پاکستان آرمی نے 20 کلو میٹر واک ریس میں گولڈ اور سلور میڈل جیت لیا۔ تفصیلات کے مطابق پاک آرمی کے قاسم نے فاصلہ ایک گھنٹے 55 منٹ 54 سیکنڈ میں طے کر کے پہلی پوزیشن کی، واک ریس میں آرمی کے ہی نعمان نے دوسری پوزیشن لی۔ ریس میں ایئر فورس کے عدن مہاذ نے تیسری پوزیشن اپنے نام کی ۔ واضح رہے کہ نیشنل گیمز میں پاکستان آرمی کی برتری برقرار ہے ۔

کریڈٹ: انڈیپنڈنٹ نیوز پاکستان-آئی این پی

ورلڈکپ میں پاک بھارت میچ کے ممکنہ میزبان اسٹیڈیم میں بدنظمی نے سوالات اٹھا دیے۔ ممکنہ طور پر احمد آباد کا نریندرا مودی اسٹیڈیم رواں سال اکتوبر میں شروع ہونیوالے 50اوورز فارمیٹ کے ورلڈکپ میں پاک بھارت ہائی وولٹیج مقابلے اور فائنل کا میزبان ہوگا، آئی پی ایل کے اتوار کو شیڈول فائنل سے قبل وہاں ہونے والی بدنظمی نے ٹکٹ حاصل کرنے والوں کو جسمانی اور ذہنی اذیت سے دوچار کیا جس کی وجہ سے مینجمنٹ کو بھی شرمندگی کا سامنا کرنا پڑا۔ آن لائن ٹکٹ خریدنے والوں کیلیے بھی شرط رکھی گئی ہے کہ پیپر پرنٹ اسٹیڈیم سے حاصل کریں،گذشتہ روز بیک وقت ہزاروں افراد وینیو کے اطراف میں جمع ہوئے، کئی سخت گرمی میں 2 گھنٹے کھڑے رہنے کے باوجود بھی باکس آفس تک نہیں پہنچ پائے،اس دوران بہت سے لوگ بے ہوش بھی ہوگئے۔ شائقین کو کنٹرول کرنے کیلیے پولیس نے لاٹھی چارج سے گریز نہیں کیا، بھگدڑ میں چند افراد زخمی ہوکر اسپتال پہنچ گئے،اس بدنظمی پر مایوس ہوکر بغیر ٹکٹ کے واپس جانے والے شائقین مینجمنٹ سے سخت ناراضگی کا اظہار کرتے رہے۔

کریڈٹ: انڈیپنڈنٹ نیوز پاکستان-آئی این پی

خیبرپختونخوا کے ضلع بنوں کے علاقے سرور غزنی خیل میں پالتو کتے کو مارنے کے تنازع پر مالک نے 35 سالہ نوجوان کو قتل کردیا۔ تفصیلات کے مطابق قتل کا افسوسناک واقعہ تھانہ صدر کی حدود سرور غزنی خیل میں رونما ہوا، جہاں ملزم نے نوجوان کو قتل کرنے کے بعد لاش پر پٹرول چھڑک کر آگ بھی لگا دی۔ پولیس کے مطابق مقتول پر ملزم کے پالتو کتے کو مارنے کا الزم تھا۔ ملزم عمیر نے پولیس کو لاش دینے سے بھی انکار کیا جس پر پولیس کی بھاری نفری نے ملزم کی گرفتاری اور لاش کی حوالگی کیلیے کارروائی کا آغاز کیا۔ گرفتاری کے دوران پولیس کی فائرنگ ملزم بھی مارا گیا۔ حکام کے مطابق پولیس مقابلے میں مارے جانے والا مبینہ ملزم عمیر نے اس سے پہلے لکی گیٹ میں ڈی ایس بی کے دو اہلکاروں پر چاقو سے وار کرکے زخمی کیا تھا۔

کریڈٹ: انڈیپنڈنٹ نیوز پاکستان-آئی این پی

جی ایچ کیو گیٹ پر حملہ کرنے والے 20 ملزمان کی شناخت پریڈ مکمل کرلی گئی۔ چیئرمین پی ٹی آئی عمران خان کی گرفتاری کے بعد پی ٹی آئی رہنماں اور کارکنوں کی جانب سے پرتشدد احتجاج میں دفاعی تنصیبات اور جی ایچ کیو گیٹ پر حملہ کیا گیا۔ جی ایچ کیو گیٹ پر حملہ کرنے والے 20 ملزمان کی شناخت پریڈ مکمل کرلی گئی ہے۔ اڈیالہ جیل میں ہونیو الی شناخت پریڈ کے دوران ملزمان کی قانونی شناخت کا عمل بھی مکمل کرلیا گیا ہے۔ شناخت پریڈ مکمل ہونے پر ملزمان کا ریمانڈ حاصل کرکے تفتیش کا آغاز کیا جائے گا۔ ملزمان سے جی ایچ کیو حملے میں ملوث ساتھیوں کے بارے میں معلومات بھی حاصل کی جائیں گی۔

کریڈٹ: انڈیپنڈنٹ نیوز پاکستان-آئی این پی

وفاقی وزیرمنصوبہ بندی احسن اقبال نے پیٹرول کی قیمت 100 روپے کمی کی تردید کرتے ہوے کہا ہے کہ پیٹرول کی قیمت میں اتنا زیادہ فرق تو نہیں پڑے گا لیکن کمی ضرور ہو گی ۔ امریکی میڈیا کو انٹرویو میں وفاقی وزیرمنصوبہ بندی احسن اقبال نے کہاکہ پیٹرول کی قیمت میں 100 روپے تک کی کمی، اتنا زیادہ فرق تو نہیں پڑے گا لیکن پیٹرول کی قیمت ضرور کم ہو گی۔ ان کا کہنا تھا کہ ابھی روسی تیل کی ایک کم مقدار پاکستان پہنچ رہی ہے، چھ ماہ یا سال بعد جب روس سے زیادہ تیل پاکستان آئے گا تو اس سے پاکستان میں پیٹرول کی قیمت میں کمی کرنے میں مدد ملے گی۔ ان سے سوال کیا گیا تھا کہ کیا روس سے تیل آنے کے بعد پاکستان میں پیٹرول کی قیمت میں 100 روپے کمی کی جائے گی، جس پر انہوں نے تردید کر دی۔

کریڈٹ: انڈیپنڈنٹ نیوز پاکستان-آئی این پی

سپریم کورٹ کی جانب سے کالعدم قرار دیے گئے آڈیو لیکس تحقیقاتی کمیشن کا اجلاس منعقد ہوا، جس میں کمیشن کے سربراہ جسٹس قاضی فائز عیسی نے عدالت عظمی کے حکم پر کمیشن کا کام روک دیا، جسٹس قاضی فائز عیسیٰ نے سپریم کورٹ میں آڈیولیکس انکوائری کمیشن کی کارروائی کے دوران ریمارکس دئیے کہ جب انکوائری کمیشن کو نوٹس ہی جاری نہیں ہوا تو کارروائی سے کیسے روکا جاسکتا ہے؟،سپریم کورٹ رولز کے مطابق فریقین کو سن کر کوئی حکم جاری کیا جاتا ہے، کل کے حکم نامے میں میرے کیس کا ذکر بھی ہوا، میرے کیس میں معاملہ الگ تھا، میرے کیس میں ایک شخص نے سامنے آکر کہا میں نے یہ معلوم کیا آپ کے بارے میں، دوسروں کی عزت ہے تو تھوڑی ہماری بھی ہونی چاہیے، ابھی وہ سٹیج ہی نہیں آئی تھی نہ ہم وہ کررہے تھے، ایک گواہ اس وقت موجود ہیں۔ سپریم کورٹ میں حکومت کی جانب سے تشکیل دئیے گئے آڈیو لیکس انکوائری کمیشن کی کارروائی پر جسٹس قاضی فائز عیسی کی سربراہی میں 3 رکنی کمیشن نے سماعت کی ۔ اٹارنی جنرل آف پاکستان منصور عثمان کمیشن کے سامنے پیش ہوئے ۔سماعت کے آغاز پر کمیشن کے سربراہ جسٹس قاضی فائز عیسی نے ریمارکس دیے کہ سپریم کورٹ نے کمیشن سے متعلق کوئی حکم نامہ جاری کیا ہے، ہمیں اس حکم نامے کی کاپی فراہم کریں۔ اٹارنی جنرل نے کاپی عدالت کو فراہم کردی۔

کمیشن نے اٹارنی جنرل کو کل کا عدالتی حکم پڑھنے کی ہدایت کی۔ جسٹس قاضی فائز عیسی نے استفسار کیا کہ اٹارنی جنرل صاحب کیا آپ بھی کل سپریم کورٹ میں موجود تھے ؟ ، اٹارنی جنرل نے ہاں میں جواب دیا، جس پر جسٹس فائز نے استفسار کیا کہ کیا آپ کو عدالت کی طرف سے نوٹس جاری کیا گیا تھا ؟جس پر اٹارنی جنرل نے بتایا کہ مجھے ٹیلی فون پر عدالت پیش ہونے کا کہا گیا تھا ۔ جسٹس قاضی فائز عیسی نے کہا کہ سپریم کورٹ قواعد کے مطابق فریقین کو پیشگی نوٹسز جاری کرنا ہوتے ہیں ۔ کمیشن کو کسی بھی درخواست گزار نے نوٹس نہیں بھیجا۔سپریم کورٹ کے رولز ر پر عملدرآمد لازم ہے ۔ نوٹس کے حوالے سے بیان حلفی بھی عدالت میں دیا جاتا ہے ۔ درخواست گزاروں میں سے کوئی بھی آج کمیشن کے سامنے پیش نہیں ہوا ۔ جسٹس قاضی فائز عیسی نے کہا کہ باہر پریس کانفرنس کی جاتی ہے لیکن ہمارے سامنے پیش کوئی نہیں ہوا ۔ نہ عابد زبیری آئے نہ ان کے وکیل شعیب شاہین نے پیش ہونے کی زحمت کی ۔ اٹارنی جنرل صاحب کیا آپ نے عدالت کو آگاہ نہیں کیا کہ 209 کی کارروائی کمیشن نہیں کر رہا ؟۔ عدالت کو کل ہمارے حکم کے بارے میں آگاہ کیا جانا چاہیے تھا ۔ اٹارنی جنرل سے مکالمہ کرتے ہوئے جسٹس فائز نے کہا کہ سرپرائز ہوا ہوں آپ نے کل ان نکات کو رد نہیں کیا۔ شعیب شاہین صاحب نے میڈیا پر تقریریں کر دیں لیکن یہاں آنے کی زحمت نہیں کی۔

پرائیویسی ہمیشہ گھر کی ہوتی ہے۔ کسی کے گھر میں جھانکا نہیں جاسکتا۔ باہر سڑکوں پر جو سی سی ٹی وی کیمرے لگے ہیں، کیا یہ بھی پرائیویسی کے خلاف ہیں؟۔ جسٹس قاضی فائز عیسی نے کہا کہ سپریم کورٹ نے کل کے تحریری حکمنامے میں میرے کیس کا ذکر کیا۔ میرے کیس کے حقائق یکسر مختلف تھے۔ میری اہلیہ نے جائدادوں کی ملکیت سے انکار نہیں کیا تھا۔ میری اہلیہ کا کیس یہ تھا جو شخص ہمارے خلاف سپریم کورٹ میں کھڑا ہے، اسے کسی نے کھڑا کیا ہے۔ یہ مناسب بات ہے کم از کم جسٹس منصور علی شاہ کا فیصلہ پورا تو پڑھنا چاہیے۔ انہوں نے مزید کہا کہ دوسروں کی عزت ہے تو ہماری بھی عزت ہونی چاہیے۔ زیادہ نہیں کم از کم تھوڑی بہت تو ہماری عزت ہونی چاہیے۔ ایک گواہ خواجہ طارق رحیم نے ہمیں ای میل کی۔ انہوں نے ای میل میں لکھا جب آپ خواتین کے بیانات ریکارڈ کرنے لاہور جائیں گے میں وہیں آجاں گا۔ خواجہ طارق رحیم نے کہا طبی مسائل کے سبب اسلام آباد میں پیش نہیں ہو سکتا، جسٹس قاضی فائز عیسی۔ جسٹس قاضی فائز عیسی نے کہا کہ حکومت نے مجھے ایک ٹاسک دیا اس لیے ہم بیٹھے۔ ججز کا حلف پڑھیں، ہم آئین و قانون کے تابع ہیں۔ کمیشن کا اٹارنی جنرل کو قاضی فائز عیسی کیس کا فیصلہ پڑھنے کی ہدایت کی، جس کے بعد جسٹس قاضی فائز عیسی نے ریمارکس دیے کہ ابھی وہ اسٹیج ہی نہیں آئی تھی نہ ہم وہ کر رہے تھے۔ ایک گواہ اس وقت موجود ہیں۔

جسٹس قاضی فائز عیسی نے عبدالقیوم صدیقی کو روسٹرم پر بلا لیا۔ جسٹس قاضی فائز عیسی نے مزید ریمارکس دیے کہ ہمیں کئی بار بہت تکلیف دہ قسم کے ٹاسک ملتے ہیں۔ ہم وہ ٹاسک انجوائے نہیں کر رہے ہوتے مگر حلف کے تحت کرنے کے پابند ہیں۔ حلف کے تحت اس کی اجازت نہ ہوتی تو معذرت کر کے چلا گیا ہوتا۔ ہمیں کیا پڑی تھی، ہمیں اضافی کام کا کچھ نہیں ملتا۔ جسٹس قاضی فائز عیسی سانحہ کوئٹہ کا ذکر کرتے ہوئے جذباتی ہوگئے ۔ انہوں نے کہا کہ ہمیں اس درد ناک واقعے جیسی تحقیقات کرنا پڑتی ہیں۔ جسٹس فائز نے کہا کہ اب شام کو ٹاک شوز میں کہا جائے گا کہ ہم آئین کی خلاف ورزی کر رہے ہیں۔ ٹی وی پر ہمیں قانون سکھانے بیٹھ جاتے ہیں۔ یہاں آکر بتاتے نہیں کہ اسٹے ہوگیا ہے۔ بعد ازاں سپریم کورٹ کی جانب سے کالعدم قرار دیے گئے 3 رکنی کمیشن نے کام روک دیا۔ جسٹس قاضی فائز عیسی نے ریمارکس دیے کہ اٹارنی جنرل صاحب ہم معذرت خواہ ہیں۔ سپریم کورٹ کا جوڈیشل آرڈر ہے، اس لیے مزید کام جاری نہیں رکھ سکتے۔

کریڈٹ: انڈیپنڈنٹ نیوز پاکستان-آئی این پی

ملک میں خام تیل کی پیداوار میں ہفتہ وار بنیادوں پر 2 فیصد اضافہ اور گیس کی پیداوار میں 4 فیصد کمی ریکارڈ کی گئی ہے۔ پاکستان پٹرولیم انفارمیشن سروس اور انڈسڑی کے اعدادوشمار کے مطابق 23 مئی کو ختم ہونے والے ہفتہ میں ملک میں خام تیل کی اوسط پیداوار 62242 بیرل ریکارڈ کی گئی جو گزشتہ سے پیوستہ ہفتے کے مقابلہ میں 2 فیصدزیادہ ہے۔ رپورٹ کے مطابق گزشتہ ہفتے میں ملک میں خام تیل کی اوسط یومیہ پیداوار 60891 بیرل ریکارڈکی گئی تھی، اعدادوشمار کے مطابق 23 مئی کو ختم ہونیوالے ہفتہ میں ملک میں گیس کی اوسط یومیہ پیداوار 3107 ایم ایم سی ایف ڈی ریکارڈ کی گئی جو پیوستہ ہفتے کے مقابلہ میں 4 فیصد کم ہے، پیوستہ ہفتے میں ملک میں گیس کی اوسط یومیہ پیداوار 3229 ایم ایم سی ایف ڈی ریکارڈ کی گئی تھی۔ اعداد وشمار کے مطابق گزشتہ ہفتے میں او جی ڈی سی ایل کی خام تیل کی اوسط یومیہ پیداوار 29883 بیرل اور گیس کی اوسط یومیہ پیداوار 692 ایم ایم سی ایف ڈی ریکارڈ کی گئی۔ پیوستہ ہفتے میں او جی ڈی سی ایل کی خام تیل کی اوسط یومیہ پیداوار 27490 بیرل اور گیس کی اوسط یومیہ پیداوار 716 ایم ایم سی ایف ڈی ریکارڈ کی گئی تھی۔ اسی طرح پاکستان پٹرولیم لمیٹڈ کی خام تیل کی اوسط یومیہ پیداوار 10368 بیرل اور گیس کی اوسط یومیہ پیداوار 689 ایم ایم سی ایف ڈی ریکارڈ کی گئی،اس سے قبل پی پی ایل کی تیل کی اوسط یومیہ پیداوار 9644 بیرل اور گیس کی 680 ایم ایم سی ایف ڈی ریکارڈ کی گئی۔ ماڑی گیس کی خام تیل کی اوسط یومیہ پیداوار 1135 بیرل جبکہ گیس کی اوسط یومیہ پیداوار 758 ایم ایم سی ایف ڈی ریکارڈ کی گئی جو پیوستہ ہفتے میں بالترتیب 995 بیرل اور 812 ایم ایم سی ایف ڈی ریکارڈ کی گئی تھی۔ پی او ایل کی خام تیل کی اوسط یومیہ پیداوار 3514 بیرل جبکہ گیس 53 ایم ایم سی ایف ڈی ریکارڈ کی گئی، پیوستہ ہفتہ میں پی او ایل کی خام تیل کی اوسط یومیہ پیداوار 4693 بیرل اور گیس کی اوسط یومیہ پیداوار 66 ایم ایم سی ایف ڈی ریکارڈ کی گئی۔

کریڈٹ: انڈیپنڈنٹ نیوز پاکستان-آئی این پی

ملک میں سیمنٹ کی فروخت میں جاری مالی سال کے پہلے 10 ماہ میں سالانہ بنیادوں پر15 فیصدکی کمی ہوگئی۔ آل پاکستان سیمنٹ مینوفیکچررز ایسوسی ایشن کے مطابق جولائی سے اپریل تک کی مدت میں 36.62 ملین ٹن سیمنٹ کی فروخت ہوئی جوگزشتہ مالی سال کی اسی مدت کے مقابلہ میں 15 فیصدکم ہے۔ رپورٹ کے مطابق گزشتہ مالی سال کی اسی مدت میں ملک میں 42.66 ملین ٹن سیمنٹ کی فروخت ریکارڈکی گئی تھی، ابتدائی اندازوں کے مطابق مئی 2023 میں ملک میں 3.22 ملین ٹن سیمنٹ کی فروخت ہوئی جوگزشتہ سال مئی کے مقابلہ میں دوفیصدزیادہ ہے، گزشتہ سال مئی میں ملک میں 3.15 ملین ٹن سیمنٹ کی فروخت ریکارڈکی گئی تھی۔ اعدادوشمارکے مطابق جاری مالی سال کے پہلے 10 ماہ میں سیمنٹ کی مجموعی برآمدات کاحجم 4.07 ملین ٹن ریکارڈ کیاگیا ہے جوگزشتہ مالی سال کی اسی مدت کے مقابلہ میں 18 فیصدکم ہے۔ دوسری جانب گزشتہ مالی سال کی اسی مدت میں 4.97 ملین ٹن سیمنٹ کی برآمدات ریکارڈکی گئی تھیں، مئی میں 0.61 ملین ٹن سیمنٹ کی فروخت کااندازہ ہے جو گزشتہ سال مئی کے مقابلہ میں زیادہ ہے، گزشتہ سال مئی میں 0.17 ملین ٹن سیمنٹ کی فروخت ریکارڈکی گئی۔

کریڈٹ: انڈیپنڈنٹ نیوز پاکستان-آئی این پی

ٹیکسٹائل برآمد کنندگان نے رواں مالی سال (2022-23) کے پہلے 10 ماہ کے دوران ملک کی ٹیکسٹائل برآمدات میں شدید کمی کی وجہ بجلی اور گیس پر رعایتی ٹیرف کی واپسی کو قرار دیا ہے۔ پاکستان ٹیکسٹائل ایکسپورٹرز ایسوسی ایشن کے سینئر وائس چیئرمین فیصل نثار نے ویلتھ پاک سے بات کرتے ہوئے کہا کہ کاروبار کی بڑھتی ہوئی لاگت کی وجہ سے ٹیکسٹائل کی صنعت اس وقت دباوکا شکار ہے۔کیش فلو کی کمی اور خام مال کی درآمد کے لیے لیٹر آف کریڈٹ جاری نہ ہونے کی وجہ سے ٹیکسٹائل انڈسٹری پہلے ہی مشکل وقت سے گزر رہی ہے، توانائی کے نرخوں پر رعایتیں واپس لینے سے برآمدات کو مزید نقصان پہنچا۔ وائس چیئرمین نے کہا کہ برآمدات قدر اور مقدار دونوں میں گر رہی ہیںجس سے روزگار اور ملک کی مجموعی معیشت پر منفی اثرات مرتب ہو رہے ہیں۔انہوں نے کہا کہ اپریل 2023 میں ٹیکسٹائل کی برآمدات میں 29 فیصد سال بہ سال کمی تشویشناک ہے اور برآمدات پر مبنی شعبے کو موجودہ صورتحال کو بہتر بنانے کے لیے حکومت کے فوری اقدامات کی ضرورت ہے۔آل پاکستان ٹیکسٹائل ملز ایسوسی ایشن کے جاری کردہ اعداد و شمار کے مطابق ملک کی ٹیکسٹائل برآمدات اپریل 2023 میں 29 فیصد کم ہو کر 1.24 بلین ڈالر رہ گئیں جو گزشتہ سال کے اسی مہینے کے دوران 1.74 بلین ڈالر تھیں، جس سے یہ مسلسل ساتویں ماہ منفی ہے

۔ملک کی ٹیکسٹائل برآمدات بھی مالی سال 23 کے پہلے 10 ماہ کے دوران 14 فیصد کم ہو کر 13.71 بلین ڈالر رہ گئیں جو مالی سال 22 کی اسی مدت کے دوران 15.97 بلین ڈالر تھیں۔فیصل نے کہا کہ برآمدات میں کمی معیشت کے لیے سنگین تشویش اور صنعت کے لیے ایک بڑا دھچکا ہے۔"توانائی کے نرخوں میں اضافے کے نتیجے میں بے روزگاری پیدا ہونے کے علاوہ ٹیکسٹائل کی برآمدات میں بڑے پیمانے پر تعطل آئے گا۔فیصل نے حکومت سے مطالبہ کیا کہ برآمدات میں کمی کو روکنے کے لیے صنعت کے لیے فوری ریلیف پیکج کا اعلان کیا جائے۔انہوں نے زور دیا کہ صنعت کو مسابقتی بنانے کے لیے ٹیکسٹائل ملوں کو پہلے سے طے شدہ علاقائی مسابقتی توانائی ٹیرف پر بجلی اور گیس فراہم کی جانی چاہیے۔فیصل نے کہا کہ برآمدات ہی ملکی معیشت کو بحال کرنے کی واحد امید ہیں لیکن بدقسمتی سے ایل سیز کا نہ کھلنا، کیش فلو کی کمی اور پیداواری لاگت جیسے مسائل عالمی منڈی کی کساد بازاری سے زیادہ مینوفیکچرنگ اور برآمدات کو متاثر کر رہے ہیں۔

اپٹما نے خبردار کیا ہے کہ ملکی اور عالمی چیلنجز کی وجہ سے ٹیکسٹائل کی برآمدات گزشتہ مالی سال کے مقابلے میں رواں مالی سال کے دوران 15 فیصد سے 20 فیصد تک کم ہو سکتی ہیں۔پاکستان نے گزشتہ مالی سال (2021-22) کے دوران 19.329 بلین ڈالر کی ٹیکسٹائل برآمدات کی اب تک کی سب سے زیادہ مقدار حاصل کی۔ تاہم ٹیکسٹائل سیکٹر مثبت نمو کے رجحان کو برقرار نہیں رکھ سکا اور مالی سال 23 کے پہلے تین مہینوں کے دوران سنگل ہندسوں کی نمو ریکارڈ کرنے کے بعد گزشتہ سال اکتوبر میں برآمدات میں کمی آنا شروع ہوئی۔ٹیکسٹائل کی برآمدات ملک کی مجموعی برآمدات کا بڑا حصہ ہیں اور ٹیکسٹائل کا شعبہ پاکستان میں صنعتی افرادی قوت کا 50 فیصد سے زیادہ حصہ رکھتا ہے۔ 2021-22 میں ٹیکسٹائل کی برآمدات ملک کی 31.76 بلین ڈالر کی کل برآمدات کا 60.92 فیصد تھیں۔ٹیکسٹائل اور ملبوسات کی پالیسی 2020-25 کے مطابق رواں مالی سال کے لیے ٹیکسٹائل کی برآمدات کا ہدف 25 ارب ڈالر مقرر کیا گیا ہے۔

کریڈٹ: انڈیپنڈنٹ نیوز پاکستان-آئی این پی

محکمہ انسداد دہشت گردی (سی ٹی ڈی ) نے دہشت گردی کے خدشات کے پیش نظر کارروائی کرتے ہوئے پنجاب کے مختلف شہروں سے 12 دہشت گردوں کو گرفتار کرلیا۔ سی ٹی ڈی حکام کے مطابق انٹیلی جنس بیسڈ کارروائی سرگودھا ، راولپنڈی ملتان، بہاولپور اور گوجرنوالہ میں کی گئی ، گرفتار دہشت گردوں کا تعلق کالعدم داعش اور ٹی ٹی پی سے ہے ۔ سی ٹی ڈی حکام کاکہنا ہے کہ دہشت گردوں کی شناحت میر احمد، حبیب الرحمان، ہارون ، ضیا، عمران، مدثر، عدیل اور فاروق کے نام سے ہوئی ہے ۔ سی ٹی ڈی حکام کے مطابق دہشت گردوں کے قبضے سے بارودی مواد ، خودکش جیکٹ، ڈیٹو نیٹر، ہینڈگرنیڈ ، اسلحہ ، گولیاں اورنقدی برآمد ہوئی ہے ۔ سی ٹی ڈی حکام کا کہنا ہے کہ دہشت گردوں کے خلاف مقدمات درج کرکے تفتیش جاری ہے ، رواں ہفتے249 کومبنگ آپریشنز کے دوران 40 مشتبہ افراد گرفتارکیے گئے ۔ سی ٹی ڈی حکام نے کہا کہ ریاست دشمن عناصر کو کیفر کردار تک پہنچانے میں کوئی کسر نہیں چھوڑی جائے گی۔

کریڈٹ: انڈیپنڈنٹ نیوز پاکستان-آئی این پی

فیصل آباد میں تھانہ پیپلزکالونی کے علاقہ میں مبینہ پولیس مقابلے میں دو ڈاکو ہلاک جبکہ ایک ڈاکو زخمی ہوگیا۔ حکام کے مطابق ڈاکو سوساں روڈ پر شہری کے ساتھ واردات کرکے فرار ہورہے تھے، روکنے کی کوشش پر ڈاکوں نے پولیس پارٹی پر فائرنگ کی۔ پولیس کے مطابق جوابی فائرنگ سے دو ڈاکو ہلاک جبکہ ایک زخمی ہوگیا۔ دوسری جانب پولیس کے مطابق عارف والا کے نواحی گاں میں نشے کے پیسے نہ دینے پربیٹے نے باپ کو قتل کردیا، ملزم آئس کے نشے کا عادی تھا، فائرنگ کے بعد موقع سے فرار ہوگیا۔

کریڈٹ: انڈیپنڈنٹ نیوز پاکستان-آئی این پی

9 مئی کو جی ایچ کیو راولپنڈی پرحملہ کرنے والے ایک اور شرپسند کی شناخت ہو گئی، جو پی ٹی آئی کا سینئر عہدیدار نکلا۔ پرتشدد واقعات میں ملوث شر پسند کا نام راجا ماجد حسین دھنیال ہے، جو پی ٹی آئی شمالی پنجاب کا سینئر نائب صدر اور مرکزی سیکرٹری لیگل افئیرز جیسے اہم عہدوں پر فائز رہا ہے۔ راجا ماجد حسین دھنیال جی ایچ کیو پر حملے سے قبل مظاہرین کو اکستاتا رہا ۔ ملزم نے ریاست مخالف شدید نعرے بازی اور توڑ پھوڑ میں مرکزی کردار ادا کیا۔ فوجی املاک خصوصا جی ایچ کیو پر حملہ کرنے پر اکسانے، پر تشدد مظاہروں کی سرپرستی اورفوج مخالف نعرے بازی پر راجا ماجد حسین دھنیال کے خلاف قانونی گھیرا تنگ کردیا گیا ہے۔نشاندہی کے بعد ملزم کی گرفتاری کے لیے قانون نافذ کرنے والے ادارے متحرک ہو گئے ہیں۔

کریڈٹ: انڈیپنڈنٹ نیوز پاکستان-آئی این پی

محکمہ داخلہ پنجاب نے جناح ہاوس میں توڑ پھوڑ اور جلاو گھیرا وکی تحقیات کے لیے جے آئی ٹی تشکیل دے دی جس کا نوٹیفکیشن جاری کر دیا گیا۔ لاہورجناح ہاوس میں توڑ پھوڑ اور جلاو گھیراو کے مقدمے میں محکمہ داخلہ پنجاب نے تحقیقات کیلئے جے آئی ٹی تشکیل دیدی،نوٹیفکیشن کے مطابق ایس پی انویسٹی گیشن اقبال ٹاون عقیلہ نیاز نقوی جے آئی ٹی کی کنوینرمقرر کیا گیا ہے۔ نوٹیفکیشن پولیس کے 4 دیگرافسران جے آئی ٹی کے ممبرمقرر کیے گئے ہیں۔

کریڈٹ: انڈیپنڈنٹ نیوز پاکستان-آئی این پی

متحدہ قومی موومنٹ (ایم کیو ایم)پاکستان کے رہنما مصطفی کمال نے کہا ہے کہ زرداری صاحب اگر بلاول کو وزیراعظم بنانا ہے تو کراچی والوں کو پہلے ان کا حق دو، کراچی میں مسائل کی وجہ سندھ حکومت ہے۔ کراچی میں احتساب عدالت کے باہر میڈیا سے گفتگو کرتے ہوئے مصطفی کمال نے کہا کہ کراچی کی آبادی سندھ کی کل آبادی سے 50 فیصد زیادہ ہے۔ مصطفی کمال کا کہنا ہے کہ کراچی میں مسائل کی وجہ سندھ حکومت ہے، پاکستان کے کوٹے سے سندھ کو 36 ہزار 3 سو 70ملین گیلن پانی ملتا ہے۔ انہوں نے کہا کہ اس میں سے کراچی کو 540 ملین گیلن ملتا ہے، لیاقت آباد والے پورے لاہور کے شہر سے زیادہ ٹیکس دیتے ہیں۔ متحدہ قومی موومنٹ کا کہنا ہے کہ جعلی ڈومیسائل بنا کر اس شہر کے کوٹے کو بھی چھین رہے ہیں، اس شہر میں ایک نوکری نہیں دی گئی، رات کو بجلی نہیں اور صبح گیس نہیں۔ ایم کیو ایم کے رہنما نے کہا کہ حکومت سندھ کے طاقتور لوگ جس کی زمین پر چاہیں دیوار کھڑی کر لیں وہ زمین ان کی ہو گئی، سندھ کے وزیرِ اعلی تعصب کی عینک نہیں اتار رہے۔ عمران خان کے حوالے سے بات کرتے ہوئے مصطفی کمال نے کہا کہ عمران خان کے بیانیے کو ختم کر کے بات ختم ہو جائے گی تو یہ نہیں ہو گا، لوگ عمران خان کے جھوٹ کا پتہ چلنے کے باوجود ان کے ساتھ کیوں کھڑے رہے، وجہ جانے بغیر ریاست مخالفت بیانیے کو ختم نہیں کیا جا سکتا، سندھ میں عمران خان بیانیہ ختم ہو جائے تو مسائل ختم ہو جائیں گے؟

کریڈٹ: انڈیپنڈنٹ نیوز پاکستان-آئی این پی

لاہور کی ماڈل ٹاون کچہری کے سامنے آتشزدگی کا واقعہ ،وکلا کے چالیس سے زائد چیمبرز جل کر خاکستر ہوگئے ۔ لاہور میں ماڈل ٹان کچہری کیسامنے وکلا چیمبرزمیں صبح سویرے آتشزدگی کا واقعہ پیش آیا ہے۔ کیسز کی اہم فائلیں بھی جل کر راکھ بن گئیں۔ فیملی،سول نوعیت کی عدالتی فائلیں جل گئیں ،وکلا نے چیمبر میں لگنے والی آگ کی تحقیات کا مطالبہ کردیا۔

کریڈٹ: انڈیپنڈنٹ نیوز پاکستان-آئی این پی

پاکستان تحریک انصاف ( پی ٹی آئی )کے سابق ایم این اے عامر ڈوگر کو دوبارہ گرفتار کرلیا گیا۔ ذرائع کے مطابق عامرڈوگر کو ملتان شیر شاہ موٹروے انٹرچینج سے گرفتار کیا گیا۔عامر ڈوگر چند روز قبل ضلع کچہری خانیوال سے رہائی کے بعد فرار ہوگئے تھے۔عامرڈوگر پر 9 مئی کو ملتان کینٹ میں توڑ پھوڑ کا مقدمہ درج ہے۔

کریڈٹ: انڈیپنڈنٹ نیوز پاکستان-آئی این پی

عمران خان نے گھر کے سرچ وارنٹ منسوخ کرانے کے لیے انسداد دہشتگردی کی عدالت سے رجوع کرلیا۔ عمران خان نے درخواست میں کمشنرلاہور،ڈی سی لاہورسمیت دیگر کو فریق بنایا۔درخواست میں موقف اختیار کیا گیا کہ دہشت گردی عدالت سے18 مئی کو پولیس نے سرچ وارنٹ حاصل کیے، پولیس سمیت دیگر نے سرچ وارنٹ بدنیتی کی بنیاد پر حاصل کیے۔ عدالت 18 مئی کو جاری سرچ وارنٹ کالعدم قرار دے استدعا ۔عدالت نے نوٹسز جاری کرتے ہوئے فریقین سے جواب طلب کرلیا۔

کریڈٹ: انڈیپنڈنٹ نیوز پاکستان-آئی این پی

سابق پی ٹی آئی وزیرعلی زیدی نے سیاست چھوڑنے کا اعلان کر تے ہوئے کہا ہے کہ پی ٹی آئی سندھ کی صدارت سے مستعفی ہوتا ہوں، سیاست چھوڑنے کا مشکل فیصلہ کیا، اپنے عہدوں سے استعفی دے رہا ہوں،میں نے ہمیشہ پاکستان کی خدمت کی،9 مئی کے واقعات کی اور کرتا رہوں گا۔ پی ٹی آئی رہنما علی زیدی نے ویڈیو بیان میں کہا کہ میرے لیے آسان نہیں مشکل فیصلہ تھا،پاکستان کی خدمت کرنے کی کوشش کروں گا،ایکسپوٹ کا دوبارہ کام کرنا چاہتا ہوں،پاک فوج زندہ آباد، پاکستان زندہ آباد۔

کریڈٹ: انڈیپنڈنٹ نیوز پاکستان-آئی این پی

سابق وزیر خزانہ مفتاح اسماعیل نے اپنے سیاسی مستقبل کو سابق وزیراعظم شاہد خاقان عباسی کے ساتھ منسلک کر دیا۔ کونسل آف اکنامک اینڈ انرجی جرنلسٹس سیج ممبران کے ساتھ اجلاس میں بات چیت کرتے ہوئے سابق وزیر خزانہ نے کہا کہ شاہد خاقان عباسی نے اگر مسلم لیگ ن کو چھوڑ کر دوسری جماعت جوائن کی تو وہ ان کے ساتھ ہوں گے۔ مفتاح اسماعیل نے خبردار کرتے ہوئے کہا کہ اکتوبر یا نومبر تک آئی ایم ایف نہیں آیا تو ڈیفالٹ کے امکانات بہت بڑھ جائیں گے، آئی ایم ایف پروگرام کی بحالی میں کافی تاخیر ہوگئی ہے۔ ان کا کہنا تھا نگراں سیٹ اپ میں کوئی آفر نہیں دی گئی ہے صرف قیاس آرائیاں کی جا رہی ہیں، حکومتی کارکردگی پر بات کرنے پر پہلے مسلم لیگ سے روکا گیا تاہم اب اس پر خاموشی ہے۔

کریڈٹ: انڈیپنڈنٹ نیوز پاکستان-آئی این پی

بیجنگ(شِنہوا)چین کےنجی شعبے کے ٹیکس دہندگان کو ملک کے ٹیکس اور فیس میں ریلیف کے اقدامات سے سب سے زیادہ فائدہ پہنچا ہے۔

ریاستی ٹیکسیشن ایڈمنسٹریشن کے ایک اہلکاررونگ حیی لو نے جمعہ کو ایک پریس کانفرنس میں بتایا کہ اس سال کے پہلے چار مہینوں میں ملک کے نجی کاروباروں اور خودکفیل گھرانوں کو ٹیکسوں اور فیس کی ادائیگیوں میں چھوٹ سمیت کٹوتیوں یا موخرکردہ رقوم کی مد میں 339 ارب 30 کروڑ یوآن سے زائد (تقریباً 47 ارب 95 کروڑڈالر) کی رعایت دی گئی جو مجموعی ریلیف کی رقم کا 70 فیصد سے زائد حصہ ہے۔

رونگ نے کہا کہ صنعت کے لحاظ سے اعداد و شمار کے حوالے سے مینوفیکچرنگ، ہول سیل اور ریٹیل انڈسٹریز نجی معیشت میں تمام صنعتوں سے سب سے زیادہ مستفید ہوئیں جنہوں نے ٹیکس اور فیس میں کل ریلیف کا 48 فیصد حصہ حاصل کیا۔

بیجنگ(شِنہوا) چین کے ایک انسٹی ٹیوٹ کی جانب سے ڈیزائن کردہ پروٹون سائکلوٹران کا خلائی ریڈی ایشن ٹیسٹ کے لیے استعمال شروع کردیاگیا ہے۔

چین کی اکیڈمی آف سائنسز کے نیشنل اسپیس سائنس سنٹر (این ایس ایس سی) کے مطابق،چائنہ انسٹی ٹیوٹ آف اٹامک انرجی کی جانب سے تیار کردہ ہوآئی رو پروٹون سائکلوٹران فسیلٹی(ایچ آرپی سی ایف) کے آزمائشی تجربات مکمل کرلیے گئے جسےخلائی ریڈی ایشن ٹیسٹ کے لیے استعمال کیا جائے گا۔

این ایس ایس سی کے محقق ہان جیان وی نے کہا کہ پیچیدہ خلائی ماحول میں، اعلی توانائی کے حامل پروٹون خلائی ریڈی ایشن کا ایک اہم ذریعہ ہیں، جو خلائی جہاز کے خول میں گھس سکتے ہیں اور خلائی جہاز کے چپس، مواد اور آلات کو نقصان پہنچا سکتے ہیں۔ ہان نے بتایا کہ زمین پر موجود آلات کے ذریعے مصنوعی خلائی تابکاری کا ماحول پیدا کرکے تابکاری کے نقصانات سے نمٹاجاسکتاہے۔ ایچ آرپی سی ایف  چھوٹے سائز اور اعلی کارکردگی کے ساتھ ، خلائی تابکاری کی تحقیق کے لیے مدد فراہم کرے گا۔

بیجنگ(شِنہوا)چین کے نائب صدر ہان ژینگ نے جمعہ کو بیجنگ میں ایتھوپیا کے نائب وزیر اعظم اور امور خارجہ کے وزیر ڈیمیک میکونن ہاسن سے ملاقات کی۔

 چین اور ایتھوپیا تعاون کی جامع  سٹرٹیجک شراکت داری کا ذکر کرتے ہوئے ہان ژینگ نے بنیادی مفادات کے تحفظ میں چین کی پختہ حمایت کرنے پر ایتھوپیا کی تعریف کی۔

ہان نے کہا کہ چین اتحاد اور امن کو مستحکم کرنے اور اقتصادی بحالی کے لیے ایتھوپیا کی بھرپور حمایت کرتا ہے اورچین ایتھوپیا کے ساتھ مشترکہ طور پر اعلیٰ معیار کے بیلٹ اینڈ روڈ کی تعمیر، عملی تعاون کو وسعت دینے اور عوام کے درمیان تبادلوں کو فروغ دینے کے لیے تیار ہے۔

ایتھوپیا کے نائب وزیر اعظم ڈیمیک میکونن ہاسن نے امن کی بحالی اور چیلنجوں سے نمٹنے میں ایتھوپیا کے لیے چین کی بھرپور حمایت کی تعریف کرتے ہوئے کہا کہ ایتھوپیا چین کے اہم اقدامات کے نفاذ میں فعال طور پر حصہ لینے کے لیے تیار ہے۔

بیجنگ(شِنہوا)چین کے نائب صدر ہان ژینگ نے جمعہ کو بیجنگ میں ایتھوپیا کے نائب وزیر اعظم اور امور خارجہ کے وزیر ڈیمیک میکونن ہاسن سے ملاقات کی۔

 چین اور ایتھوپیا تعاون کی جامع  سٹرٹیجک شراکت داری کا ذکر کرتے ہوئے ہان ژینگ نے بنیادی مفادات کے تحفظ میں چین کی پختہ حمایت کرنے پر ایتھوپیا کی تعریف کی۔

ہان نے کہا کہ چین اتحاد اور امن کو مستحکم کرنے اور اقتصادی بحالی کے لیے ایتھوپیا کی بھرپور حمایت کرتا ہے اورچین ایتھوپیا کے ساتھ مشترکہ طور پر اعلیٰ معیار کے بیلٹ اینڈ روڈ کی تعمیر، عملی تعاون کو وسعت دینے اور عوام کے درمیان تبادلوں کو فروغ دینے کے لیے تیار ہے۔

ایتھوپیا کے نائب وزیر اعظم ڈیمیک میکونن ہاسن نے امن کی بحالی اور چیلنجوں سے نمٹنے میں ایتھوپیا کے لیے چین کی بھرپور حمایت کی تعریف کرتے ہوئے کہا کہ ایتھوپیا چین کے اہم اقدامات کے نفاذ میں فعال طور پر حصہ لینے کے لیے تیار ہے۔

بیجنگ(شِنہوا)چین کے نائب صدر ہان ژینگ نے جمعہ کو بیجنگ میں ایتھوپیا کے نائب وزیر اعظم اور امور خارجہ کے وزیر ڈیمیک میکونن ہاسن سے ملاقات کی۔

 چین اور ایتھوپیا تعاون کی جامع  سٹرٹیجک شراکت داری کا ذکر کرتے ہوئے ہان ژینگ نے بنیادی مفادات کے تحفظ میں چین کی پختہ حمایت کرنے پر ایتھوپیا کی تعریف کی۔

ہان نے کہا کہ چین اتحاد اور امن کو مستحکم کرنے اور اقتصادی بحالی کے لیے ایتھوپیا کی بھرپور حمایت کرتا ہے اورچین ایتھوپیا کے ساتھ مشترکہ طور پر اعلیٰ معیار کے بیلٹ اینڈ روڈ کی تعمیر، عملی تعاون کو وسعت دینے اور عوام کے درمیان تبادلوں کو فروغ دینے کے لیے تیار ہے۔

ایتھوپیا کے نائب وزیر اعظم ڈیمیک میکونن ہاسن نے امن کی بحالی اور چیلنجوں سے نمٹنے میں ایتھوپیا کے لیے چین کی بھرپور حمایت کی تعریف کرتے ہوئے کہا کہ ایتھوپیا چین کے اہم اقدامات کے نفاذ میں فعال طور پر حصہ لینے کے لیے تیار ہے۔

چین کے صوبہ گوئی ژوکے دارلحکومت گوئی یانگ میں شرکاء جمعہ سے شروع ہونے والی چائنہ انٹرنیشنل بگ ڈیٹا انڈسٹری ایکسپو 2023 کے مقام کی طرف جا رہے ہیں۔(شِنہوا)

میکسیکو کی ریاست پیوبلا سے پوپوکاتپتل  آتش فشاں کاایک منظر۔(شِنہوا)

میکسیکو کی ریاست پیوبلا سے پوپوکاتپتل  آتش فشاں کاایک منظر۔(شِنہوا) 

چین کے صوبہ گوئی ژوکے دارلحکومت گوئی یانگ میں شرکاءجمعہ سے شروع ہونے والی چائنہ انٹرنیشنل بگ ڈیٹا انڈسٹری ایکسپو 2023 کے لوگو کے پاس سے گزر رہے ہیں۔(شِنہوا)

عوامی جمہوریہ کانگو(ڈی آر سی) کے صدر فیلکس انتونی ٹشی سکیڈی  ٹشی لومبو چین کے دارالحکومت بیجنگ کےتیان ان من سکوائر پر قومی ہیروز کی یادگار پر گلدستہ رکھنے جا رہے ہیں۔(شِنہوا)

عوامی جمہوریہ کانگو(ڈی آر سی) کے صدر فیلکس انتونی ٹشی سکیڈی  ٹشی لومبو چین کے دارالحکومت بیجنگ کےتیان ان من سکوائر پر قومی ہیروز کی یادگار پر گلدستہ رکھنے جا رہے ہیں۔(شِنہوا)

قاہرہ (شِںہوا) مصر کے دارالحکومت قاہرہ میں چائے کے موضوع پر ایک ثقافتی سیلون کا انعقاد کیا گیا جس میں 200 سے زائد افراد نے مشہور چینی چائے بنانے کے ہنر کو دیکھا ، اس کا ذائقہ چکھا اور ثقافتی پرفارمنس سے لطف اندوز ہوئے۔

اس سیلون کا موضوع " چائے ، چین کا دنیا کو ایک تحفہ" تھا۔ اس میں مصر میں چین کے سفیر لیاؤ لی چھیانگ ، مصر کے سابق وزیر اعظم عصام شرف اور عرب لیگ کے اسسٹنٹ سیکرٹری جنرل خلیل ابراہیم محمد صالح الثویدی کے علاوہ سرکاری حکام، میڈیا نمائندے اور چین اور مصر دونوں سے چائے کے دلدادہ افراد نے شرکت کی۔

لیاؤ نے اپنے خطاب میں کہا کہ چائے نہ صرف چینی قوم کی روحانی علامت بلکہ چین اور باقی دنیا کے درمیان رابطہ اور پل بھی ہے۔

سفیر نے کہا کہ چین کی روایتی چائے تیار کرنے کا طریقہ کار اور اس سے وابستہ سماجی رواج تمام انسانیت کا مشترکہ اثاثہ بن چکے ہیں۔ یہ اقوام متحدہ کی تعلیمی ، سائنسی اور ثقافتی تنظیم (یونیسکو) کی 2022 میں انسانیت کے غیرمادی ثقافتی ورثہ فہرست میں شامل ہے۔

انہوں نے امید ظاہر کی کہ چائے چین و مصر کے درمیان تعلقات مضبوط بنانے میں اہم کردار ادا کرے گی۔

تقریب میں چائے کے موضوع پر مختلف سرگرمیوں کے علاوہ چینی لوک رقص اور شاؤلِن کنگ فو کی پرفارمنس بھی پیش کی گئی جسے لوگوں نے تالیاں بجاکر خوب داد دی۔

قاہرہ (شِںہوا) مصر کے دارالحکومت قاہرہ میں چائے کے موضوع پر ایک ثقافتی سیلون کا انعقاد کیا گیا جس میں 200 سے زائد افراد نے مشہور چینی چائے بنانے کے ہنر کو دیکھا ، اس کا ذائقہ چکھا اور ثقافتی پرفارمنس سے لطف اندوز ہوئے۔

اس سیلون کا موضوع " چائے ، چین کا دنیا کو ایک تحفہ" تھا۔ اس میں مصر میں چین کے سفیر لیاؤ لی چھیانگ ، مصر کے سابق وزیر اعظم عصام شرف اور عرب لیگ کے اسسٹنٹ سیکرٹری جنرل خلیل ابراہیم محمد صالح الثویدی کے علاوہ سرکاری حکام، میڈیا نمائندے اور چین اور مصر دونوں سے چائے کے دلدادہ افراد نے شرکت کی۔

لیاؤ نے اپنے خطاب میں کہا کہ چائے نہ صرف چینی قوم کی روحانی علامت بلکہ چین اور باقی دنیا کے درمیان رابطہ اور پل بھی ہے۔

سفیر نے کہا کہ چین کی روایتی چائے تیار کرنے کا طریقہ کار اور اس سے وابستہ سماجی رواج تمام انسانیت کا مشترکہ اثاثہ بن چکے ہیں۔ یہ اقوام متحدہ کی تعلیمی ، سائنسی اور ثقافتی تنظیم (یونیسکو) کی 2022 میں انسانیت کے غیرمادی ثقافتی ورثہ فہرست میں شامل ہے۔

انہوں نے امید ظاہر کی کہ چائے چین و مصر کے درمیان تعلقات مضبوط بنانے میں اہم کردار ادا کرے گی۔

تقریب میں چائے کے موضوع پر مختلف سرگرمیوں کے علاوہ چینی لوک رقص اور شاؤلِن کنگ فو کی پرفارمنس بھی پیش کی گئی جسے لوگوں نے تالیاں بجاکر خوب داد دی۔

عمان، مسقط میں چین اور عمان کے درمیان سفارتی تعلقات کی 45 ویں سالگرہ کے موقع پرمنعقدہ استقبالیہ میں شرکا کا گروپ فوٹو کے لیے ایک انداز ۔ (شِںہوا)

عمان، مسقط میں چین اور عمان کے درمیان سفارتی تعلقات کی 45 ویں سالگرہ کے موقع پرمنعقدہ استقبالیہ میں شرکا کا گروپ فوٹو کے لیے ایک انداز ۔ (شِںہوا)

امریکہ، لاس اینجلس میں منعقدہ نمائش ہفتہ 2023 میں لوگ چین کے بی او ای ٹیکنالوجی گروپ کے نمائشی علاقے کا دورہ کررہے ہیں۔(شِنہوا)

امریکہ، لاس اینجلس میں منعقدہ نمائش ہفتہ 2023 میں لوگ چین کے بی او ای ٹیکنالوجی گروپ کے نمائشی علاقے کا دورہ کررہے ہیں۔(شِنہوا)

بیجنگ (شِنہوا) چین کے وزیر خارجہ چھن گانگ نے بیجنگ میں افریقہ ڈے کے موقع پر منعقدہ استقبالیہ تقریب میں شرکت کی اور چین ۔افریقہ تعاون کو مزید گہرا کرنے کی تجاویز پیش کیں۔

استقبالیہ سے خطاب کرتے ہوئے چھن  نے چینی حکومت کی جانب سے افریقی اتحاد کی تنظیم کو اس کی 60 ویں سالگرہ پر مبارکباد دیتے ہوئے کہا کہ افریقہ عالمی اثر و رسوخ اور بڑھتی ہوئی بین الاقوامی حیثیت کے ساتھ ایک اہم قوت بن چکا ہے۔

چھن  نے کہا کہ مشترکہ مستقبل کے ساتھ قریبی چین۔افریقہ کمیونٹی کی تعمیر کے ایک نئے دور میں داخل ہوتے ہوئے  چین اور افریقہ کو اپنے اتحاد و تعاون کو پہلے سے کہیں زیادہ مضبوط کرنے کی ضرورت ہے۔

انہوں نے چین اور افریقہ پر زور دیا کہ وہ ایک دوسرے کے جائز حقوق اور مفادات کا مضبوطی سے تحفظ کریں اور ایک دوسرے کی خودمختاری، ترقی اور وقار سے متعلق امور پر باہمی حمایت کو مزید مستحکم کریں۔

چین اور افریقہ کو مخصوص خصوصیات کے ساتھ جدید کاری کے پروگرامز کو فعال طور پر فروغ دینا چاہئے۔ 

چھن نے دونوں فریقین پر زور دیا کہ وہ بیلٹ اینڈ روڈ اینی شیٹو ، گلوبل ڈیویلپمنٹ اینی شیٹو ، افریقی یونین کے ایجنڈا 2063 اور افریقی ممالک کی دیگر ترقیاتی حکمت عملیوں کے مابین ہم آہنگی کو فروغ دیں اور افریقہ کی  صنعت کاری ، لوکلائزیشن اور معاشی تنوع کو تیز کرنے میں مدد کریں۔

انہوں نے کہا کہ چین اور افریقہ کو مشترکہ طور پر عالمی گورننس سسٹم میں اصلاحات کو فروغ دینا چاہئے،  ترقی پذیر ممالک کے مشترکہ مفادات کا تحفظ کرنا چاہئے اور ترقی پذیر ممالک کی طاقت کو اکٹھا کرنا جاری رکھنا چاہئے۔

انہوں نے مز ید کہا کہ چین اور افریقہ کو مشترکہ طور پر گلوبل سیکیورٹی اینی شیٹو پر عمل درآمد کرنے، افریقہ اور دنیا بھر میں اہم مسائل کو کم کرنے اور غیر روایتی سیکورٹی چیلنجز سے مشترکہ طور پر نمٹنے کی ضرورت ہے۔

  انہوں نے افریقہ میں امن اور استحکام کو فروغ دینے کے لئے اقوام متحدہ کی کوششوں کو بہتر بنانے اور دہشت گردی سے لڑنے اور استحکام برقرار رکھنے کے لئے افریقہ کی صلاحیت کو بڑھانے پر زور دیا۔