکھنے کی کوشش کی جائے گی اور روسی تیل کی ایکسپورٹ کم ہونے سے قیمتوں پر بھی چیک رکھنے کی کوشش کی جائے گی۔وزیر خزانہ ییلن نے کہا '' یہ ایک رسک ہے اور ایک رسک وہ ہے جس کو کم کرنے کے لیے ہم کام کر رہے ہیں۔ ان کا کہنا تھا امکانی طور پر تیل کی قیمت میں اضافے کی وجہ مغربی ملکوں کا روس سے تیل منگوانے پر پابندی کا لگنا ہو گا ۔اس پابندی کے بعد مغربی ممالک کے لیے روسی تیل کی ٹینکروں کے ذریعے منتقلی روک دی جائے گی۔ امریکہ کی وزیر خزانہ نے کہا تیل کی قیمتوں کو روکنے کا منصوبہ بن چکا ہے اور اس پر جی سیون ممالک کا اتفاق ہو چکا ہے۔مالدار ملک شریک ممالک سے زیادہ قیمت دینے سے انکار کے لیے کہیں گے۔ وہ اس سلسلے میں انشورنس ، فنانس نیوگیشن سمیت دیگر سروسز سے انکار کریں گے جو تیل کی قیمت بڑھانے کا ذریعہ بنتے ہیں۔ان قیمتوں کو روکنے کا بنیادی مقصد روس کو یوکرین جنگ کے لیے پیسہ ملنے کے امکانات بند کرنا ہے۔
کریڈٹ: انڈیپنڈنٹ نیوز پاکستان-آئی این پی
شنگھائی تعاون تنظیم کا سربراہی اجلاس ازبکستان کے شہر سمر قند میں 15 ستمبر سے شروع ہو گا، پاکستان، بھارت، چین، روس اور دیگر رکن ممالک کے سر براہ شریک ہوں گے۔روس کا کہنا ہے کہ اجلاس کے موقع پر صدر پیوٹن اور چین کے صدر شی جن پھنگ کی ملاقات متوقع ہے تاہم ابھی تک چین کی جانب سے صدر کے سفری منصوبے کی تفصیلات سامنے نہیں لائی گئی ہیں۔میڈیا رپورٹس کے مطابق وزیراعظم شہباز شریف بھی شنگھائی تعاون تنظیم اجلاس سے خطاب کریں گے جبکہ بھارتی وزیراعظم نریندر مودی بھی اجلاس میں شر کت کریں گے۔واضح رہے کہ کورونا وبا کہ بعد گزشتہ دو سال میں چینی صدر کا یہ پہلا غیر ملکی دورہ ہوگا جبکہ روسی صدر کے ساتھ امکانی ملاقات بھی کورونا کے بعد چین سے باہر کسی سربراہ مملکت کے ساتھ ان کی پہلی ملاقات ہوگی۔بھارتی وزیر اعظم نریندر مودی ازبکستان میں علاقائی سمٹ میں شرکت کریں گے، جس میں روس کے مطابق صدر ولادیمیر پیوٹن اور چینی صدر شی جن پنگ کے درمیان بالمشافہ مذاکرات ہوں گے۔ شنگھائی تعاون تنظیم میں چین، روس، 4 وسطی ایشیائی ممالک قازقستان، کرغستان، ازبکستان اور تاجکستان کے علاوہ بھارت اور پاکستان بھی شامل ہیں، جس کا انعقاد سمرقند میں 15 اور 16 ستمبر کو ہوگا۔
کریڈٹ: انڈیپنڈنٹ نیوز پاکستان-آئی این پی
یوکرین کی فوج نے دعویٰ کیاہے کہ اس کی افواج نے مشرقی یوکرین میں تیز رفتار جوابی کارروائی کے دوران تین ہزار مربع کلومیٹر کا علاقہ دوبارہ حاصل کر لیا ہے۔اگر ان دعوں کی تصدیق ہو جاتی ہے تو اس کا مطلب ہے کہکیئو کی افواج نے 48 گھنٹوں کے اندر اپنے حاصل کردہ علاقے میں تین گنا اضافہ کر لیا ہے۔صدر زیلنسکی نے جمعرات کی شام کو 1,000 مربع کلومیٹر اور پھر ہفتے کی شام کو 2,000 مربع کلومیٹر کے رقبے کے حصول کا دعوی کیا تھا۔ہفتہ کے روز، مشرقی جوابی حملے میں یوکرین کے فوجیوں کو روس کے زیرِ قبضہ اہم سپلائی شہروں ایزیوم اور کوپیانسک میں داخل ہوتے دیکھا گیا۔لیکن برطانیہ کے دفاعی حکام نے خبردار کیا ہے کہ ان قصبوں سے باہر لڑائی جاری ہے اور کیئو میں حکام نے کہا کہ یوکرین کی افواج اب بھی ایزیوم کے آس پاس کی متعدد بستیوں کا کنٹرول حاصل کرنے کے لیے لڑ رہی ہی
ں۔روس کی وزارت دفاع نے ازیوم اور کوپیانسک سے اپنی افواج کی پسپائی کی تصدیق کی ہے، جس کے بارے میں کہا گیا ہے کہ وہ ماسکو کے حمایت یافتہ علیحدگی پسندوں کے زیر قبضہ علاقوں میں دوبارہ منظم ہوں گے۔روسی وزارت نے دونیتسک کے محاذ پر لڑائی کو تقویت دینے کے لیے تیسرے اہم قصبے بالاکلیہ سے فوجیوں کے انخلا کی بھی تصدیق کی۔ یوکرین کی افواج جمعے کو اس قصبے میں داخل ہوگئیں۔ایسا معلوم ہوتا ہے کہ جوابی حملے کی رفتار نے روسیوں کو جکڑ لیا ہے اور چیچن رہنما رمضان قادروف جو صدر ولادیمیر پوتن کے سخت حامی ہیں انھوں نے ماسکو کی فوجی حکمت عملی پر تنقید کی ہے۔ٹیلی گرام پر پوسٹ کیے گئے ایک پیغام میں قادروف نے کہا کہ اگر روس کی شکست نہیں ہوئی ہے تو وہ صورتحال کی وضاحت کے لیے ملکی قیادت سے سوال کرنے پر مجبور ہو جائیں گے۔دریں اثنا صدر ولادیمیر زیلنسکی نے روس پر یوکرین کے مشرق میں اہم انفراسٹرکچر کو نشانہ بنانے کا الزام عائد کیا جس کے جواب میں علاقے کا بڑا حصہ مکمل تاریکی میں ڈوب گیا ہے۔یوکرین کے رہنما نے ٹوئٹر پر دعوی کیا کہ پورے خارخیو اور دونیتسک کے علاقوں میں بجلی مکمل طور پر منقطع کر دی گئی ہے جس سے لوگ روشنی اور حدت سے محروم ہیں۔اتوار کو فرنٹ لائن کے قریب کئی دیگر علاقوں میں بھی بندش کی اطلاع ملی-
کریڈٹ: انڈیپنڈنٹ نیوز پاکستان-آئی این پی
ڈھاکہ (شِنہوا) بنگلہ دیش کے دارالحکومت ڈھاکہ میں ثقافتی میلے کا انعقاد کیا جارہا ہے جو 10 روز جاری رہے گا۔ میلے کا مقصد ورثہ سے بھرپور بنگلہ دیشی ثقافت کو پیش کرنا ہے۔
ڈیرہ اسماعیل خان میں ایک گھر میں گیس لیکیج کے باعث دھماکے سے 3 خواتین جاں بحق ہو گئیں۔ ریسکیو حکام کے مطابق گیس لیکیج کے باعث دھماکا ڈی آئی خان کے محلہ موہانیاں والہ میں ہوا۔ ریسکیو حکام کا بتانا ہے کہ دھماکے میں تین خواتین جھلس کر جاں بحق ہوئیں اور ایک شخص زخمی ہوا۔گیس لیکیج کے باعث ہونے والے دھماکے میں جان بحق ہونے والوں میں ماں، بیٹی اور بہو شامل ہیں۔
کریڈٹ: انڈیپنڈنٹ نیوز پاکستان-آئی این پی
ضلع دادو کی 3 تحصیلوں میہڑ، خیرپور ناتھن شاہ اور جوھی میں سیلابی صورتحال تاحال برقرار تاہم رنگ بند میہڑ پر پانی کی سطح میں ایک فٹ کمی آئی ہے۔ ضلعی انتظامیہ کے مطابق رنگ بند میہڑ پر چوکیداری برقرار ہے اور تعمیر و مضبوطی کا کام بند کردیا گیا ہے۔ فلڈ پروٹیکٹیو بند، سپریو بند اور خیرپورناتھن شاہ شہر میں بھی پانی کی سطح کم ہوئی ہے اور پانی کا رخ منچھر جھیل کے طرف ہے۔ رنگ بند جوہی اور گردونواح میں بھی پانی کی سطح میں بتدریج کمی آرہی ہے۔ جوھی رنگ بند پر مضبوطی کا کام بند کرکے نگرانی کی جارہی ہے۔ ادھر سم نالے کا پانی تحصیل دادو کے دیہات کی طرف بڑھ رہا ہے۔ یونین کونسل یار محمد کلھوڑو،مراد آباد اور پیر شاہنواز کے 60 سے زائد دیہات زیر آب آچکے ہیں اورسینکڑوں کچے مکانات گرگئے ہیں۔ متاثرہ علاقوں میں دیہاتی اپنی مدد آپ کے تحت نقل مکانی کرنے میں مصروف ہیں اور سیلابی پانی سندھ کے قدیمی شہر خدا آباد کے حدود میں بھی داخل ہوگیا ہے۔ سندھ میں 14 برس حکمرانی کرنے والیمیان یار محمد کلھوڑو کے مقبرے میں بھی پانی آگیا ہے۔ میاں یار محمد کلھوڑو کے آبائی شہر فکا میں بھی پانی موجود ہے اور فکا سے انڈس ہائی وے تک سیلابی پانی7 کلومیٹر کے فاصلے پر پہنچ گیا ہے۔
کریڈٹ: انڈیپنڈنٹ نیوز پاکستان-آئی این پی
پاکستان تحریک انصاف کے رہنما شفقت محمود دل کی تکلیف کے باعث نجی اسپتال میں داخل ہو گئے۔ خاندانی ذرائع کا بتانا ہے کہ نجی اسپتال میں شفقت محمود کی انجیو گرافی ہو گی۔ یاد رہے کہ شفقت محمود نے رواں برس جون میں پاکستان تحریک انصاف پنجاب کی صدارت سے بھی صحت کے مسائل کے باعث استعفی دے دیا تھا۔ شفقت محمود عمران خان کے دور میں وفاقی وزیر برائے تعلیم اور پروفیشنل ٹریننگ بھی رہ چکے ہیں۔
کریڈٹ: انڈیپنڈنٹ نیوز پاکستان-آئی این پی
عوامی مسلم لیگ کے سربراہ شیخ رشید نے کہا ہے کہ پی ڈی ایم الیکشن سے پہلے ٹوٹ جائے گی۔ شیخ رشید نے ٹوئٹر پر بیان میں کہا کہ ن اور ش کی سیاست آرپار ہوجائے گی اور پی ڈی ایم الیکشن سے پہلے ٹوٹ جائے گی۔ اقوام متحدہ کا خطاب ایک بہانہ ہے اصل میں نوازشریف کو منانا ہے۔ شیخ رشید کا کہنا تھا کہ گندم کی قیمت 2 ہزار سے 4 ہزار من مقرر کرنا غریب کو گھاس کھانے پر مجبور کرنا ہے۔ مفتاح اسماعیل کے رونے سے معیشت ٹھیک نہیں ہوگی۔انہوں نے کہا کہ اگر2 مہینوں میں سیلابی پانی نہیں نکالا تو گندم ، کپاس اور گنے کی بوائی نہیں ہوسکے گی جس سے غذائی بحران پیدا ہوگا۔ سردیوں سیپہلے ہی گیس کا شارٹ فال شروع ہوگیا ہے۔ شیخ رشید کا مزید کہنا تھا کہ اقوام متحدہ کے سیکریٹری جنرل کو بھی چندے کی ایمان داری کی یقین دہانی کرائی جارہی ہے۔ نہ کوئی غیرملکی امداد ملی نہ ملکی امداد کی ساکھ ہے۔
کریڈٹ: انڈیپنڈنٹ نیوز پاکستان-آئی این پی
پاکستان مسلم لیگ (ن) کے رہنما وسابق وزیراعظم شاہد خاقان نے کہا ہے کہ ملک میں تیل کی قیمت بڑھے تو مفتاح اسماعیل ذمہ دار ہیں، اور میں ان کے عمل کا ذمہ دار نہیں ہوں۔ کراچی میں میڈیا سے گفتگو کرتے ہوئے سابق وزیر اعظم شاہد خاقان عباسی نے کہا کہ آج چوتھا سال ہے نیب کا کیس چل رہا ہے، اور چار سال سے جو لوگ ان عدالتوں میں ہیں انکی زندگی مفلوج ہے۔ شاہدخاقان نے کہا کہ دس دس بارہ بارہ سالوں سے لوگ ان عدالتوں میں بیٹھے ہیں، جس احتساب مین خود احتسابی نا ہو سابق چیئرمین سے پوچھنا ہوگا۔ لیگی رہنما کا کہنا تھا کہ جب تک نیب ہے یہ ملک نہیں چل سکتا ہے، جہاں نا انصافی بڑھ جائے ملک نہیں چل سکتے ہیں، نیازی اور جاوید اقبال چار سال لوگوں پر الزام لگاتے رہے، جوآدمی انصاف کے نظام کاسربراہ رہا اسے اثاثوں کا جواب دینا ہوگا۔ شاہد خاقان کا کہنا تھا کہ میں حکومت میں نہیں ہوں حکومتی پارٹی کا حصہ ہوں، میں کسی ٹاسک کا حصہ نہیں انرجی کے دو وزرا کے ساتھ کام کر رہا ہوں۔ سابق وزیراعظم نے کہ اس ملک میں تیل کی قیمت بڑھے تو مفتاح اسماعیل کی ذمہ داری ہے، پیٹرولیم لیوی پچاس روپے ہونی چاہیے جو اب 35 روپے ہے، تیل کی قیمت ڈی ریگولیٹ کردیں مارکیٹ کے حساب سے قیمت کا تعین ہو، پاکستان کا آئین پڑھ لیں اس میں سب ہے۔ شاہد خاقان عباسی نے مزید کہا کہ مفتاح اسماعیل کے عمل کا میں ذمہ دار نہیں ہوں، لیکن یہ بھی حقیقت ہے کہ بجلی اورپیٹرول کی قیمت بڑھنے سے مفتاح کا کوئی کردار نہیں ہے۔
کریڈٹ: انڈیپنڈنٹ نیوز پاکستان-آئی این پی
برطانیہ کے لندن میں پیکاڈیلی سرکس کی ایک بڑی اسکرین پر ملکہ الزبتھ دوم کو خراج تحسین پیش کیا جا رہا ہے۔(شِنہوا)
برطانیہ کے لندن میں پیکاڈیلی سرکس کی ایک بڑی اسکرین پر ملکہ الزبتھ دوم کو خراج تحسین پیش کیا جا رہا ہے۔(شِنہوا)
برطانیہ کے لندن میں ملکہ الزبتھ دوم کو خراج تحسین پیش کرنے کیلئے ملکہ وکٹوریا کی یادگار کے سامنے مجسمے پر کارڈز اور پھول رکھے ہوئے ہیں۔(شِنہوا)
برطانیہ کے لندن میں پھولوں سے بنے ایک دیوقامت تاج کے ساتھ ملکہ الزبتھ دوم کو خراج تحسین پیش کیا جا رہا ہے۔(شِنہوا)